مساء الخير ..
واحد قريبي مبقالوش هو ومراته ٦ شهور متجوزين ، كانوا عندنا من فترة ، طول ما هو قاعد عمال يبصلها ويضحك ، يتكلم عنها يقول الله يبارك في عمرها ، الله يصلح حالها ، وطول القعده بيمدح فيها ويدعيلها ، ويشكر في اخلاقها ويرفع مقامها !
واحد قريبي مبقالوش هو ومراته ٦ شهور متجوزين ، كانوا عندنا من فترة ، طول ما هو قاعد عمال يبصلها ويضحك ، يتكلم عنها يقول الله يبارك في عمرها ، الله يصلح حالها ، وطول القعده بيمدح فيها ويدعيلها ، ويشكر في اخلاقها ويرفع مقامها !
خدته علي جنب وقعدت معاه في مكان لوحدنا ، ايه يا عم عمال تشكر في مراتك وتقول عنها غاليه وطيبه ، انت خايف منها ولا ايه ؟! ثم انت مش كنت بتحب واحده قبلها وخطبتها ولما فركشتوا الخطوبه قولتلي عمر قلبي ما هيدق تاني ولا هعرف احب غيرها خلاص !
قالي كُنت مغفل ! مين قال ان الانسان ميعرفش يحب غير مره ؟! تصدق بالله انا ربنا عوضني بواحده تتحط ع الجرح يطيب ، محترماني وصيناني وشيلاني فوق دماغها ، بلسم يا عم بلسم والله ، حسيت انها زي المغناطيس عماله تشد قلبي ناحيتها لحد لما وقعت علي ملا وشي ومحدش سمي عليا ،
بتفهمني من نظرة عنيا ، وكانت بتحبني من زمان وانا ولا انا هنا ، الست اللي قاعده بره دي انا فعلاً ندمان اني معرفتهاش من زمان والحمد لله اني خسرت اللي قبلها كل يوم بحمد ربنا انه جعلني اخسرها علشان يعوضني بست البنات ،
ثم مين قال الحُب مره في العُمر بس ؟! مبيعرفش حاجة .. الحُب بيجي بالموده والرحمه والتفاهم ، صدقني انا بموت فيها ، مبحبهاش بس !
النبي كان متجوز السيده خديجه وبكي يوم موتها وكنا بنقول مش هيحب تاني واتسمي يوم موتها بعام الحُزن ، وبعد كده ربنا عوضه بعائشه وحبها اكتر من اي حد في الدنيا ، وبقي يقول قدام كل خلق الله احب الناس الي قلبي عائشه !
شاب أمريكي اسمه " والاس " كان شغال في ورشة تصنيع اخشاب ، وقضي عُمره كُله فيها لحد لما وصل سن الـ 40 ، المُدير اتلككله ، وقام طرده من الشغل بدون تأمين ، بدون مكافئه ، بدون اي شئ .. قرف من الدُنيا واللي فيها .. حزن حُزن شديد انه فقد شُغله اللي بياكل منه عيش هو ومراته ،
فمراته قالتله هنعمل ايه ؟! هنموت من الجوع ؟! قالها ولا يهمك ، هروح ارهن البيت المحندق بتاعنا ، واشتغل في البُنا " مقاول " ياخد اراضي ويبنيها ، وفعلاً رهن البيت ، جاب تحويشة العُمر ، وبدأ يشتغل ف المهنه دي ، بني بيت والتاني والتالت ..
كان عنده ذمه وضمير واتشهر بسُرعة البرق ، المشاريع بدأت تكتر ، وبعد 5 سنين او اقل ، بقي مليونير ! اسمه " والاس جونسون " هو اللي بني سلسلة فنادق هوليدي اللي حاليًا من اشهر الفنادق في العالم ؛ اشهر من النار علي العَلم !
والاس عمل عدد ضخم من البيوت والفنادق في العالم ومراكز الاستشفاء لعلاج المرضي ، والاس بيقول في مذكراته ؛ انا لو عرفت مديري القديم اللي طردني من الشُغل ساكن فين ، هروحله وابوس دماغه واشكره من كُل قلبي ، لأن لولا اللي عمله وحرمني من شغلي المتواضع مكنتش بقيت فـ اللي انا فيه حاليًا !
