@Haya_Hatem البسمتي تاخديه من الكيس زي ماهو من غير نقع وترميه في ماية بتغلي وتكون كتيرة عليه بحيث يتحرك جواها اكنك بتسلقي مكرونة كده لحد ما يوصل للقرشة اللي بتحبيها الا شعرة بسيطة واللي هايوصلها من 7 ل12 دقيقة على حسب الرز. ساعتها تصفيه بمصفى يكون ضيق اوي زي ده
amazon.eg
amazon.eg
@Haya_Hatem عشان البسمتي رفيع وبينزل من الاخرام الواسعة، تجيبي حلة بغطا او طاسة بغطا بيقفل كويس وتضيفي الدهن اللي عايزاه سواء زيت زيتون او زبدة ولما يسخنوا تنزلي بالرز عليهم والنار شغالة وتقلبيه بالراحة جدا وتغطيه بيهم والتقليب بحاجة سيليكون عشان بيتكسر بسهولة وتحطي ملحك.
@Haya_Hatem لو هاتحطي بهارات خليها تتشوح 10 ثواني في الدهن قبل ما تضيفي الرز وبعديها تاخدي زي بق كوباية مايه كده قليلة خالص تحطيه عليه وتقلبي مرة واحدة وتعلي النار اول متلاقي بواخ بدأ يظهر تقفلي عليه وتقفلي النار. بعد 5دقايق دوقي لقيتيه تمام خلاص لقيتيه عايز تاني عيدي نفس الحركة
@Haya_Hatem الرز المصري بقى اصعب شوية.. مبدأيا لازم يتغسل كويس اوي لحد ما ينزل النشا بتاعه، تشتري دي
amazon.eg
amazon.eg
@Haya_Hatem تحطي الرز فيها وتنزلي بيها تحت الحنفية ومعاكي معلقة وتفضلي مشغلة المايه على السريع وتقلبي بالمعلقة وتسيبي المايه تنزل من الاخرام اللي على الجنب دي لحد ما تلاقي الرز مايته بقت صافية.. مش بتاخد وقت 3 دقايق بالكتير. التريكاية بقى انك هاتعمليه في طاسة بدلا من الحلة
@Haya_Hatem تجيبي طاسة فيها المواصفات التالية
1- سميكة القعر عشان توزع الحرارة حلو وماتحرقش الرز
2- ليها غطا خاص بيها
3- يفضل تكون جرانيت بس اي حاجة غير لاصقة شغالة
3- حجمها مناسب لكمية الرز اللي هاتعمليها.. مش تبقى هاتعملي بورشن او 2 وتجيبي واحدة كبيرة لأ مش هاينفع
1- سميكة القعر عشان توزع الحرارة حلو وماتحرقش الرز
2- ليها غطا خاص بيها
3- يفضل تكون جرانيت بس اي حاجة غير لاصقة شغالة
3- حجمها مناسب لكمية الرز اللي هاتعمليها.. مش تبقى هاتعملي بورشن او 2 وتجيبي واحدة كبيرة لأ مش هاينفع
@Haya_Hatem وتضيفي الدهن ويسخن وتنزل بالرز المتصفي تقلبيه كويس يتشوح ويتغطى بالدهن وبعدين تنزل بالمايه بحيث تكون فوق الرز بعقلة صباع وتعلي النار وتقفلي الغطا. المفروض يكون ازاز عشان تشوفي من خلاله. لحد ما تلاقي المايه اللي فوق الرز راحت وفيه احساس انه لسه مبلول كده تحت تروحي فاتحة الغطا
@Haya_Hatem وجايبة اللي تحت فوق واللي فوق تحت عشان مفيش رزاية تفضل مدة طويلة ملامسة القعر وتتحرق. توطي النار على الاخر وتنقليه على "شياطة" بحيث يبقى فيه بواخ طالع من خرم الغطا بس ضعيف مش قوي. بعد 10 دقايق كده افتحي دوقي لقيتيه عايز سوا كتير ضيفي شوية مايه بس بحرص وعلي النار وقلبي المايه فيه
@Haya_Hatem وبعدين لما تعمل بواخ وطي النار واقفلي الغطا ودوقي بعديها ب10 دقايق برضه.. مع الممارسة السينس بتاعك هايعلى ومش هاتجربي كتير .. وطبعا ماتنسيش الملح، ولو عايزاه بشعرية ابقي حمري شعرية لحد ما تبقى جولدن براون قبل ما تضيفي الرز. ويفضل تجيبي ماركات كويسة زي الساعة او الضحى او السوهاجي
جاري تحميل الاقتراحات...