النهاردة طلبت indrive من المعادي للرحاب، كان معروض minimum fair وعادي جدا وفي سواق طلب سعر معين وانا قبلته، الباشا طول الطريق بtext وكذا مرة اكلنا كام مطب ده غير ان في لحظة كنا هنلبس في رصيف! قولتله من فضلك تركز في الطريق لو حضرتك مستغني انا مش مستغنية. قلب وشه وخلاص قربنا -1
على الرحاب، فا قاللي الدخول من اي بوابة قولتله حضرتك انا ماعرفش بس ممكن نسأل عادي قاللي انا هدخل من بوابة ٦ قولتله تمام انا عايزة انزل المكان اللي مطلوب في الرحلة بالظبط لز اكتر ولا اقل. لقى بوابة ٦ مقفولة قاللي انزلي وكان لسه فاضل على المكان اللي انا رايحاه واسمه موجود-
في الرحلة ١٣ دقيقة بالعربية مش مشي حتى! قولتله حضرتك ممكن نسأل عسكري المرور ده اكيد عارف ندخل منين، قاللي انزل اسأليه انتي انا مش شغال عندك، رحت سألت بتاع المرور قاللي الدخول النهاردة من بوابة ١٢ قولتله قام مزعق وقاللي انا كدا هاخد ١٠٠ جنية زيادة كدا كدا المشوار ميت-
قولتله حضرتك فكرة الابلكيشن سعر معروض وانت من حقك تقبل او متقبلش وانا مكذبتش عليك انا حطيت المكان اللي عايزة اروحه بالظبط وانت طلبت سعر وعلى اساسه انت بتوصلني فا متجيش تتلكك هو مش انا اللي قافله البوابة، قاللي انزلي من العربية (كل ده واحنا على الطريق برا مدخلناش اي بوابة)-
قاللي وانا مش مشكلتي المكان اللي انتي عايزة تروحيه بعيد، قولتله انا مطلبتش الرحلة على بوابة معينة وقولتلك وديني مكان تاني انا طلبي اروح المكان ده بغض النظر من اي بوابة دي مش مسئوليتي وانا مش هدفع جنية زيادة عشان مش من حقك لو شايف ان المشوار ميت مكنتش تاخده من الاول-
يقوم يعمل ايه الباشا، يخبطني على كتفي ويقولي انزلي من هنا يا ىىىرموطة غوري في داهية مش عايز فلوس اصلا، انا نزلت من العربية وبالفعل مديتلوش فلوس حتى التوصيل من المعادي لاول الرحاب لانه حْول وده اقل رد لاني مش هقف اتخانق معاك على طريق سريع واسهل حاجة انه ممكن يرميني تحت اي عربية-
كلمت @inDrive طبعا كلام من نوعية اكيد يا فندم هناخد رد فعل قاسي موتتتسسس، معدتش عايزة حاجة بجد ولكن انا قررت اني هنزل التويت دي بتفاصيل الرحلة عشان انا هقطع عيش الراجل ده، السكرين شوت اهي يا شباب ماحدش يركب معاه عشان ده حْول وقليل الادب.
جاري تحميل الاقتراحات...