خلال الفترة الماضية تشرفت بمقابلة العديد من الاصدقاء اللي لهم نيّه ومتحمسين جدًا في انشاء مشاريع او شركات ناشئة ..
ولاحظت معظهم ما يعرف ايش يعني TAM, SAM و SOM وليش تعتبر تحليلات جدًا مهمه ومهم انك تعرفها قبل لا تبدأ مشروعك
في هذا الثريد راح اشرحها لكم بشكل جدًا مُبسط:

🚀 قبل لا نبدأ الثريد، دائمًا تقدر تحجز جلسة استشارية معي وفي الوقت المناسب لك من هنا :
modernandunique.net
أقدم لك فيها النصائح والإرشادات اللي تحتاجها لتأسيس أو تطوير مشروعك ✨

🔍 ما هو TAM؟
"TAM" اختصار لـ "Total Addressable Market"، يعني السوق الكلي المتاح في القطاع اللي تستهدفه.
هذا الرقم يعطينا فكرة عن الإيرادات الكلية المحتملة لمنتج أو خدمة في السوق إذا استخدمها كل عميل ممكن.
📉 مثال على TAM لقطاع الكافيهات في السعودية:
لو تبي نحسب TAM للكافيهات، نبدأ بتحديد كم شخص في السعودية ممكن يروح للكافيهات ونضرب هالعدد في معدل المبلغ اللي ينفقه الفرد سنوياً على الكافيهات.

🎯 ما هو SAM؟
"SAM" اختصار لـ "Serviceable Available Market"، يعني السوق المتاح القابل للخدمة.
هذا يقيس السوق اللي تقدر فعلياً تخدمه بعد ما تأخذ في الحسبان القيود الجغرافية والاقتصادية.
📍 مثال على SAM لقطاع الكافيهات في السعودية:
لو الكافي اللي بتفتحه يخدم بس منطقة الرياض، SAM يكون مجموع الناس اللي يروحون الكافيهات في الرياض فقط.

🎢 ما هو SOM؟
"SOM" اختصار لـ "Serviceable Obtainable Market"، يعني السوق المتاح القابل للحصول.
هذا يعبر عن جزء من السوق اللي تقدر تحققه بالفعل مع الأخذ في الحسبان المنافسة وقدراتك التسويقية والتشغيلية.
🌟 مثال على SOM لقطاع الكافيهات في السعودية:
في منطقة الرياض، لو تقدر تجذب 2% من الناس اللي يروحون الكافيهات بناء على قدراتك ومستوى المنافسة، هذا يكون SOM لك.

📊 ليش هالمفاهيم مهمة؟
فهم TAM، SAM، و SOM يساعدك تحدد فرص النمو وتركز جهودك التسويقية والتشغيلية على الجزء الأكثر إمكانية للربحية في السوق، ويسهل للمستثمرين المستقبليين لمشروعك فهم المشروع وقراءة الفرص الواعدة فيه.