نصلي على رسول الله اولاً ، برنامج الفوازير مع ابو عمر أنا مكانش عندي علم من الاساس ان فيه فلوس ، و كنت فاكر ان الفلوس دي بتخرج تبرعات في الاخر و السنة اللي فاتت أنا مخدتش حاجة من الاساس ، دة اولاً و تقدروا تراجعوا ابو عمر فيه .
ثانيا : أنا اللي بصور الجزء بتاعي و ببعته ب ابو عمر مش تصوير اونلاين ، يعني لو أنا بغش ولا بنيّل زي مانتوا بتقولوا كنت عالأقل هخفي الكادر قبل ما ابدأ او بعد ما خلصت ، و ملف الحقلة موجود على جوجل درايف عادي 😅
ثالثا يا عالم يا مسلمين البرنامج كل واحد فينا في بلد ، و الاتصال عن طريق Google Meet ، و دة السبب ان جوجل مفتوح من الاساس ، الاتصال عن طريق جهاز و التصوير عن طريق جهاز آخر ، و تقدروا تراجعوا مع ابو عمر الموضوع دة .
رابعاً : البينة على من ادعى و اليمين على من انكر ، انتوا مصميين بفيديوهات مش باين منها ايه فين اني كنت بغش و أنا فاتح جهازي اللي بسجل منه عادي و نشغل عليه النت عن طريق وصلة USB بتشغل الواي فاي عليه ف خايف يفصل و نضطر نعيد ، و أنا أقسمت بالله اني لم أغشّ ، لا في برامج سابقة ولا في البرنامج دة ، و بعدين دة برنامج مسابقات أنا مش بكسب منه مليم في الاخر ، هغشّ ليه مش فاهم ؟! فين المنطق او المكسب ؟!
طب ما كنت غشيت من الاول خالص و جاوبت كله صح بدل ما بدأت بجاوب غلط اساسا .
استهدوا بالله يا جدعان و رمضان كريم ، النفسية مش طالبة خنقة ولا قلة ذوق بالله عليكم ، و أوعدكم يا سيدي دي آخر مرة هشارك في اي برنامج مسابقات او تحديات في العموم ، سواء داخل او خارج كرة القدم ..❤️

و مش بقفل التعليقات ولا هعمل لحد بلوك إلا لو حد شتم ، و اعتقد دة من حقي 😅