رتبها

بصوا بقى تعالو نحكي القصة ونشوف دول بيفكرونا بمين كدا
👇👇
قصة الحشاشين«Assassin» اه حشاشين من الحشيش النبات المخدر.. ودا عشان كلنا منتظرين مسلسل يحمل نفس الاسم للرائع عبد الرحيم كمال وبطولة النجم كريم عبدالعزيز
◆ حكايتنا بتبدأ مع ثلاثة أصدقاء كانوا عايشين في مدينة ايرانية👇

إسمها «نيسابور».
★ الثلاثة كانوا عايشين في مجتمع كله رفاهية و في دولة أقرب ما تكون للدول الإسكندنافية.
⚘ «نيسابور» في الوقت ده زيها زي مدن كتير كانت عايشة تحت مظلة الدولة العباسية في رخاء و ترف لدرجة إن الشباب مكانش لاقي حاجة يشغل بيها وقته إلا العلم و الفلسفة👇٢

و التفكير في الأسئلة الوجودية زي إحنا عايشين هنا ليه؟ و إحنا إيه اللي جابنا هنا؟
مدينة زي «نيسابور» مثلاً كان فيها 6 جامعات ، وده عدد جامعات ممكن ماتلاقيهوش دلوقتي في مدن أوروبية كبيرة
⚘ الـ 3 أصحاب كانت أساميهم «نظام المُلك» و «عمر الخيام» و «حسن الصبّاح»👇٣

1- «عمر الخيام» كان شاعر محترم جداً وكان مرفه عايش من عطايا الأمراء ونفحاتهم كأجر على أشعاره واللي أشهرها قصيدة «رباعيات الخيام» اللي كتبها في أواخر أيامه بعدما تاب ورجع عن طريق اللهو والمجون والترف.
2- «نظام المُلك» ده كان الدحيح اللي فيهم اللي حلم حياته إنه يوصل لمنصب عالي👇٤

و الناس طول ما هو ماشي ترفع له تعظيم سلام و تقول «نظام المُلك» راح «نظام المُلك» جه.
3- «حسن الصبّاح» بقي ده كان البني أدم الحقود اللئيم اللي فيهم
⚘ المهم ، تعدي الأيام لحد ما تيجي سنة 465 هجرية اللي هي 1072 ميلادي ، والزهر يلعب مع «نظام المُلك» لما سافر لمدينة «أصفهان»👇٥

الإيرانية عشان يبقي وزير الحاكم بتاع المدينة ، و اللي كان اسمه «مُلك شاه» ..
● قبل ما أنسى ، لازم نشير إن الصحاب الثلاثة كان بينهم اتفاق وعهد إنه لو واحد فيهم الدنيا ضحكت له والزهر لعب معاه لازم يسحب الاتنين الباقيين معاه. 👇٦

● فاللي طلبه «عمر الخيام» من صاحبه «نظام المُلك» إنه يصرفله مرتب شهري من بيت مال المسلمين ويعيش حياته يكتب شعر و يدرس في الطب.
«عمر الخيام» كان دكتور شاطر جداً و هو اللي تولي علاج ابن «مُلك شاه» حاكم أصفهان و كان اسمه «سنجر».. و صاحبنا «عمر الخيام» استمر ياخد مرتبه الشهري👇٧

لحد سنة 1092 ميلادي لحد ما صديقه «نظام المُلك» إتقتتتل.
● «حسن الصباح» كان طلبه إنه يفضل جنب صديقه «نظام المُلك» في الحكومة عشان يتعلم إزاي الحكومات بتشتغل..!!
حسن الصباح» لأنه كان حرباية ماشية علي الأرض بدأ يوطد علاقته بالناس اللي حوالين «ملك شاه» وقتها كانت الحاجة👇٨

اللي واكله دماغ الرجالة كانت لعبة الشطرنج ... حاول تتخيل إن كل يوم «حسن الصباح» يعزم حد من الحكومة ورجال الدولة عنده في البيت و يفضلوا لحد الصبح يلعبوا شطرنج .
⚘ قعد «حسن الصباح» يتصاحب علي الناس المهمين ويكون شبكة معارف وعلاقات ويتدحلب لحد ما اتعين سكرتير لحاكم أصفهان👇٩

