الموضوع هذا كله يذكرني بموضوع صار في سنة 1955-1958 بامريكا..
القصة بدأت كلها في نصف 1940 مع بداية دخول المشتقات المالية على البصل الى اسواق شيكاغو المالية. بالتحديد الFutures على "البصل" لاستبدال المشتقات المالية على "الزبدة"
ڤينسينت كوسوا و سام سيقل، قررو يلعبون بسوق البصل بالكامل عن طريق شراء وتخزين لا يقل عن 14 الف طن من البصل في اواخر سنة 1955 ادى الى شح البصل في شيكاغو وارتفاع الطلب و السعر على البصل.
بنفس الوقت كوسوا و سيقل قاعدين يسوون Shorting على اسعار البصل. (اتوقع واضح ايش خطتهم).. السوق فيه شح على البصل، الاسعار صارت خيالية و محد قادر يحصل يلحق يشتري له خيشة بصل.
الكمية هذي من البصل تبداء تخرب مع الوقت في المخزن. وعشان ينجحون بخطتهم، بداء كوسوا و سيقل بتقشير قشور البصل الخارجية ويطلع بشكل كانه جديد ويحطونه بكراتين جديدة ويدخلونه للناس في شيكاغو على اساس زاد الحين كمية البصل…
في هذي اللحظة بداء ينزل سعر البصل من 2.75$ على ال23 كيلو لييين نزل الى 0.1$!! مزارعين ما تحملوا يبيعون على الاسعار النازله هذي (اللي هي بسبب ضخ 14 الف طن من البصل عن طريق كوسوا و سيقل) وكثير من الزارعين خسرو..
بعد طيحة سعر البصل من 2.75$ الى 0.1$ نجحة خطة كوسوا و سيقل في الShorting وطلعوا ملايين من وراها..
طبعاً صادوهم على الحركة بعدين و في سنة 1958 يصدر قرار في امريكا بمنع و ايقاف جميع انواع المشتقات المالية على البصل تحت قانون
"Onion Futures Act"
"Onion Futures Act"
المشتقات المالية ممكن تصير على اي شيء بالعالم. الشيء الوحيد اللي ممنوع الان هو البصل.
جاري تحميل الاقتراحات...