الأسبوع دا استقبلت طفل في كشف.. اول دقيقتين كنت متأكده اننا شوفته قبل كدا لكن الاعراض الي علي الطفل اكدتلي انه لا مش هو دا الطفل وانا باخد بيانات الطفل راجعت الفايلات وفعلا الطفل دا عمل تقييم عندنا لكن من سنتين. شكوة الام من سنتين كانت ان الطفل عصبي وعنيد

ونحط بين قوسين الجمله دي ( الطفل دا عايش في بيت عيله)
الاعراض الي الطفل جاي بيها بعد سنتين
بياكل ضوافره ( نتيجة قلق وضغط نفسي)
تأتأه شديد جدا ( نتيجه عنف وضغط نفسي)
كدب ( نظرا لان الطفل طول الوقت اهل البيت ينتقدوة ويتهموه وهو بيخاف فلجأ للكدب ف البدايه ك تبرير ثم اعتاد الكدب

سرقة ( بسبب العطاء المفرط ليه ف لما الام بدأت ترفض الموضوع الاهل انتقدوها ع اساس هو بياخد فلوس من حد غريب ف موقف الام رغم صحته مناقض لموقف الاهل ف الطفل سلوكه بقي اسوء ف سرق )
التواصل بين الام وابنها سئ والابن معتقد ان مامته مبتحبوش وبيقول بالنص( ماما بتحب تعاند فيا وخلاص)

عشان تربي طفل كويس لازم يكون في بيئه مستقره هاديه اب وام واخوات مينفعش تماما
الطفل يعيش ف مكان في الجد والجده والقرايب
ف ينتقدوا الطفل ف الام تعاقب ف ينتقدوا الام انها بتعاقب وف كل د الطفل ميعرفش ايه الصح
ولو عرف صعب يتشكل عنده سلوك جديد وهو في بيئه ( غير مناسبة للتربيه)

لازم الطفل يتربي في بيت فيه لائحة قواعد ايه المتاح والغير متاح
يتعلم ان يومه في مهام ومسؤوليات
يتواصل مع الام والاب
يتعاقب ويلاقي نفس الرد الفعل من الام والاب عشان يتشكل عنده سلوك جديد .
انا مبشوفش ان في حياه زوجيه في بيت عيله
فين الخصوصيه واطفال تايهه وضغط نفسي
سواااد والله