«مُلك شاه» (السكرتير اللي هو زمان كان بيتسمي الحاجب ، يعني هو اللي بيدخل الناس تقابل الحاكم أو هو اللي بيحجب أو يخفي الحاكم عن الناس ، و عشان كده إتسمى حاجب)
وبقى «حسن الصباح» سكرتير أو حاجب «مُلك شاه» و صديقه «نظام المُلك» الوزير بتاعه ومن هنا بدأ الصراع بينهم👇١٠

نتيجة التعارض في المصالح
✪ المهم إنه في يوم من الأيام الحاكم «مُلك شاه» جاب وزيره «نظام المُلك» وفي حضور «حسن الصباح» طبعا ، و طلب منه يعمل جرد كامل لميزانية الحكومة و سأله انت محتاج وقت قد إيه يا معالي الوزير عشان تخلص الشغلانة دي؟ .. قام «نظام المُلك» عشان يدي لنفسه وقت👇١١

قاله سنتين يا مولاي .. طبعاً أول ما «حسن الصباح» سمع سنتين دي قام لاطم علي وشه و قاله يا لهوي سنتين إيه يا رجل إنت ده أنا أخلصلك الشغلانة دي كلها في 40 يوم ، وطبعا السلطان «ملك شاه» وافق ، بس قال لـ «حسن الصبّاح» يا ويلك يا سواد ليلك لو طلعت بتخدعني.👇١٢

★ بعد 40 يوم بالضبط كان الميزانية كلها مكتوبة و بتتعرض على «مُلك شاه».. طبعاً محدش كان بيراجع ورا شغل «حسن الصبّاح» و محدش كان بينخور وراه ولا حد عارف هي الأرقام دي حقيقية واللا هبد في هبد ..👇١٣

★ طبعاً «مُلك شاه» بص لوزيره «نظام المُلك» بصة معناها شايف الشغل يا أبو سنتين انت .. ومن هنا قامت خناقة بين «نظام المُلك» و صديقه القديم اللي أصبح منافسه وعدوه «حسن الصبّاح»، الاتنين اللي كانوا زمان أصحاب، بس دلوقتي بقوا مش طايقين بعض و بيتآمروا ضد بعض.👇١٤

★ يمكن لإن «حسن الصبّاح» حس إنه بيخسر أو إن نفوذ «نظام المُلك» أقوى من نفوذه وانه عدوه وصديقه القديم هو اللي هينتصر ، فقرر إنه يهرب من «أصفهان» ويروح «مصر»
وهنا حصل التحول الدراماتيكي في حياته وفي قصته👇١٥

✪ «حسن الصباح» وصل «مصر» سنة 471 هجرية يعني سنة 1078 ميلادي ، والحقيقة إن سمعته كانت سابقاه .. ماتفهمش الخليفة الفاطمي اللي بيحكم مصر وقتها «المُستنصر بالله» شاف إيه في «حسن الصبّاح» بس هو قرر يستضيفه وعرفه على كبارات البلد ورجال الدولة من الطائفة الشيعية الإسماعيلية👇١٦

اللي عايشين في مصر واللي «حسن الصبّاح» بينتمي لنفس مذهبهم .. بس يمكن اللي «المُستنصر بالله» مكانش يعرفه هو إن «حسن الصبّاح» مش جاي مصر ياكل و يشرب وينام .. ده بني أدم طموحه ولا طموح اللورد «بيتر بابليش» بتاع Game of Thrones.👇١٧

● على فكرة ، الخليفة الفاطمي «المُستنصر بالله» ده هو نفسه بتاع «الشدة المستنصرية» وكان له ابنين .. الابن الكبير «نــزار» والابن الصغير «المُستعلي بالله»
✹ بس إذا كان «المُستنصر بالله» هو حاكم مصر قدام الناس و هو اللي قاعد علي الكرسي ، بس فعليا أقوى رجل في البلد👇١٨

