كيف تبني علامة تجارية بطريقة صحيحة؟
طبعاً لازم تعرف مثل ما المهندس يرسم المخطط الهندسي قبل الإنشاء أنت كمختص بالتسويق لابد ترسم الخطة الاستراتيجية للعلامة التجارية لأنها تساعد على تمييز المنظمة وبناء ولاء العميل
بالتغريدات التالية توضيح للنقاط الرئيسية في بناء العلامة التجارية:

طبعاً الهدف الأساسي من العلامة التجارية بكل بساطة أن العميل ما ينساك وتبقى بذهنه دائماً وأبداً وهي اللي تأثر على عواطفه واحتياجاته،
ولازم تعرف؛ العلامة التجارية ليست فقط منتج أو شعار أو موقع أو أسم البراند
لا هي شيء أكبر، شيء غير ملموس هو بالضبط الشعور اللي يخليك تفرّق بين العلامة التجارية الضعيفة أو القوية.

7 مكونات أساسية لإستراتيجية العلامة التجارية الشاملة اللي تساعدك لحفظ علامتك التجارية لعقود من الزمن!
مأخوذة بعد دراسة للعديد من العلامات التجارية العالمية.

أول مكّون : الغرض "purpose"
هدفك بالعلامة التجارية هو اللي يميزك عن منافسيك،
وفيه طريقتين لتحديد الهدف أو الغرض من علامتك التجارية
١-العلامة التجارية اللي وظيفتها كسب المال "الربح فقط".
٢-العلامة التجارية إللي لها قصد لحل مشكلة بالإضافة لكسب المال
وأقرب مثال محلي جا على بالي الأستاذ @AlgfariMussad وطريقة حلّه لمشاكل الموثوقية في محلات مواد البناء.
طبعاً بالصورة المرفقة توضيح لحجم التغيير اللي أحدثه م.مساعد بالسوق من معارض سيئة المظهر إلى معارض مُتكاملة واحترافيه وفيها كافة إحتياجاتك بالبناء!
نصيحة: إذا جيت تحدد الغرض من العمل،
كسب المال أولوية لكن مب كل شيء لبناء العلامة التجارية، أحفر وتعمق بشكل بسيط وخل رؤيتك ورسالتك حل لمشكلة العميل وبتتميز بعلامتك التجارية.

ثانياً : التناسق
ومفتاح التناسق هو تجنب الحديث عن أشياء لاتتعلق بعلامتك التجارية أو تعززها
كمثال محتوى الحسابات في وسائل التواصل الإجتماعي لابد تكون مُتناسقة مع رسالة المنظمة وتبدأ من نبرة الصوت، الألوان،طريقة الأسلوب بالمحتوى وغيرة
وأكبر مثال للاختلاف!
@JahezApp @AppMrsool

ثالثاً: المشاعر
العملاء ليسوا عقلانيين دائمًا.
وإلا كيف نفسر مُجتمع مُلاك سيارة الرانجلر!
هل لأنه أجود؟
أو لأنه الأقل سعر؟
طيب وش تفسير سلوكهم؟
ببساطة لأنه فيه صوت داخلي عند المُلاك يقولهم "خذ رانجلر"!
لكن ليه؟
تستخدم شركة Jeep العلامة التجارية بربطها بالعاطفة من خلال إنشاء مجتمع،
طبعاً إذا ماتدري لهم قروباتهم الخاصة ولهم تجمعات معروفة بينهم وكذلك الغريب لهم تحية خاصة فيهم!
هذا يخلي فيه ربط عاطفي بين العملاء بعلامتهم التجارية كذلك بين الملاك مع بعضهم البعض.
ويعطيهم شعور وكأنهم جزء من مجموعة أكبر وأكثر تماسك من مجرد مجموعة عندها نفس السيارة.
طبعاً هذا كله ليه؟
فقط لأن الناس عندها رغبة فطرية في بناء العلاقات والإنتماء.

رابعاً: المرونة
الوقت هذا وقت السرعة الحقيقية وخصوصاً بمجال التسويق!
علشان كذا لابد إنك تكون مرّن وملتزم بمعايير علامتك التجارية،
ولو بناخذ مثال محلي على المرونة والإلتزام بمعايير العلامة التجارية بيكون الأبرز خلال الفترة الحالية @TheChefz_
وأقرب مثال فيديو العيد الأخير وتعاقدهم مع @imede_ كشريك إعلاني للتطبيق،
شراكة وإعلان مميز للعيد خلاهم يتصدرون قائمة التطبيقات الأكثر تحميلاً!
ما نستغرب إذا كان ورا قسم التسويق مُبدع مثل @AJGHAMDI

خامساً: إشراك الموظفين
علشان يكون فيه تناسق جميل بين علامتك التجارية وعملائك!
لابد أن يكون الموظفين على دراية بطريقة تمثيل العلامة التجارية وخدمة العميل بشكل إحترافي يعكس أهداف ورؤية المنظمة.

سادساً : الولاء
الولاء للعلامة التجارية من أصعب النُقاط اللي تتمنى كل منظمة انها تحصل عليه!
وهو بكل بساطة اختيار العميل لك وتفضيل علامتك التجارية عن جميع منافسيك.
وإذا صار فيه ولاء صار العميل يراك جدير بالثقة مُبتكر وموثوق وأكيد أنه تكلم عن علامتك التجارية ومدحك عند أصدقائه وزملائه وغيرهم،
طيب كيف نكافئ العميل اللي له ولاء؟
بعض الأحيان الشكر يكفي وبعض الأحيان الرسالة الشخصية بأسمه تعطيه ولاء أكبر
حدد وش يمكن تقديمه لهم والنتائج بتبين معك،
إضافة:
سّلط الضوء على علاقتك بعملائك لأنه بيعطي توقع للعملاء المحتملين إذا اختاروا انهم يتعاملون معك

سابعاً: الوعي التنافسي
كثير يحسون إن المنافسة تكسير عظام وخسارة إعلانات وسرقة أفكار لكن هي العكس تماماً،
المنافس هو اللي يطورك هو اللي يتحداك هو اللي يخليك تطّلع أفضل ماعندك كذلك يخلق لك قيمة أكبر لعلامتك التجارية!
تابع منافسيك شف وش يقدمون لعملائهم شف وش اللي ينجح معهم ويفشل وشف العملاء وش يحبون منهم لأنهم غالباً هم نفس عملائك
اعتبر المنافسة بمثابة تحدي لتحسين إستراتيجيتك الخاصة وخلق قيمة أكبر لعلامتك التجارية بشكل عام.