بيقول وقت لما اتطردت كُنت بتألم وموجوع والدُنيا سوده ف وشي ، بس بعدها فهمت " ان شاء أن يُغلق الله في وجهي بابًا ، فذلك لأنه يُريد أن يفتح أمامي طريقًا افضل لي ولاسرتي !
سيدنا الخِضر لما كان بيعلم سيدنا موسي اليقين فـ ربنا ، وهُما ماشيين فـ الطريق ، سيدنا الخِضر شاف طفل صغير ، اول لما شافه جري عليه وقتله ، سيدنا موسي غضب وقاله : تقتل نفس بدون اي ذنب ؟!
بس طبعًا ربنا كان معلم سيدنا خضر بعض من علم الغيب ، وان الطفل دا ابوه وامه ناس طيبين وعلي قد حالهم ، والولد دا كان هيبقي فاجر وعاصي لما يكبر ومُش هيرضي يتوب ابدًا وكان هيتعب ابوه وامه معاه ، فربنا خده منهم ، علشان يبدلهم بطفل تاني يكون أفضل منه ويكبر ويبقي صالح وتقي ،
وفعلاً ربنا رزقهم بابن غير اللي مات وكان بيخدمهم لآخر عُمرهم ، وبقي الاب والام يحمدوا الله انهم فقدوا الابن الاول ، لأنه ممكن مكانش يبقي افضل من التاني ، وربنا عوضهم بشاب صالح يخاف الله فيهم ويبرهم طول حياتهم ويدعيلهم بعد وفاتهم !
الدكتور مصطفي محمود الله يرحمه سقط في كلية الطب 3 سنين ، نايم ف السرير بسبب تعبه مبيخرجش برا اوضته غير علشان يدخل الحمام ، بيقول انا بحمد ربنا علي الفتره اللي سقطتها دي .. لاني فـ خلال الـ 3 سنين قريت اكتر من ١٠٠٠ كتاب ، قريت الادب العالمي كُله !
ولولا اني سقطت ، مكنتش بقيت مُصطفي محمود ، كان زماني دكتور عادي فاتح عياده بسترزق منها ، وعايش مستني اجلي ، لكن ربنا جعلني آخد رست وفتره اتعلم واقرأ واعد فيها نفسي ، والناس بعدها بقوا يلقبوه بانه عقل من عقول الاسلام !
ربنا بيعوض يا جماعه ، "ربنا سُبحانه ماهوش غَرضه ياخد من الواحد وميديش ، ده بياخد بس عشان يعطي ، الحاجه الحلوه اللي متأذيش " !
علي راي احلام مُستغانمي " لعلك فقدت الشخص اللي كنت بتعتبره نجم من نجوم السما .. لأن ربنا كاتب من نصيبك القمر !! "
علي راي احلام مُستغانمي " لعلك فقدت الشخص اللي كنت بتعتبره نجم من نجوم السما .. لأن ربنا كاتب من نصيبك القمر !! "
الشئ اللي انت فاكره كويس وراح ، هتيجي تقول ف يوم الحمد لله ، ده كويس قوي انه راح ، ارضي بمقسومك وتأكد تمامًا ان الخير جاي ، بتفتكر انها ضاقت قوي ، بس بيطلع من قلب المِحنه منحه !
الحسن بن الهيثم مكتشفش علمُه غير وهو مسجون في الضلمه !
الحسن بن الهيثم مكتشفش علمُه غير وهو مسجون في الضلمه !
بتخسر حاجه لأن وقتها ربنا بيدبرلك من نصيبك حاجات أحسن تكسبها ، والله لو عرفت ربنا بيدبرلك اي في علم الغيب ، هتبكي زي العيال الصغيره من شِدة السعاده والفرح ، ربنا كريم .. لما بيعطي بيدهش ويذهل من كُتر عطائه !
ممكن تحس انك قليل وسط الناس ، لكن صدقني ، انت عند الله غالي !♥️
ممكن تحس انك قليل وسط الناس ، لكن صدقني ، انت عند الله غالي !♥️
جاري تحميل الاقتراحات...