و اللي كان فعلاً «النمبر وان» فيها هو الوزير «بدر الدين الجمالي» وزير «المستنصر بالله» اللي جابه مخصوص من «عكــا» عشان يضبط الأمور بعدما كانت البلد في فوضى عارمة بسبب المجاعة
★ المشكلة إن «المستنصر بالله» كان في أواخر أيامه ، و كان عايز ابنه الكبير «نــزار» 👇١٩

هو اللي يمسك حكم مصر من بعده ، بس «بدر الجمالي» كان عايز الابن الأصغر وزوج بنته «المُستعلي بالله» هو اللي يمسك الحكم .. «حسن الصبّاح» تخيل إنه لما يقف في صف «نــزار» فهو بكده بيكسب قرب الخليفة «المستنصر بالله» بس هو ماحسبهاش صح و ماقدرش يستوعب مدى نفوذ و سلطة «بدر الجمالي»👇٢٠

الوزير «بدر الجمالي» أمر باعتقال «حسن الصبّاح» وحطه تحت الإقامة الجبرية في مدينة «دمياط» عشان يستريح منه ومن مشاكله ، بس «حسن الصبّاح» ماقعدش كتير في دمياط .. هو خد مركب رايحة الشام و هرب ، وفي الحقيقة «بدر الجمالي» سابه يهرب بمشاكله بعقده النفسية بره مصر .. 👇٢١

★لما «المستنصر بالله» مات وابنه «المُستعلي بالله» مسك حكم مصر زي ما الوزير «بدر الجمالي»كان عايز فأول حاجة عملها هو انه قتـــل أخوه الكبير «نــزار» و دي كانت الشرارة اللي ولعت الدنيا ومسك فيها «حسن الصبّاح»
★بالمناسبة ، شيعة «المُستعلي» هما اللي أسسوا بعد كده طائفة «البهرة»👇٢٢

المنتشرين في الهند واليمن واللي سلطانهم جه «مصر» وقابل الرئيس السيسي بمناسبة تبرعهم بتجديد ضريح ومقام سيدنا الحسين ، ودول حاسين بأحقية «نــزار» في الحكم وحاسين بالذنب ، وعشان كده اتجهوا للتجارة وابتعدوا تماما عن السياسة ، بل وبيعتبروا ان الحديث فيها جريمة كبرى👇٢٣

● مهم أوي تكون فاهم إن الشخصيات الحقودة الغلاوية اللي زي «حسن الصبّاح»اللي بتعمل مشاكل كتير ، واللي عندها طموح إنها تشوف الدنيا بتولع محتاجين قضية يلتفوا عليها
● عشان كده مقتل«نزار»كان هو القضية اللي استغلها «حسن الصبّاح» وعمل منها مظلومية كبيرة ورفعها كـ «قميص عثمان» جديد👇٢٤

وقعد يتاجر بيها ويلف مدن الشام و العراق و إيران علي رجليه بهدومه السودة و ملامح وشه اللي كلها شر عشان يقول للناس ان دم «نزار» في رقبتكوا
ماتفهمش إزاي ، بس مقتل «نـــزار» طلّع الكاريزما دي كلها من «حسن الصبّاح».👇٢٥

بصراحة ، الراجل كان بيعرف يتكلم ولا «أودلف هتـــلر» في زمانه على فكرة هو عمل نفس اللعبة اللي لعبها «هتـــلــر».. هو بص وركز على الناس اللي بتعاني في حياتها اليومية و طالع عينيها من الفقر و الجوع و المرض ، وعرف إن الناس دول محتاجين حد يعملوه شماعة يعلقوا عليها بؤسهم ويلوموه👇٢٦

ويلوموه على الوضع اللي هما فيها أكتر من إن حد يساعدهم ، فـ «حسن الصبّاح» عمل كده .. هو شاور لهم على «بدر الدين الجمالي» و كل الحكام المسلمين اللي قاعدين علي الكراسي في العالم الإسلامي كله وقعد يشيطن فيهم ويقول للناس ان دول هما سبب الفقر والعيشة الضنك اللي انتوا عايشينها👇٢٧

