صالح محمد صالح عبدالعزيز العجيري هو أول عالم فلك كويتي ولد في 23 يونيو عام 1920 في منطقة القبلة إحدى مناطق محافظة العاصمة بالكويت، وهو الابن الأكبر لوالده وسط اخوته التسعة!
وكانت حياة صالح العجيري جداً بسيطة ومتوضعة وما كان فيها اي شي حديث مثل هالأيام اللي نعيشها لانه كان يعيش في بيئة بدوية، وما كانت طفولته سهلة لأن والده أرسله إلى البادية وهو صغير حتى يعيش وسط القبيلة ويصير صبور ويتحمل المسئولية!
وعلى الرغم من أن المسئولة كانت جداً صعبة على صالح العجيري لان والده موظف ودايم يغيب عن المنزل وكان هو يسوي الطعام لاخوته ويهتم فيهم إلا أنه ما ترك المدرسة وكان عنده شغف كبير بالعلم!
وأرسله والده إلى قبيلة الرشايدة في منطقة بر رحية جنوب غرب الجهراء ليتعلم الحياة القاسية ويتأمل في السماء ويشوف القمر والشمس والنجوم ويزيد شغفه لدراسة الفلك والتحق بمدرسة عبدالرحمن بن حجي وهو مؤسس علم الفلك بالكويت وتعلم منه اشياء كثيرة عن الفلك
وفي الوقت هذا تعلم أساسيات الفلك من عبد الفتاح وحيد، ثم ذهب لمرصد حلوان، وشارك في تأسيس مرصد القطامية، بعدين، طاح في عالم المراصد العالمية، وتواصل مع مرصد غرينتش ومرصد البحرية الأمريكية
وصار صالح العجيري يسافر لكل بلد ليتعلم علوم الفلك، والسبب اللي كان يخلي العجيري يبي يتعلم في هالمجال هو خوفه من الرعد والبرق والمطر في صغره واللي قرر انه راح يتعلم حقيقة هالاشياء وكيف تصير!
وكتب صالح العجيري مؤلفات كثيرة وهي إرث تاريخي له في عالم الفلك مثل كتاب "كيف تحسب حوادث الكسوف والخسوف"، "خارطة ألمع نجوم السماء"، "دورة الهلال"، "كيف تستدل على الفصول"،" دروس فلكية للمبتدئين الطلاب".
وكان صالح العجيري موضع بحث كبير في الفترة السابقة بسبب توقعاته عام 2005 على اللي راح يصير عام 2024! لانه تنبأ ان تصير حرب نووية بين الدول واللي راح تحجب ضوء الشمس عن كوكب الأرض وراح يكون مكانها جو جداً بارد لدرجة التجمد!
ومن التوقعات اللي صدمت الكل هو ان الأرض عام 2024 راح ترجع للعصر الحجري وراح تختفي مدن كثيرة وان هالشي راح يكون كارثة للبشرية!! وان الحضارات راح تنهار وما يكون في طعام او زراعة ويعيش الإنسان أسوأ أيام، لكن راح تنتهي هالأيام وترجع الأرض لطبيعتها، وقال ان نهاية العالم ما يعلمها
توفى صالح الفلك الجليل صالح العجيري 10 فبراير 2022 عن عمر 101 عام! وكان يعاني في سنواته الأخيرة من الشيخوخة، والشي الغريب اللي كان في تقويم العجيري يوم وفاته هو حديث نبوي "اغْتَنِمْ خَمْسًا قبلَ خَمْسٍ: شبابَكَ قبلَ هَرَمِكَ، وصِحَّتَكَ قبلَ سَقَمِكَ، وغِناءكَ قبلَ فَقْرِكَ
وبكذا خلصنا الثريد اتمنى اعجبكم 🙏
وعندنا حالة حرجة جداً مبلغها بسيط قادرين باذن الله نقفلها بسرعة بدعمكم 🤍👏🏼
رابط المساهمة :
store.lhm.org.sa
وعندنا حالة حرجة جداً مبلغها بسيط قادرين باذن الله نقفلها بسرعة بدعمكم 🤍👏🏼
رابط المساهمة :
store.lhm.org.sa
جاري تحميل الاقتراحات...