رتبها

#لما_تكون_عمرو_برخصة !!
ا----------------------
بقالنا حوالى 8 شهور أو يمكن أكثر شوية .. والمذيع الأشهر فى الوطن العربى ، بــ يطل علينا كل أسبوع ، ويفتح علينا جاعورته .. ويفضل يحزق ويفرك فى مكانه على الكرسى بشكل غريب ..، فــ يديك الإنطباع ، أو يخليك تتأكد ، إن فيه سكريبت معين👇

فى موضوع معين مطلوب منه يؤدى دوره فيه وبالذات بعد ما حصل على الجنسية وأصبح "مزدوج"وهو كدة كدة مزدوج مش محتاج يعنى ياخدها رسمى
لكن فعليا تحس كدة من كلامه وطريقته والدفع بشتى الطرق فى الموضع اللى بيتكلم فيه ده بطريقة وأسلوب يشبه اللامؤاخذة المقدمات النارية بتاعة الخاين معتز مطر👇٢

طب إييه الموضوع اللى المزدوج بــ يدفع فى إتجاهه بشكل قوى كدة !!؟
الباشا جابها على بلاطة بشكل مباشر فى إحدى الحلقات من كام أسبوع لما وجه خطابه للدولة المصرية وهو بيقول "يعنى انت لاعايز ترفع الفايدة !؟ ولاعايز تعوّم !؟ ولا عايز تبيع !؟ .. أومال هتحلها إزاى !!؟؟؟👇٣

تخيل إن الراجل "الع..مرو" ده ، واللى المفروض للأسف إنه محسوب بشكل أو بأخر على إعلام الدولة .. بــ يمارس ضغط إعلامى ممنهج كل أسبوع على الدولة المصرية ، بإستخدام شهرته ، وحجم مشاهداته ، والتمويل الغير متناهى لنشر فيديوهاته من الكفيل بتاعه بشكل ممول على مواقع السوشيال ميديا👇٤

ومش بيفوت حلقة إلا وبيتكلم فى نفس الموضوع على مدار شهور متواصلة ..
🚫 طب ياراجل يا "ع..مرو" .. هو انت مش عارف بجد لييه الدولة بتقاتل بكل إمكانياتها علشان ماتتجهش لمزيد من تقليل قيمة العملة !!؟
🚫 هو انت ياراجل يا "ع..مرو" .. مش عارف لييه الدولة مش عايزة تعمل تخارج من السوق👇٥

بقدر الإمكان ، وتسيب المصريين نهبا لمزيد من إستغلال القطاع الخاص !!؟
🚫 هو انت ياراجل يا "ع..مرو" بجد مش عارف لييه الدولة مش عايزة تتجه لمزيد من رفع الفايدة !!؟؟
🚫 والسؤال الأهم بقى ياراجل يا "ع..مرو" .. هو انت الموضوع حارقك قوى كدة لييه !!؟؟
وواخده على أعصابك أوى كدة لييه👇٦

أقولك لييه !!؟ ...
علشان ده توجه الكفيل بتاعك .. ده اللى عايزه صاحب السبوبة ويمكن ده سبب فتح جاعورتك علينا لما تم نشر موضوع راس الحكمة والكفيل بتاعك طلع برة الليلة كلها وقعدت 40 دقيقة تجعر وعااااااااااا .. وإزاااااى .. ولييه مش بتقولولنا ... ولييه إحنا مانعرفش التفاصييييل👇٧

وبقالك أسبوعين ماواراكش حاجة غير التشكيك فى الخبر .. وتزكية حالة الغضب عند الناس .. والمتاجرة بأوجاع المواطن البسيط
◀️ وبعدين فجأة تلاقيه بيعلق بأسلوب ساخر إستباقا للردود الأفعال لأنه أعلامى شاطر وصايع فتلاقيه بيقولك وكأنه بيغسل إيدييه "طبعا هيطلعوا يقولوا عمرو عايز يبيع لأ👇٨

عمرو مش عايز يبيع .. بس هــ تحلها إزاى !!؟
طب وهو انت ياراجل يا "ع..مرو" مع البيع والتخارج بشكل عام .. وإلا انت عايز حد معين بس هو اللى يشترى !!؟؟ وبرخص التراب !! وطبعا مافيش حاجة بتستخبى وكله منشور فى الإعلام .. وكلنا عارفين الخلاف اللى بين الحكومة المصرية وبين الكفيل بتاعك👇٩

على ضخ إستثمارات كبيرة فى مصر ، ولكن بشرط تخفيض دراماتيكى فى سعر العملة .. علشان الكفيل يخش يشترى برخص التراب !!
📌 ياراجل يا "ع..مرو" .. ده أنت قعدت شهور تروّج لضغوط صندوق النقد بتعويم العملة وتخارج الدولة من السوق بشكل كامل .. ولما طلعت مديرة صندوق النقد👇١٠

بعد إجتماعها مع المجموعة الإقتصادية المصرية وقالت إن شرط تقليل قيمة العملة وتخارج الدولة من السوق لم تعد من أولويات شروط التفاوض ، وإن الصندوق بيدرس زيادة حجم القرض ... طلعت فى البرنامج بتاعك وقولت صندوق النقد بيضحك علينا !!!👇١١

