رسالة ليست بالصدفة🤍
"لست أدري!
أجديد أم قديم أنا في هذا الوجود
هل أنا حرّ طليق أم أسير في قيود
هل أنا قائد نفسي في حياتي أم مقود
أتمنّى أنّني أدري ولكن...
لست أدري!
وطريقي، ما طريقي؟ أطويل أم قصير؟ "

أول شيء هذه الرسالة لأرواح الآن يحسون إنهم بالمكان الخطأ، أو سابقاً راودهم هذا الشعور
وكنتوا تبذلون جهد كبير علشان تغيرون محيطكم يا إنكم فعلا تغيرونه بالكامل او تغيرّون شخصياتهم، وهذا الشيء بالذات أخذ منهم طاقة وجهد كبير
في أثر حرق له قصة فيكم ربما في أحد الأطراف
جواتكم كنز مدفون وعشتوا عمر طويل ولا بأس فيه وانتوا حاسين فيه بس مو عارفين تطلعونه
قد تكونون عشوائيين بعض الشيء في كلامكم او افكاركم
ظهر لي اسمين ( حياة، خلود ) وخذوا مشتقاتها بعد ومو تاخذونها كأسماء لا خذوها كمعاني
وش قصتكم مع الحياة؟ وهل عندكم رغبة بالخلود؟
في شيء جواتكم يبغا يطلع لهالعالم ويتخلّد عن طريق شيء إنتوا مميزين فيه، وهذا الشيء بيكون سبب مال وفير يدخل عليكم
لا عجب اني حسيت واخترت صورة الرسالة لروح تقرأ
المعرفة مهمة لكم، لأنها تورّيكم الكنوز اللي بداخلكم
يرجع لي شعور بالغربة ينهش بالداخل، هذا الشعور لا زال يزوركم
وانتوا بالذات ما تبون أحد يعطيكم أمل انتوا تبون أحد يحط لكم النقط على الحروف ويقول لكم شيء واقعي
والآن ظهر اسم حنين، او شعور الحنين
ممكن عندكم حنين للماضي او لفترة من الماضي..

بتحسون إن أسلوبي في هالرسالة مختلف عن الباقي، بس هذا هو اختلافكم اللي بعكسه لكم بهالرسالة
إنتوا عن طريق الاختلاف يصير عندكم نمو، بس للأسف حياتكم محتاجة انكم تظهرون وانتوا زي ما تكونون حاطين أفضل الاشياء اللي فيكم تحت ذراعينكم ومقفلين عليها، تخفون أنفسكم ومو بالكامل بس أروع جزء فيكم ما تظهرونه
لأنكم تخافون إذا اظهرتوه محد يقدّره
ما يقدّر اللي تظهرونه، فـ فيه انفصال كبير عن الذات الحقيقية
الحلو إنكم مؤخراً منتبهين لهالنقطة بس مو عارفين من وين تبدأون
بعضكم بيقرأ هالرسالة وبيحسها لنسخة قديمة منه، لا تشّك إن في هالرسالة شيء لك، كمّل قراءة لو سمحت
بعد عندكم اهداف كبيرة تتعجبون ليش ما تحققت للآن وعندكم تساؤلات ان ليش ما صارت للآن
مع إن مؤخرا آخر سنه وثمان شهور في أشياء صارت وتحققت روّضت وهدّأت الغضب اللي بداخلك فصرت تتراوح مابين الرضا ومابين الغضب من ان الباقي ليش ما تحقق
ركّز معي كويس اي هدف اي هدف واعرف ان انتوا عندكم اهداف ضخمة وكبيرة وماتشاركونها احد، اي هدف لسى ما وصلت له الآن
بتوصل له فوراً بعدما تتصل مع ذاتك الحقيقية اللي منفصل عنها
ما اقدر اقولك انها مرحلة سهلة لأن اللي بداخل ذاتك ما يشبه اي احد ويمكن ما ابالغ لو اقول لو اكتشفته بداخلك كل شيء في حياتك بيتغير
وبعضكم حتى اسمه بيتغير
خفت شوي صح؟ ايه انت عندك خوف من التغيير
وهذا الخوف احد الامور اللي تخليك في انفصال عن جوهرك
جوهرك اللي انت تعرف بوعي او بدون وعي ان اعظم رسايل حياتك بتكون معتمده عليه

