الميول الجنسية تتشكل من بداية الولادة لسن ال٥ سنين ، وتتأثر مرة ثانية في مرحلة البلوغ من ١١ الى ١٨ ، في الثريد ذا حتكلم عن الممارسات اللي ضروري تنتبهون لها كآباء جدد ، واللي ( عدّوا بأمور زي كذا وعلقوا في انحرافات ايش ضروري يسوون ) :
١- يمنع منعا باتا الشدة على الطفل لتعويده على ترك ( الحفاظة) بالتدريج وبعد مرور سنتين وبالمكافآت.
٢- يمنع انك تعملي ( الحمام حفلة جماعية ) والكل يتفرج عليه ويصير ( فرح العمدة) كل مين يطلّ ويروح ، ولازم الاستئذان منه قبل غسيل المناطق الحساسة.
٣-يمنع تقبيل الطفل من الفم نهائيًا ولا عادات ولاغيره حطوها في الدرج ، ولا تسليمه يجلس في حضن كل واحد شوية ( باختصار كذا التحرش ممكن يحصل وانتي قاعدة ومن غير ماتنتبهي) فالاسلم يسلموا عليه ويروح يلعب وعينك على وجه طفلك ( لو شفتيه خاف وتوتر خذيه عندك ) الطفل ماعنده لغه توصف لك اللي حسه
٤-يمنع تلبيس الولد لبس البنات ( حتى لو باللعب وحتى لوهو طلب ) وتلبيس البنت لبس الرجال ( حتى لو هي طلبت ) ونؤكد على حلاوة شكلهم زي ماهم ومانشدّ او نركز مرة على الموضوع لو حصل ( نغير لهم بهدوء ونقول لهم انتوا احلى كذا ونصمت)
٥- وهما في الروضة تعلميهم انا الدادا لازم تستأذن لغسيلهم وانه اذا متضايقين يجون يقولون لكم .
٦- الفضول عند الاطفال طبيعي فاذا شفتيهم يوروا بعض ( تاخديهم في حضنك وتقولي عيب هذا مكان خاص محد يشوفه احد ماتقدر تغسل لنفسك وبعدها ممنوع ماما تشوفه)
٧- في المراهقة في ازمتين ( وحدة تخص الاباء ينصدموا عيالهم بلغوا ودي ماهي موضوعي الان ، ووحدة تخص الذكورة والانوثة عند الاولاد والبنات
٨- ممنوع تشوفوا اجساد عيالكم نهائي ، او الدخول عليهم من غير تخبيط او التلصص
٩- الام تتكلم مع البنت ، والاب مع الولد وغير كذا ممنوع ، او الاقارب بس من نفس الجنس ، ممنوع العكس لانكم كذا حتخربوا ( الاعدادات وتشقلبوا السيستم) فكل واحد يركز في ورقته الله يكرمكم .
١٠- موضوع بيحصل ومتكرر شئتم ام ابيتم ( الولد يحس بميل لاي انثى غريبة في محيطه لو اكتشفتي الامر كأم اسكتي تماما وتكلمي مع ابوه يتكلم معاه كرجل مويروح يجلده ولا يبهذله كذا انتي بهذلتي الميول نهدا بالله عليك ، ونبطل نتكلم للخالات والعمات ونوفر ( احاديث بخور السوق ) فاحيروح للفريق حقه ، او يلعب هجوم على الفريق الثاني ، او يعلق في النص والدنيا تتعطل وتتهكر الذكورة
١١- نفس الشي للبنت تتكلمي معاها انتي عن طبيعية المشاعر بس انها مشاعر مؤقته وبكرة حتتزوج والان تفكر في مستقبلها ( اي ضرب وهبد وتخبيط نتيجته عكس ياحتروح بالمشاعر لنفس الفريق ، ياحتلعب هجوم شرس على الفريق الثاني ، يا حتقفل العواطف تماما وتعوض بالاكل مثلا ) وكذا انتي كرهتيها في انوثتها بامتياز
١٣- من سن ٣ سنوات يبدا الوالد من نفس الجنس بالحوار والكلام واللعب مع طفله من نفس الجنس بشكل يومي ، ساعه او نص ساعه يومي كفاية لنمو نفسي جيد
١٤- نجي للضحايا لو انت عانيت من اي اذى في المراحل اللي فاتت ، تخص الذكورة والانوثة ، او مواقف تحرش ، او تمييز بين البنات والذكور ، او اشاعة اسرارك على الملأ ، تراها ماراح تروح لوحدها تحتاج مساعدة لانك طايح في حفرة فمش من الذكاء احد يديك حبل فتقول حطلع لوحدي ، العلاج كشاف يساعدك تدل طريقك وتغير مسارك
وتعيش حياة احسن انت تستحقها ، ولازال الوقت بدري انك تعالج الضرر
١٥- اسأل نفسك سؤال استكشافي / انا كرجل كيف شايف مفهوم الرجولة والذكورة ؟ واسالي نفسك / انا كأنثى كيف شايفة مفهوم الانوثة ؟ وعلاقتنا بجسمنا متقبلينه ولا رافضينه ولا متجاهلينه ؟
وخلص الكلام
وخلص الكلام
جاري تحميل الاقتراحات...