السؤال دة اتكرر كتير مؤخرا في دوايري وعايز أجاوب عليه once and for all: تعمل إيه لو زمايلك الأوروبيين وخصوصا الألمان سألوك عن رأيك في اللي بيحصل في الأراضي المحتلة؟ أغلب الناس للأسف بتتهرب من الموضوع خوفا من العواقب اللي هما مش عارفينها. ثريد غير مرتب عن الموضوع دة...
أولا الأوروبيين وخصوصا شعوب غرب أوروبا ألمانيا فرنسا إلخ ناس بتحب جدا المواجهة وإنك تكون دايركت. دة مختلف تماما عننا كمصريين بنشوف المواجهة حاجة وحشة وقلة أدب وبنتقمص منها ، هما مبيتقمصوش مهما كنت دايركت معاهم. كنت بهزر مع واحد صاحبي بقوله مفيش ألماني قموص ولا مصري دايركت.
بالتالي لو اتناقشت جامد مع حد تأكد إنه ولا هيبقي فارق معاه ومش هيحس ١٠٪ من اللي انت هتكون فيه وحاسس إنك زودتها جامد. احنا بعاد أوي عنهم ومهما زودنا مش بنوصلهم. انت نفسك هتلاحظ دة أول شهور ليك هنا لما تشوف الناس بتبهدل بعض في الميتنجز وبعدها يخرجو يسهرو مع بعض كأن مفيش حاجة حصلت.
تاني حاجة اغلبنا كمصريين بناخد وقت علي ما نفهمها هي دولة القانون ، انت كمصري كل تخيلك إنك لو قولت حاجة مش علي هوا حد هتختفي تاني يوم ولو كنت مهاجر في دول معينة هتترحل بكرة الصبح.
الدنيا هنا مبتمشيش كدة. مش كل واحد مش عاجبه كلامك هيعمل فيك بلاغ ويروحو يجيبوك من بيتك ... هنا القانون محدد جدا ايه اللي ينفع وايه اللي مينفعش وعشان يحصل تحرك قانوني لازم يبقي في دليل مادي عالفعل ويكون بيخالف حاجة محددة أوي وقصة كبيرة مش هتحصل غير لو كنت غشيم جدا أو قاصد.
في مليون مصدر وناس كتير بتشرح إزاي تتكلم عن القضية والحقيقة أنا مش هقولك تقول ايه بس مهم أوي تعرف الألمان بيفكرو إزاي: بالنسبة لهم دي دولة زيها زيهم اه محتلة كام منطقة من سنة ١٩٦٧ وعاملين كام مستوطنة مش قانونية بس اللي قبل كدة بالنسبة لهم دولة كانت بتتكون عادي من ناس في منطقة
وبالنسبة لهم اللي بيعتبره العرب مقاومة هي بالنسبة لهم مجموعات إرهابية عايزة تقضي عالدولة الديموقراطية الوحيدة في المنطقة. مفيش فرق بينهم وبين الإرهابيين اللي عملوا عمليات في أوروبا ساعة الكريسماس أو داعش أو غيره. كلهم إرهابيين فمتدخلش في السكة دي.
وبالتالي ركز في نقاشك علي الوضع الحالي اللي بيتولد معندوش هوية وميقدرش يسافر حتة ، علي نظام الفصل العنصري ، عالإستيطان ، عالسجن المفتوح .... مش وعد بلفور وكيف بدأ الخلق لأن المواطن الأفريدچ مش هناك خالص
نيجي بقي للمحظورات:
١- تجنب بتاتا بتاتا إنك تدخل النقاشات دي عالشات أو الإيميل أو أي حاجة مكتوبة مهما كان دمك بيغلي. لما يكون بقالك كتير وعارف ت push the envelope فين اعمل اللي انت عايزه لكن لو جديد هنا تجنب تماما أي نقاش فيه كتابة...
١- تجنب بتاتا بتاتا إنك تدخل النقاشات دي عالشات أو الإيميل أو أي حاجة مكتوبة مهما كان دمك بيغلي. لما يكون بقالك كتير وعارف ت push the envelope فين اعمل اللي انت عايزه لكن لو جديد هنا تجنب تماما أي نقاش فيه كتابة...
هو عموما نصيحة الكتابة دي تنطبق علي حاجات كتير في الحياة مش دي بس. لو عكيت الدنيا في الكلام تقدر تخلع منها بمزيج من الإنكار والgaslighting لكن لو كتبت حاجة انت سيبت دليل هيطاردك للأبد والسكرينشوتس لا ترحم. لا تكتب. كله شفوي.
٢- عمرك في كلامك معاهم توصف التانيين بديانتهم. عندنا في مصر اسم البلد واسم الديانة بيتم استخدامهم للإستدلال علي نفس الحاجة لكن هنا في فرق كبير واللي ممكن يعدي لما تتكلم عالدولة مستحيل يعدي لو استخدمت تعبيرات أخري. خلي بالك.
٣- تجنب الموضوع في فترة البروبيشن لأن فيدباك زمايلك بيفرق والشركة تقدر تمشيك بدون سبب. بعد البروبيشن براحتك.
٤- مش محظور أوي بس لو انت جديد خليك حذر في النقاشات اللي وسط مجموعات كبيرة ، لو انتو ٢-٣ ملمومة بس مجموعة كبيرة لو عكيت الدنيا مش هتعرف تلمها بسهولة
طبعا في النهاية مفيش حاجة ١٠٠٪ آمنة بدون ريسك بس في نفس الوقت الريسك مش بالحجم اللي انت متصوره. قول رأيك ومتتهربش من السؤال كل واحد بتغير رأيه بيفرق. بدها نفس طويل.
جاري تحميل الاقتراحات...