-"بصراحة كده أنا من زمان نفسي أسألك سؤال بس مُحرجة منّك وخايفة تفهمني غلط"
-"لأ متخافيش، هفهمك"
-"حد ناضج زيّك، وناجح ولبق ومُحترم، ليه مرتبطش لحد دلوقتي؟! معقولة تكون تجاربك السابقة مأثرة عليك كُل ده؟! معلش أعذر فضولي، بس دي حاجة أنا مش قادرة أفهمها!"
.
.
ابتسمت للحظة من غير

أبُص لها، الويتر جه ونزّل طلباتنا، قهوة بحليب ليها وكوباية شاي مُعتبرة ليّا، طلبت منه يجيب لي نعناع فريش عشان أحطّه مع الشاي، وبمُجرد ما اتحرك رجعت أبص لها تاني وابتديت أتكلم..
.
.
-"بُصّي يا ستّي، كُل واحد فينا بيبقى جواه زيّ ميزان حسّاس كده، حسابات العقل بتبقى في كفّة، "

يعني إيه؟!"
.
.
بصّيت لها، في نفس اللحظة اللي الويتر جه فيها وحط طبق النعناع على الترابيزة، ابتسمت، ورجعت أبص لها وأنا بحرّك إيدي وبرسم بيها أشكال في الهوا..
.
.
-"زمان، كفّة المشاعر هي اللي كانت بتطُب بزيادة، تطلّعات القلب في السما والعقل تقريبًا مش موجود، دلوقتي، كفّة العقل

هي اللي بتطُب أكتر، والقلب هادي"
.
.
نزّلت إيدي وابتديت أحط ورق النعناع جوه الشاي، وقلّبت بالراحة، وبعدين شربت منّه وأنا مُستمتع بتداخل طعم الشاي مع النعناع..
.
.
-"عارفة بقى لما الميكس يُظبط؟ لمّا البنت الصح تيجي وتعمل موازنة مابين الكفّتين، وتدوّقني طعم جديد لعلاقة مظبوطة

عالشعرة، عارفة وقتها إيه اللي هيحصل؟!"
.
.
عينيها لمعت، وابتسمِت غصب عنها..
.
.
-"إيه اللي هيحصل؟!"
-"ساعتها .. أنا اللي هطُب