مش عارف لو حد مهتم، بس لو شخص مش جاي من خلفية برمجة، و حابب يتعلم تحليل بيانات، معظم الرودمابس اللي بشوفها بتكون سيئة للغاية.
في رأيي افضل بداية بتبقى انك تعرف تقرأ التحليلات، تتعلم انهي رسم بياني بيتم استعماله في عرض انهي معلومة. الكتاب اللي عديت عليه و كان كويس للهدف ده اسمه storytelling with data.
الخطوة اللي بعد كدة بتبقى اساسيات الاحصاء، و اسف لو التوضيح القادم ده ناس شايفاه واضح، بس هو مش واضح اوي: الاحصاء مختلفة عن الاحتمالات.
في الخطوة ديه الاحصاء هي ببقى شايفها مهمة.
youtube.com
دول بحبهم في النقطة ديه بس حبة نقط سريعة:
١) مش لازم تشوف كل الفيديوهات
في الخطوة ديه الاحصاء هي ببقى شايفها مهمة.
youtube.com
دول بحبهم في النقطة ديه بس حبة نقط سريعة:
١) مش لازم تشوف كل الفيديوهات
٢) مش محتاج تكمل بعد ما توصل لفيديوهات ال probability
٣) مش محتاج تعرف ال graphs بتتعمل ازاي، في النقطة ديه المهم بس تعرف كل مصطلح/حسبة بتعبر عن ايه و ايه المعلومة اللي ممكن تطلع منها.
٤) هيبقى اسرع و اسهل بكتير لو خدت عنوان الفيديو بس و قريت مقالة تفهم منها الفكرة.
٣) مش محتاج تعرف ال graphs بتتعمل ازاي، في النقطة ديه المهم بس تعرف كل مصطلح/حسبة بتعبر عن ايه و ايه المعلومة اللي ممكن تطلع منها.
٤) هيبقى اسرع و اسهل بكتير لو خدت عنوان الفيديو بس و قريت مقالة تفهم منها الفكرة.
الخطوة اللي بعد كدة هتبقى اللعب على excel او sheets، نزل اي بيانات و العب بيها، اعمل الحسابات اللي اتعلمتها في الخطوة اللي فوق. و هنا هيبقى مناسب جدا تدخل ال domain بتاعك، لو حد شغال في المبيعات او التسويق او غيره يشوفوا ال metrics اللي بيستعملوها بتعبر عن ايه، و ايه هي اساسًا +
و ايه المعلومات اللي ممكن تطلع بيها منهم. في اعتقادي لو بتتعلم تحليل البيانات كمهارة فرعية عشان تستعملها في شغلك و حياتك، ديه اهم نقطة.
الخطوة اللي بعد كدة تعلم اداة تعمل بيها dashboards للمعلومات اللي جمعتها، شخصيا بحب google studio و tableu، عمري ما استعملت power bi، بس كلهم نفس الفكرة، و اداة واحدة حاليا فيهم كفاية.
كل ده غالبا هيخليك تبقى بتحلل معظم البيانات بدون الدخول في تعلم برمجة.
و حتى دلوقتي مش هيبقى الوقت المناسب انك تتعلم python او لغة برمجة غيرها، دلوقتي مثلا هيبقى مناسب جدا تتعلم SQL؛ معظم البيانات مش دايما هيبقى مناسب تجيلك في excel متظبطة، عادة هتحتاج تتعلم شوية queries تقدر تستعيد بها البيانات من قواعد البيانات المختلفة.
النقطة المهمة هنا انك مش محتاج تتعلم عن قواعد البيانات تفاصيل كتير، مش محتاج تتعلم غير لغة sql و ازاي تستعيد بيها البيانات و تحللها، التدريب اللي بشوفه كويس هو تتعلم تعمل ب sql الحاجات اللي عملتها بأكسل او sheets في الخطوة اللي فاتت.
معظم البيانات مش بتبقى نضيفة، الكتاب ده لذيذ في الخطوة ديه، ازاي متخليش البيانات الناقصة تبقى عائق، و ازاي تقدر تعمل عمليات عشان تشوف لو البيانات منطقية و لا لأ.
b-greve.gitbook.io
الجميل هنا انهم بيستعملوا SQL. الجزء الاساسي في رأيي هو ال missing data.
b-greve.gitbook.io
الجميل هنا انهم بيستعملوا SQL. الجزء الاساسي في رأيي هو ال missing data.
ملحوظة جانبية: ال SQL لغة سهلة، و العمليات اللي هتحتاج تعملها عليه معظم الوقت مش هتبقى معقدة، بالذات لو كنت ماشي على الطريق ده و لعبت شوية على sheets او excel.
من هنا لو حد حابب يتخصص اكتر ف اه، هيبقى مهم تعلم البرمجة و نظرية الاحتمالات. بس شخصيًا مش شايف انه مفيد حد يبدأ بيهم، بالعكس يعني، البداية بيهم بتخلي معظم الناس تقع في التعلم.
اسف لو فيه اخطاء، انا كتبت الثريد ده بسرعة و مراجعتش عليه.
اه نقطة جت في دماغي دلوقتي نفس الطرق اللي الكتاب بيستعملها عشان ينضف البيانات ب sql هيبقى تدريب كويس لو حاولت تعملها في sheets او excel.
جاري تحميل الاقتراحات...