وان الخليفة المقتوووول المغدور «نزار» ده كان الحاكم الصالح والمنقذ اللي كان هيخلي حياتكم جنة ونعيم وهو الوحيد اللي كان هينقذكوا من بطش و ظلم و جبروت و فساد الحكام دول كلهم ، بس أنتوا سبتوه يتقتتتل ، و عشان كده حكامكم بيفتروا عليكوا ، و هما السبب في اللي أنتوا فيه ده..👇٢٨

كم الغل و الحقد اللي جوه «حسن الصبّاح» خلاه يفضل يمشي علي رجليه من سوريا للعراق لحد الحدود الإيرانية الأفغانية دلوقتي وقعد يدعو الناس إنها تنضم له لحد ما وجد قلعة حجرية مبنية على قمة جبل عالي كان اسمها قلعة «آلموت- Alamut Castle» أو بالفارسية «شاه دز» وجنب القلعة دي لقي كهف👇٢٩

فاتخذه كمقر له و فضل قاعد فيه
★ منطق «حسن الصبّاح» اللي انت محتاج تفهمه إن «نــزار» هو الخليفة الشرعي للمسلمين ، ولأنه خليفه المسلمين فهو معصوم من الخطأ ، حسب المعتقد الشيعي ، وهو هنا قصده إن الخليفة ده حاجة كده زي «بابا الفاتيكان» اللي هو شخص بيحكم بتكليف إلهي و مابيغلطش👇٣٠

و مابيتحاسبش و كلمته تمشي علي الكل.. بس «نــزار» مات و بناء عليه فهو بصفته نائب «نــزار» فهو كمان بيتلقى تكليف إلهي وتجب طاعته وعدم مناقشته ، والأهم انه كمان معصوم زيه
★ حاكم المنطقة اللي فيها القلعة واللي هي زمان كان إسمها «خراسان» كان اسمه «علي بن المهدي»👇٣١

قال خليني أتكلم مع «حسن الصبّاح» يمكن أوصل معاه لحل
★ فعلاً «علي بن المهدي» راح لــ «حسن الصبّاح» في الكهف واتكلم معاه و قاله انت لازم تمشي من هنا لأنك قاعد جنب قلعة «آلموت» ودي قلعة استراتيجية
★ فـ «حسن الصبّاح» بدل ما يمشي ، عرض عليه إنه يأجر منه أوضة في القلعة👇٣٢

دفع فيها ثمن ما يعادل "سلخة بقرة" يعني تمن جلد بقرة لما تتسلخ وقاله أجر لي الأوضة دي عشان أعيش وأتعبد فيها في هدوء وسلام ، وأريحك مني ومن مشاكلي
★ «علي بن المهدي» اتبسط جداً بالــ Offer ده ، وشاف انه بالشكل ده«حسن الصبّاح» هيفضل قاعد في القلعة ومش هيطلع منها 👇٣٣

وهيبقى تحت أعين حراس القلعة التابعين لحاكم المنطقة ، يعني تقريباً «حسن الصبّاح» مش بس أجر أوضة يعيش فيها ، ده دفع تمن زنزانة السجن اللي هيتسجن فيه واللي دخله طواعية ومن غير ما حد يقبض عليه ..
✹ بس هو يدوبك أسبوع واحد عدى ع الكلام ده ، وفوجئ الحاكم «علي بن المهدي» 👇٣٤

بالأخبار بتتوالى إن «حسن الصبّاح» أعلن نفسه قائد لقلعة «آلموت» و المفاجأة الأكبر انه اكتشف ان الحرس و العساكر اللي المفروض إنهم بيحموا القلعة وولاءهم للحاكم «علي بن المهدي» باعوه وإنضموا لـ «حسن الصبّاح» وبايعوه كخليفة وحاكم .. محدش عرف يقوله إنت بتعمل إيه👇٣٥

يعني باختصار الراجل خد القلعة كلها بوضع اليد
● في المرحلة دي إنت لازم تفهم السحر اللي كان بيطلع من بوق «حسن الصبّاح» ..وتندهش إزاي الراجل ده كان بيقنع الناس تنضم له؟ ..
● الحقيقة إن المبدأ الأساسي لدعوته كان متركز على السطحيين والفقراء والأغبياء و الجهلة اللي مابيقروش👇٣٦