📌 واليوم قعدت حاجة وعشرين دقيقة برضوا تحزق فى موضوع بيع الشركات والمحاصصة .. ومشغل الجاعورة بشكل منفر .. لحد ماخرجت منك بشكل عفوى وإنت بتقول:- البيع واقف لييه !!؟؟ .. ميين اللى مش عايز يمضى !!؟؟ طب تفتكر ميين !؟؟ وبعدين لما حس إنه لغوص بزيادة ، راح متدارك الكلام وقال: 👇١٢

وقال "أصل الموظفين .. والبيروقراطية .. وال .. وال .."
📌 وبعدين راح جايب الناهية بقى ، وهو بيقولك .. مابلاش بقى فكرة المؤامرة الكونية اللى على مصر دى .. هــ يعملوا عليك مؤامرة لييه !!؟؟ ... ماحدش يتمنى إنك تقع .. الناس كلها بتدعمك وتحبك !! ..
يارااااجل !!؟ ...
بجد !!؟ ..👇١٣

إنت رجعت تانى تمارس دورك كعمرو فى الإعلام اللى كان أحد معاول هدم الدولة المصرية فى 2011 .. وترديدك إنت ، ويسرى فودة ، وليليان داوود ، ومحمود سعد ، وغيركم ، إنه مافيش مؤامرة ولاحاجة .. وعااااااااا .. وماتضحكوش علينااااااااا ....
وإن كنت ناسى أفكرك ..
بس أنت مش محتاج تفتكر👇١٤

لإنك عارف كويس إنك "ع..مرو" ومبسوط بكونك "ع..مرو"
◀️ إنت لما كنت فى ال (ORBIT) كنت "ع..مرو"
◀️ ولما البلد وقعت فى 2011 ، طلعت فى القنوات تتاجر وكلنا فاكرين فيديهاتك الشهيرة اللى كنت بتمارس فيها دورك كــ "ع..مرو"
◀️ ولما روحت (ON TV) بتاعت ساويرس .. كمّلت زى ما إنت "ع..مرو"👇١٥

◀️ ولما إتغيرت وبقت (ON-E) .. فضلت "ع..مرو" مع إختلاف الخطاب الإعلامى
◀️ ولما روحت (MBC) مصر إيام محور الرباعى العربى كنت "ع..مرو"
◀️ والنهاردة فى (MBC) مصر بتاعت التطبيع مع الكيان والبيع بقيت "ع..مرو"
◀️ وكل "ع..مرو" وله وقته وله شكله .. حسب صاحب الشغل وصاحب السبوبة👇١٦

وحسب اللى بيدفع الملايين وبيشترى الذمم .. زى ما إنت أكدت فى حوارك على الهواء مباشرة مع الكفيل بتاعك وانت بتجدد العقد فاكر !!؟؟
إلا قوللى صحيح ... هو أخبار التطبيع إييه !؟ .. وأخبار السلع والبضائع اللى بتمر من أرض المملكة وصولا لحيفا إييه .. وأهو منها نعظّم أزمة قناة السويس👇١٧

ونزود الضغط الإقتصادى على مصر .. ومنها نمول الكيان اللى مصر بتستعد للحرب معاه حتى الثمالة ... بس مافيش مؤامرة ولا حاجة :)
طبعا هو طول الوقت زى ماقولنا بيسبّق ويقولك هــ يطلعوا يشتمونى .. هــ يطلعوا يقولوا عليا خاين .. هــ يطلعوا يقولوا عليا مش عارف إييه .. بس أنا مابيهمنيش👇١٨

وهأ هأ هأ .. ودلوقتى هــ يطلعوا يقولوا عليا إخوان .. وهيوخيوخيوخيو .. !!
♨️ و فى دى إنت معاك حق .. وأنا بأكد كلامك ... إنت مش إخوان ولا عمرك كنت ولا هــ تكون إخوان
بس إنت او.خ من الإخوان !!
عارف لييه !!؟
لأن الإخوان من 2012 أصبحوا عدو ظاهر .. وبــ يعلنوا عداوتهم بمنتهى التبجح👇١٩

لكن لما تبقى راجل "ع..مرو" .. ومستخبى جوة معسكر الوطن .. وبتمارس الهدم من الداخل .. يبقى أنت أو.خ من الإخوان !
أومّال انت أخدت الجنسية لييه يا "ع..مرو" !!؟؟
📌 إحنا عارفين إن المقال ده هــ يكون عندك بعد 5 دقايق من نشره لأن المعدين بتوع البرنامج بتاعك لابدين ورصدينا👇٢٠

ومش هــ هنقولك إنت مش بتتكسف من نفسك ، ولا بــ تبص لنفسك فى المرايا إزاى ، ولا كل الكلام الكسكسى على حمصى ده بالنسبالك !!
عارف لييه !!؟
علشان انت راجل "ع..مرو" .. وهــ تفضل طول عمرك "عــ..مرو"
ومافيش "ع..مرو" بيفرق معاه الكلام الوطنى والأخلاقى ده
يا ..... ع م ر و
منقول

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد