بالتالي انخفاض التوتر او حل ازمات اوكرانيا وباب المندب راح تكون صفعات عنيفة لسعر الذهب،
وراح تدخلنا لدائرة سعر الدولار وما بعد كورونا، في المقابل احنا اقتربنا من بداية دورة انخفاض الدولار مع تخفيض الفائدة واللي معناها ارتفاع سعر الذهب لكن هاي الدورة راح تاخد سنتين الى ثلاثة مليانة شد وجذب مع استراتيجية الفيدرالي الامريكي القائمة على الدولار القوي بالتالي مش مشكلة
نقطة مهمة.. التضخم العالمي اضاف 30-50% على معدلات اسعار السلع والخدمات في العالم وما في نية عالمية لاعادة الاوضاع الى ما قبل التضخم لانه هالحكي راح يلزمه كساد عالمي او حرب عالمية وهاي الخيارات مش مطروحة
السؤال المهم هون شو السعر العادل للذهب اللي ممكن اشتري فيه؟
الاجابة مرتبطة بالتضخم فعليا، بحكم ما النا سلطة على الازمات العالمية واحنا مرهونين بانتهاءها
الاجابة مرتبطة بالتضخم فعليا، بحكم ما النا سلطة على الازمات العالمية واحنا مرهونين بانتهاءها
سعر الذهب قبل كورونا كان بمعدل 1300 دولار للاونصة، ضيف عليهم 40% تضخم سعري ما راح يرجع لطبيعته في المدى المنظور، يعني الوسط السعر المناسب لشراء الذهب هو 1800 دولار للاونصة ما يساوي 34 دينار أردني للجرام عيار 21 (اونصات وليرات ذهبية)
والافضل المتابعة بسعر الاونصة بالدولار من جوجل
والافضل المتابعة بسعر الاونصة بالدولار من جوجل
السؤال الاهم.. ليش اشتري الذهب؟
في شراء الذهب عندنا سببين الاول الزينة والثاني الادخار.. بالنسبة للزينة فهاي خيارات شخصية وظرفية زمنية مثل الزواجات والمناسبات والسعر اخر شي ممكن يغير القرار
اما في الادخار فبتمنى تقرا ما يلي:
في شراء الذهب عندنا سببين الاول الزينة والثاني الادخار.. بالنسبة للزينة فهاي خيارات شخصية وظرفية زمنية مثل الزواجات والمناسبات والسعر اخر شي ممكن يغير القرار
اما في الادخار فبتمنى تقرا ما يلي:
-ضروري تعرف انه التداول والمضاربة والتسعير للذهب قائم على توفر 10% تقريبا منه للتداول الحقيقي في الاسواق بمعنى شراؤه وبيعه بصفته الحقيقية (ذهب طبيعي) مش كسندات مالية
وباقي الذهب الحقيقي مخزن بالارض وخزائن البنوك واصحاب النفوذ بالتالي فانتا بتهدر في الذهب ما لا يقل عن 80% من الفلوس اللي بتشتريها فيه مقابل واقع سعره الحقيقي بسبب هاد الاحتكار العالمي واختيار الذهب بشكل يشبه الآلهة المقدسة للمال
-للتاكيد على البند السابق بدي تلاحظ معي الفرق بين استحقاق الزكاة بالدولار على نصاب الفضة والذهب، وهاد بناء على اسعار لحظة الكتابة
نصاب زكاة الذهب يساوي 6300 دولار
نصاب زكاة الفضة يساوي 520 دولار
نصاب زكاة الذهب يساوي 6300 دولار
نصاب زكاة الفضة يساوي 520 دولار
وهاد بيدلنا اكثر على عدم موضوعية سعر الذهب لانه التشريع الاسلامي لما وضع نصاب الزكاة كان لا بد انه يكون في تساوي في الثراء بين النصابين للذهب والفضة مش هاد التناقض اللي شايفينه واللي بيفرق حوالي 90% لصالح الذهب
اذن انا لا انصح ابدااااا بالادخار في الذهب الا بحدود معقولة من مدخراتك لا تتجاوز 20% لانه ببساطة مرتبط بالنظام المالي العالمي واللي ممكن في لحظة يغير قواعد اللعبة ويسحق مدخراتك بدون رحمة او شفقة والامثلة كثيرة
طيب يبقى شو نصائح الادخار..
مبدئياً وكقاعدة أولى وأخيرة.. في ادخاراتك ابعد كل البعد ثم كل البعد ثم كل البعد عن منتجات النظام المالي العالمي ونتائجه يعني بلغة ابسط،، ابعد عن الاوراق النقدية والذهب والعملات المشفرة (الكريبتو كوين) وسندات الخزانة وخلافهم لو نسيت شي في نفس المقام
مبدئياً وكقاعدة أولى وأخيرة.. في ادخاراتك ابعد كل البعد ثم كل البعد ثم كل البعد عن منتجات النظام المالي العالمي ونتائجه يعني بلغة ابسط،، ابعد عن الاوراق النقدية والذهب والعملات المشفرة (الكريبتو كوين) وسندات الخزانة وخلافهم لو نسيت شي في نفس المقام
اذن في ايش ممكن ندخر.. مثل ما هو واضح في اي شي ما فيه احتكار كميات او سلطة قوية لشخص اخر على اموالك
في المعادن.. الفضة والالماس والبلاتين.. لكن البلاتين بده شوية تحقيق
العقارات بمختلف انواعها.. الاراضي اكثر توصية من الشقق والمباني الا اذا الها دخل بيرجع قيمتها ضمن 10-15 سنة
في المعادن.. الفضة والالماس والبلاتين.. لكن البلاتين بده شوية تحقيق
العقارات بمختلف انواعها.. الاراضي اكثر توصية من الشقق والمباني الا اذا الها دخل بيرجع قيمتها ضمن 10-15 سنة
اكتتاب الاسهم التجارية سواء محلية او عالمية، وسواء من البورصات او اعمال تجارية صغيرة او كبيرة غير معروضة للاكتتاب العام، الفكرة انك تملك حصة في عمل تجاري بيوزع ارباح
والمعيار لسعر الحصة انه توزيع الارباح يرجعلك اللي دفعته ضمن 10 سنوات مش اكثر والا بتكون الحصة مبالغ في سعرها وبتكون مراهنتك على توازن قيمة الحصة مع اسعار العملة وطبعا الاعمال الناشئة صعب تطبق هالقاعدة عليها فاستخير ربك
اخر نصيحة ادخار.. حاول تكون تاجر ع الخفيف.. لما شي يوصل اقصى سعره او اقصى استثماره، بيعه وبلش في فرص استثمار جديدة.. واذا ما بدك مش مشكلة المهم تعود نفسك على الادخار لانه هاد انجاز عظيم في هاد الزمن الاستهلاكي الوضيع
اتمنى اكون ضفت شي لرؤيتك لعالم المال، وللعلم هاد مش حكي حدا قاعد معك بالقهوة، هاد حكي من رجل متداول فعال في البورصة، والله من وراء القصد..
جاري تحميل الاقتراحات...