«حسن الصبّاح» مكانش بيروح لشخص متعلم فاهم أصول دينه و عنده مبادئ الفقه .. لا هو كان بيروح للجهلة اللي مش عارفين حاجة و يبدأ يصطادهم ..
هو مكانش بيدور علي الناس اللي كانت ماشية بمبدأ "فهمني دي جت إزاي" ؟ .. هو كان بيدور علي الناس اللي مش بتفكر ولا بتناقش👇٣٧

بتناقش وعايشة بمبدأ "هذا ما وجدنا عليه أباءنا " ..
★ ومع الوقت دعوته اتطورت وما بقتش انه بيدعي أنه «نائب» الخليفة الشرعي للمسلمين ، ولا حتى انه «الخليفة المعصوم» ، إنما بقت إنه «نبي الله» والعياذ بالله.
★ لما جات سنة 480 هجرية يعني1087ميلادية ، كانت أفكار «حسن الصبّاح»٣٨

أو زي ما بقت تتسمى الدعوة «النزارية» بتنتشر في المجتمع كالنار في الهشيم ، .. وأتباعه بقوا بيزيدوا بسرعة رهيبة يوم بعد يوم
★ وفي الحقيقة أنا شايف إن ده سببه حاجتين: أول حاجة إنه استغل الفساد العام اللي بقي منتشر في كل حتة في العالم الإسلامي و بقى بيشاور على الحكام👇٣٩

والمؤسسات الحاكمة ويقول للناس شايفين دول؟أهم هما دول السبب في كل اللي إنتوا فيه
● تاني حاجة ان دعوته كانت مبنية على نظام دقيق للغاية وتقريباً هو الأساس اللي فكرة اللي اتبنت عليه فكرة وطريقة «تجنيد الجواسيس» اللي أجهزة المخابرات في العالم كلها اتعلمتها منه وبتستخدمها لحد دلوقتي٤٠

⚘ النظام بتاع التجنيد او الـ «Recruitment» اللي كان «حسن الصبّاح» بيستخدمه كان مبني على 7 خطوات بيتعملوا ورا بعض:
• أول خطوة هي «التفرس»اللي هو لو أنا واحد من رجالة «حسن الصبّاح» فأنا لازم أفتح عيني كويس أوي علي الناس اللي أعرفها و أبدأ أشوف مين فيهم من الشخصيات الإمعات👇٤١

سهلة الانقياد اللي بتحب إن حد تاني يمشيها .. أصل فيه بني أدمين معدومي الشخصية بيحبوا فكرة إنه يتقالهم يعملوا إيه و مايعملوش إيه .. النوع ده هو النوع المثالي اللي كان رجالة«حسن الصبّاح» بيصطادوه عشان ينضم للنزاريه
• تاني خطوة هي «التأنيس» .. وفكرتها بتقوم على إني لو أخترت حد👇٤٢

أبدأ أتعرف عليه و أعزمه علي الأكل و أتصاحب عليه ، ولإن الأكل الحلو هو أساس الصحوبية الناجحة ، فمرة مع مرة الكلام بيجيب كلام ، و في كلامي بحاول إن الحوار كله يبقى حول قد إيه الوضع في البلد زي الزفت و إن الفساد بقي منتشر في كل حتة
• ثالث خطوة هي «التشكيك»👇٤٣

يعني إني أكسر كل المعتقدات اللي إنت مؤمن بيها و أقنعك بأفكاري ، و كله تحت مسمى الإصلاح .. أصل مين فينا مابيحبش الإصلاح و إن البلد حالها يتحسن ؟
• رابع خطوة هي «التعليق»يعني بعد ما أكلتك و شربتك و إتكلمت معاك و إستريحتلي ، انقطع عنك وأحرمك مني وأسيبك كام يوم من غير حس ولا خبر👇٤٤

عشان تحس إنك مشتاق لي و ماتقدرش تستغني عني.
• خامس خطوة هي «الربــط» .. واللي هي اني أبدأ أعرفك يعني إيه النزارية و إحنا بنؤمن بإيه وبنعمل إيه ، و ما أسيبكش إلا و إنت أقسمت على الولاء و الطاعة
سادس خطوة هي «التدليس» .. وهنا لازم أبدأ أقنعك بإن «النــزارية» هي صحيح الإسلام👇٤٥

وأي مذهب أو حاجة تانية غلط .. النزارية عايزة مصلحة إيران و مصلحة بلاد الإسلام كلها .. و الأهم إني أقنعك إن إحنا كتير أوي بس خايفين نقول .. إنت لو مشيت في الشارع هتلاقي ناس كتير أوي مؤمنين بأفكارنا زيك بالضبط ، بس خايفين من الحكام المفتريين اللي لو شموا خبر هيموتونا👇٤٦

سابع خطوة هي «التأسيس» .. وهنا لازم أشتغل عليك بحد ما أخليك مؤمن بالنزارية و مطيع لكلام وأوامر النبي المعصوم «حسن الصبّاح» و ممكن تعمل أي حاجة عشانه ، حتى لو أمرك إنك تقتــل أو تتقتتتل
⚘ طيب بعد ما حد معين إنضم خلاص للنزارية و بقي من رجالة «حسن الصبّاح» إيه اللي بيحصل بعد كده؟٤٧

★ الرجل قسم رجالته رتب زي بالضبط رتب الجيش بحيث إن الرتب دي كانت كالآتي:
• الرتبة الأولى هي «سيدنا» اللي هو «حسن الصبّاح» نفسه ، وتقدر تسميه «القائد الأعلى» للنزارية أو «بابا» النزارية لو حبيت ، أو «المرشد الأعلى» للنزارية.👇٤٨

المرتبة الثانية هم طائفة «كبار الدعاة» و دول بمثابة مجلس قيادة الدعوة.
• المرتبة التالتة هم «الدعــاة».
• المرتبة الرابعة هم «الرفــاق».
• المرتبة الخامسة هم «الفداوية» و دول بقى خلي بالك منهم أوي.
• المرتبة السادسة هم «اللاصقون».
• المرتبة السابعة هم الأتباع «العاديون»👇٤٩

✪ «الفــداوية» دول أو الفدائيين يبقوا هما الــ «Assassins» اللي إنت بتلعب بيهم في لعبة زي الـ «Assassin’s Creed»أو بتعبير آخر هما «الجناح العسكري» للنزارية ودول الناس اللي دورهم تنفيذ عمليات التصفية والإغتيال ودول يعتبروا أهم ناس في النزارية و اللي ليهم معاملة خاصة جداً👇٥٠

بس يمكن أهم حاجة بتميزهم إن كل واحد فيهم لما بيروح ينفذ عملية إغتيال كان بيبقى معاه ورقة عبارة عن شهادة ملكية لقصر في الجنة ماضي عليها «حسن الصبّاح» شخصياً ..
⚘ نيجي بقي لأهم سؤال .. هما ليه الفداوية إتعرفوا في كتب التاريخ بالحشاشين و ليه إتسموا Assassins ؟👇٥١

★ عشان الفداوية دول يقتلوا بدم بارد و يقعدوا يتشعلقوا علي الحيطان زي البرص و ينطوا فوق أسطح البيوت زي ما كنت بتلعب و بتشوفهم حتى في الفيلم اللي زي الزفت «Assassin’s Creed» فالناس دول مكانوش فعلياً بيحسوا بأي ألم .. الناس دول كانوا علي طول و بشكل مستمر تحت تاثير مادة مخدرة 👇٥٢

إسمها «القنب الهندي» أو «Cannabis Indica» ، و دي تبقى المادة الخام اللي بيتصنع منها «الحشيش» و «البانجو» و «الماريجوانا» ، و من هنا إتسموا «حشاشين» و اللي إتحرفت في اللغة الإنجليزية لكلمة «Assassins» .
◆ «حسن الصبّاح» لإنه إتولد و إتربي في «نيسابور» زي ما قلت في البداية👇٥٣

فهو درس حاجات كتير زيه زي كتير من الشباب ، و كان من ضمن اللي درسه بإستفاضة هو علم الكيمياء ، فهو كان عارف إيه هو «القنب الهندي»، و بيستخدم في إيه ، و المعلومة دي في العصر ده عامله بالضبط زي ما تبقى دلوقتي معاك دكتوراة في الأسلحة البيولوجية👇٥٤

