ركبت النهارده مع سواق بدقن طويله اوي وكان باين عليه التقوى ، فمن اول مركبنا والناس قاعده بتتخانق معاه وهو بيرد بكل ضحك وهزار ، وقاعد بيقول افيهات والناس قلبت من الغضب للضحك والهزار ، ووسط مهو قاعد بيضحك فينا ويقول نكت وافيهات ، فجاه الدائري وقف اوي ،وبعدين اكتشفنا ان قفله الدائري

كان بسبب حادثه وان واحد بيعدي الطريق خبطته عربيه فمات فورا والدم منثور على الارض ، وفي لحظه الشيخ شاف المنظر وقعد يقول مات ، الراجل مات ، وغرق في حاله من البكاء بشكل هستيري وهو قاعد بيدعي ويقول ربنا يرحمه ، يارب اغفرله ، لا حول ولا قوه الا بالله إنا لله وانا اليه راجعون

وتحول في لحظه الشيخ اللي بيضحك وبيهزر لشخص بيبكي بهستيريا ولا كأن اللي مات ده ابنه ، فانا استغربت الصراحه ووطيت راسي للشيخ عشان كنت واقف جنبه اساسا من كتر الزحمه ، وقلتله مالك يا شيخ انت تعرف اللي مات ده ولا اييه ، مع اني كنت متاكد ان الاجابه لأ لان الميت كان متغطي ومش باين منه

غير الدم المتناثر في كل مكان ، فرد عليا الشيخ بكلمتين بالضبط
" الموت يابني " وقعد يكررها
مجاش في بالي ساعتها غير آيه واحده
"( الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَالصَّابِرِينَ عَلَى مَا أَصَابَهُمْ وَالْمُقِيمِي الصَّلَاةِ وَمِمَّا رَزَقْنَاهُمْ يُنْفِقُونَ)"

ربنا يغفرلنا جميعا ويرزقنا قلوب تَوْجَل من ذكر الله .
جمعة مباركة🌹