الإحتواء.. 🤍
مع إختلاف تعريف الناس عن معنى الإحتواء وشكله لقيت الإحتواء = الجودة
الإحتواء إجادة الحضور لا إطالة البقاء..
الإحتواء مش أفعال كبيرة هو أفعال بسيطة لكن بتتعمل بجودة وبتتقدم بكل الحب♥️
المزيد

الاِحتواء هو القُدرة على المواساة، والطبطبة، ومراعاة المشاعر في لحظات الإرهاق أو الألم، من غير ما الكلام يتحول لمُجادلة عقلانية..
الإحتواء هو لحظات التقدير اللي بتهون المشقة وبتنسي التعب..
المزيد

الإحتواء إنك تتصالح مع عيوب اللي قدامك بُحب، وتساعده يكون نسخة أفضل من نفسه لو هو عايز ده، لكن مش بتشترط عليه إنه يتغيّر عشان تحبه
الإحتواء هو قُدرتك على الإنصات، وإنك تسمع الطرف التاني بقلب، وتقدّر مشاعر، من غير ما تكون مركّز بس على تقديم حلول منطقية أو عرض تحليل للوضع

الإحتواء القُدرة على استيعاب غضب اللي قدامك وإنك تهدّيه وتعذره وتهون عليه من غير ما تاخد الوضع على كرامتك ولا تحس إنك بتصبر عليه لحد ما يخرج من ضيقه، لأ أنت بتسعى معاه عشان تخرّجه من ضيقه..
الإحتواء هو إنك تقدر تهدّي مخاوف اللي بتحبهم بصبر، وطبطبه، وتقبّل..
المزيد

الإحتواء هو إجادة الكلام، و الإهتمام، والتواجد
الإحتواء هو روح الحب ♥️
يا ترى إيه معنى الإحتواء بالنسبالك؟ 🤍
#safaa