ازاي الCV يعدي الscreening و يوصلك للإنترفيو؟
كما وعدناكم، في الثريد دا هتكلم عن شوية tips and tricks تعملها و أخطاء تحاول تتجنبها عشان تطلع بأحسن صورة للCV اللي بيعبر عنك
فا جهز الريتويت المتين و الCV بتاعك كدا و يلا بينا
كما وعدناكم، في الثريد دا هتكلم عن شوية tips and tricks تعملها و أخطاء تحاول تتجنبها عشان تطلع بأحسن صورة للCV اللي بيعبر عنك
فا جهز الريتويت المتين و الCV بتاعك كدا و يلا بينا
مبدئيا محتويات الثريد دا مجرد نصايح من وجهة نظري الشخصية هنحاول بيها تعمل CV يكون معبر عنك، مفيد و يعرف اللي بيشوفه يطلع منه المعلومات اللي محتاجها بسهولة
١) الCV لازم يكون relevant للبوزيشن اللي انت بتقدم عليه، يعني لو انت مقدم على software engineer، مش منطقي تملى الCV بتاعك مشاريع و خبرات ماشين ليرننج و داتا ساينس، حاول تعمل كزا نسخة و تكون كل واحدة موجهة لتراك معين
٢) لو انت fresh grad او بتقدم على entry level عموماً، فا دا مش معناه ان الCV بتاعك يبقا فاضي، مشاريع الكلية، أو اي مشاريع انت عملتها مع نفسك اتعملت عشان تحطها في الCV، فا لو انت مدخلتش internships او مشتغلتش قبل كدا اهتم بالجزء دا و حط عدد كويس من المشاريع اللي انت شايفها حلوة
٣.١) سواء كنت اشتغلت قبل كدا او fresh grad، و انت بتتكلم عن مشروع او حاجة اشتغلت فيها، بلاش تقتصد في عددهم او تفاصيلهم، يعني متكتبش اسم البروجكت و خلاص، انا معرفش انت عملت ايه هنا و لا دا كان مشروع سهل و لا صعب ولا ايه التفاصيل بتاعته
٣.٢) في كل مشروع، حاول تتكلم عن الinteresting challenges او إنجازاتك في الشغلانة دي، محتاج تبين اتعاملت ازاي مع الchallenges دي و ازاي اوجدت ليها حلول عشان توصلك للإنجاز اللي انت عملته (اللي يخليها تستاهل انها تتحط في الCV بتاعك)
٤) طبعا اهم سكشنين في الCV كله هو الwork experience ان وجدت، و الprojects. فا اهتم بيهم الله يرضى عليك و اذكرهم زي ما قولنا في النقطة اللي فاتت
٥) لو انت طالب فا اهتم بالproblem solving، مش عشان دا اللي هيعديك، بس هو أكيد إضافة كويسة ليك في الCV
٦) متديش لنفسك rating لأي skill عندك، يعني متجيش تقولي انا ٧/١٠ في الc++، ايوا يعني مين اللي مقيمك؟ مين ال١٠ و مين ال٧، مفيش اي منطق أو أساس ورا الrating دا، يكفي بس انك تlist الskills بتاعتك
و لو حابب تفرق بين اللي انت قوي فيه واللي انت يادوب عارفه استخدم strong و familiar
و لو حابب تفرق بين اللي انت قوي فيه واللي انت يادوب عارفه استخدم strong و familiar
٧) اهتم بنضافة و شكل الCV، دا بيعبر عن إنك شخص على الأقل مهتم بجودة الحاجة اللي بتقدمها، مش بقولك الوان و حركات، بس يكون الCV متقسم كويس و في headlines لكل سيكشن و مفصولين عن بعض بشكل مريح للعين و شكل informative برضو، مش عايزين معلومة تضيع وسط عدم النظام دا
٨) اهتم بالتواريخ، الواحد بيبقا حابب يعرف انت متخرج بقالك اد ايه، قعدت في الشغلانة دي مثلا اد ايه، كدا يعني
٩) لو سمحت لو سمحت سمي الCV بتاعك باسمك عادي، مش لازم finalcv و my_cv و غيره، بضطر اقعد اrename الCV عشان اعرف احطه جمب اخواته في نفس الفولدر، مش كل الناس هتعمل كدا، فا من فضلك سمي الCV بتاعك مش هياخد منك وقت
١٠) مش محتاج تحط صورة في تيكنيكال CV أعتقد، مش بقول ان اللي بيحطها غلط و مش هيعدي اكيد، بس ممكن توفر مكان الصورة دا و تحط معلومة تكينيكال زيادة تعرفني عنك اكتر
شكرا لو كملت لحد هنا، اتمنى يكون الثريد مفيد و تكون طلعت منه بنصايح تفيدك، اللي اتقال مش شرط لو ماتعملش متعديش، بس الCV هو الصورة الوحيدة اللي بتوصلنا عنك، فا حاول تحط في الصورة دي كل المعلومات و الskills بتاعتك بشكل منظم و جميل
جاري تحميل الاقتراحات...