#مفهوم_البعض_عن_اللاجئين القادمين من السودان
انا احنا بعتنا لهم دعوه وقولنالهم احنا عندنا نقص لاجئين يا جماعه ياريت تعملوا حرب اهليه ، وتموتوا بعض ، عشان الناس تخاف وتهرب وتجيلنا ،فنعوض نقص اللاجئين
بالتالى هيبقى من المنطقى تلاقى الشخص من دول يقولك
مهو ليه بتقبلوا لاجئين👇

مهو متصور طبقا لعالم ديزنى اللى هو عايش فيه ، ان عندى اختيار انى اقبل او ارفض ، ده يمكن هو كمان متصور اننا اللى بنجيبهم ، اه والله هم بيقولوا كده نصا ، ليه بتجيب لاجئين ؟!!
مفيش حكومه بتجيب لاجئين لانها بتحب لاجئين غير بعض حكومات غرب اوروبا لما حاولوا يعملوا تلاعب👇٢

يعملوا تلاعب فى ديموغرافية المصوتين لاحزابهم ، بس كل ده لا معنى له فى مصر ، لانك لا بتجنس ، ولا عندك حزب يسارى عاوز ياخد اصواتهم ولا اى حاجه من الهلس ده ، بالعكس انت اصلا عندك زحمه ، بالتالى عند اى شخص ، يمتلك الحد الادنى من الذكاء ، كان لازم يفهم لوحده ان الموضوع اجبارى👇٣

مش اختيارى ...... احنا مش عاوزين لاجئين ، بس غصب عننا لازم نقبلهم !!
ليه اجبارى وغصب؟
ده اللى شرحناه ميت مره ، واخرها فى سلسله الوضع القانونى للاجئين ، وجبتلك النصوص القانونيه بالصور من مصادرها فى الامم المتحده !! ده قانون دولى ، انت متعود ان اخرك مجلة ماجد ، مفيش مشكله 👇٤

متتكلمش غير فى مستوى مجله ماجد يا سيدى !ايه اللى حشرك فى المواضيع المكلكعه دى؟عشان متضايق يعنى؟ضمها للمليون حاجه اللى مضايق ومش فاهمها برضه عادى يعنى!!احنا شرحنا كتير والله وكل مره بالادله!
طب بعد كل ده مفهمتش؟!
لا يكلف الله نفسا الا وسعها ، ما احنا مش هنستورد بياعين بطاطا برضه