واحنا نكتب جوهر جوهر، هو الشيء اللي يلمع بداخلك
اللي انت مميز فيه بتلقائية وعفوية وتحس نفسك مشدود تعمله واكثر شيء ظهر لي ان في ناس موهوبة بأصواتها او بطريقة كلامها
وفي شيء يخص اليدين خصوصا الاصابع وظهرلي اصبع السبابه والابهام والاوسط، اتوقع انه شيء موسيقي
بس ممكن تكون مميز بشيء مختلف، عادي
المهم تكون منتبه له وتعرف ان هالشيء مهما مهما رفضوه الناس من حولك او ماحبوه او ما دعموك فيه، هو نقطة قوتك اللي ياما استسهلت فيها وتخليت عنها وكذا ببساطة عشت بخوف وضعف لأنك خايف تكون قوي
وأقوى من اللي حولك
ولأنك تحبهم ماتبغا هذي الميزات تخليك في حالة نديّه معاهم ماتبغا صراعات
فـ لايش لجأت؟ لتغييرهم وانت منتبه او مو منتبه مرتّك فترة كنت تسعى تغيّر الناس من حولك علشان كنت تعتقد بس لو تغيروا بيتقبلونك
بس كنت ناسي انك انت مو متقبّل نفسك
مو متقبّل هذه الميزات وكأن مو من حقك تكون مميز اكثر عن محيطك
وهذي الفكرة فيها أفضلية وفوقية ودونية
لأنك مو متعود تكون مع الناس و وسطهم
ورح تكون وسط الناس وبينهم ومعاهم مستقبلاً💕

ارجع اعمل الاشياء اللي تحبها ومارسها
مو تعمل الاشياء اللي ملزوم تسويها علشان ترضي الناس
صعب بيكون عليك بالبداية
بس مع الوقت بتتعود، مو شرط تسويها دفعة وحدة لا
بكل مرة خصّص وقت لشيء تحبه خصوصا الشيء اللي تحسه جوهرك ومميز انت فيه وغالبا
هو الشيء اللي وقفت تمارسه او تسويه علشان محيطك او تخفيه عن محيطك ببساطة او ماتسويه قدامهم
ارجع اعمل هذا الشيء وخصّص له وقت من حياتك ويومك علشان بيوم ما هالشيء بيثمر بخير كبير لك
ومع الوقت هذا الشيء بيفتح لك مشاعر كنت كاتمها بتجيك اوقات تبغا تتراجع و أوقات تحس نفسك تورطت، بتكون برحلة داخلية مع ذاتك ومشاعرك وكأن انفتح باب بداخلك
هذي المشاعر اللي بتظهر -مو كلها بتكون مشاعر جميلة، بس مهم تفهمها وتعيشها- بتكون دافع لإنك تمارس هالشيء المميز فيك اكثر واكثر واكثر ومن هنا تبدأ تصير بداخلك نقطة تحول
وللبعض هذي بتكون يقظته الروحية…
بعدها بتعرف وتعي من تلقاء نفسك أهمية اللي انت تعمله، وبيظهرون اشخاص داعمين لك
بتكون وسط مجموعة سواء صغيرة او كبيرة تشوف هذا الجوهر
بتحتاج وقت علشان تتأقلم عليهم، ومن بعد التأقلم بتنفتح لك فرص على ارض الواقع بشكل حقيقي
في هذيك المرحلة مابيكون مهم قبول اللي حولك ومحيطك ولا ولا
بس في ناس كثير ما تفهمك الآن وقتها بتفهمك وتدعمك في ناس لا بتبقى مو فاهمتك وماتحب اللي تسويه وبيذكرونك بجزء منك قديم لذلك بتتعاطف معاهم
في هالمرحلة بتغيّر موقعك الجغرافي
او مكان انت متعود تروح له دايم
المهم في شيء بيتغير جذريا لانك بتكون وسط ناس جدد
ارواح جديدة هادئه ولطيفه ويقدمون لك مساعدات بشكل يذهلك
وفي ارواح بتكون منافسه لك
بس بتكون وقتها متمكّن كثير من ذاتك وفي وضع أفضل …
كل هذا يعتمد على اتصالك بجوهرك واللي يُعتبَر مرحلة شخصية إنت بتخوضها زي ماتحب وكيف ماتحب💕