ح اختصر ليكم الشارع من طابت لحدي ما وصلت مناطق الجيش اتحركنا من طابت اول شي الارتكازات للدعم بتبدا من طابت جوا بطلعو مع البص موتر طبعا بدفعو للموتر عشان يامنهم لحدي الحصاحيصا المهم طابت فيها ارتكازين بعدها ام دليبه ارتكاز والبص في كل ارتكاز بدفع ليهم قروش الارتكاز بقولو عاوزين+
حق الفطورالبص دفع في كل ارتكاز من ١٠ ل ٢٠ لكل ارتكاز احنا لاقانا بعد ام دليبيه لاقانا ارتكاز صراصر وبعد صراصر في ظلط ام عظام وتاني لاقاني ارتكاز في ود بهاي والقوز وبعدها ود سلفاب وتاني كبري بخيت لمن دخلنا الحصاحصيا لحدي الكبري ٥ ارتكازات قبل كبري رفاعه
ملاحظه من طابت بتلاقي كميه عربات مواطنين ملطخه بالطين في كل ارتكاز وفي شارع طابت الحصاحيصا عربات عامله حوادث وعربات مشلعه من اي شي وواقفه ساي اما الصدمه كانت لمن وصلنا الحصاحيصا زحمه عربات ما طبيعيه وكميه دعامه ما طبيعيه السوق عباره عن دعم الحافلات شغاله مواصلات عادي للخرطوم..
اما قري الحلاوين وريفي طابت اغلب العربات بجيبوها ماره ب طابت وبتجي قدام عيونا يعني ممكن تشوف عربيتك قدام عينك وانت قاعد ف الظلط الحياه ف طابت بقت عباره عن شباب الحله بتركزو للصباح والصفاره بقت معناها في دعم دخل بيت او بنهب والناس بتتحرك كلها واغلب الاوقات من يسمعو صفافير بجرو اخ
كل دعامي يركب البص بحاول يتظارف واخر دعامي قال لينا امشو احنا جاينكم لحدي مصر وعارفنكم كارهننا المهم دي كلها حاجات جانبيه بس الحاجه الوحيده المبشره في القصه دي ما لاقاني ولا تاتشر دعم سريع كلها عربات مواطنين واسلحه يد ونصها فاضيه ماف مكان في الجزيره ما سلم من سرقات
بعد وصلنا رفاعه مشينا بشارع موازي بالزلط لحدي الفاو ما لاقانا دعم لا جيش الا في الفاو بتبدا عربات المواطنين متحركه عاديوارتكاز الجيش والحياه عادي طبعا عشان تصل البورت بيتنا ف الشارع امس والليله يعني الشارع بياخد ٣ يوم للبورت يعني حاجه قمه التعب
لازم كل زول اثبات شخصيه في يدو بالزات الاولاد في كل ارتكاز بنزلوهم لو انت زول مصاب ومسافر القضارف ما تقول مصاب برصاص قول وقعت من كارو اي شي الناس ديل اتجاه واحد انت مصاب رصاص معناها انت جيش وفلول
اي ولد تلفونك قروشك وانت نازل اديهم لاي مره يا حبذا لو ختيتهم في شنطه سفرك نادر يفتشو النسوان م سالوهم خالص الاولاد حتي في ارتكازات الجيش بالزات الاول بتمسكو معاهم بس تاني ف كل ارتكاز عادي
جاري تحميل الاقتراحات...