«حسن الصبّاح» كان بيخلي الفداوية بالذات يتعاطوا كمية حشيش مش طبيعية لدرجة إنه بيتحكم في أفكارهم فعلاً ... ويذكر أحد الرحالة أن «الصبّاح» قام ببناء حديقة كبيرة بين جبلين وجعل فيها أنهارًا من الخمر والعسل واللبن، وجمع فيها الفتيات الجميلات العذارى اللواتي يجدن العزف والغناء👇٥٥

وأوهم أتباعه، وهم تحت تأثير المخدر، بأن هذه هي الجنة التي وعد الله بها عباده المتقين، ولم يكن يدخل تلك الحديقة إلا من وقع عليه الاختيار أن يكون فدائياً.
وعشان كده لما بتبقى واحد من الفداوية و «حسن الصبّاح» يقولك روح اقتل مثلاً القاضي الفلاني فأنت من ساعة ما بتاخد الأمر👇٥٦

لحد ما بتنفذ الإغتيال لحد ما بتهرب فأنت بتكون مش معانا في الدنيا .
★ «حسن الصبّاح» خلى إيران بركة دم ... الإغتيالات كانت نازلة ترف فوق دماغهم ..أي حد «حسن الصبّاح» كان بيعتبره بيشكل تهديد لحلمه إنه يحكم إيران و باقي البلاد الإسلامية كان بيتقتل فورا.. 👇٥٧

⚘ المشكلة مش في كده بس .. الفكرة مش إن الفداوية كانوا أقوياء و بيتنططوا فوق أسطح البيوت ولا إنهم متعصبين و شايفين نفسهم عندهم حق كل ده عادي اللي مش عادي إن الواحد فيهم لما كان بيروح ينفذ عملية إغتيال كان بيبقي مش حاسس بنفسه .. هو بيبقي تقريباً غايب عن الوعي بسبب كم الحشيش👇٥٨

اللي بياخده ، و كتير منهم لما كانوا بيلاقوا نفسهم هيتمسكوا كانوا بينتحروا .. حتى اللي إتمسك قبل ما ينتحر بيبقي معروف هو جاي منين ومش محتاج حد يعذبه .. هو فداوي من الفداوية بتوع «حسن الصبّاح» اللي قاعد في قلعة آلموت .. الناس كلها كانت عارفه و الناس كلها مش عارفه تعمل حاجة👇٥٩

من ضمن ضحايا إغتيالات الفداوية كان «نظام المُلك» صاحب «حسن الصباح» القديم واللي اتربى معاه ، ومن ضحاياهم برضه كان الحاكم «ملك شاه» حاكم نيسابور اللي عين «حسن الصبّاح» سكرتير/ حاجب ليه.. ومن بعده جه إبنه «سنجر» اللي يدوبك بعد كام يوم من توليه الحكم جاتله رسالة من «حسن الصبّاح»٦٠

قاله فيها كل رجالتك اللي حوليك شغالين لحسابي .. بعدها بكام يوم «سنجر» صحي من نومه لقي فيه خنجر مغروز في المخدة اللي جنب راسه..
دي كانت باختصار قصة طائفة وجماعة «الحشاشين»
ملحوظة :الفداوية» مكانش ليهم زي موحد يعني الـ «Hoodie» اللي انت بتشوفهم لابسينه و الطقم الأبيض الجذاب أوي٦١

ده كل ده فنكوش ... عشان الناس دول كانوا مطلوب منهم إنهم يندمجوا بين الناس عشان يستخبوا وسطهم و بالتالي فكرة إنهم يلبسوا «Uniform» موحد دي مش منطقية ..
ثاني حاجة هم مكانوش بيستخدموا الخنجر الصغير اللي بيتركب تحت الكم ده 👇٦٢

الفداوية كان معروف عنهم إتقانهم المطلق لجميع فنون القتال واستخدام كل الأسلحة اللي كانت متاحة ليهم في العصر ده ، بس الخنجر الكيوت ده ماكنش عندهم الحقيقة...
بعتذر للإطالة
منقول

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة