رتبها

عودة الثريدات المثيرة للجدل بالثريد الأكثر طلبًا الى الآن واللى بيجاوب على سؤال "اومال ايه اللى مش مقاطعه -ووش غضبان-"
فى الثريد ده هحطلكم منتجات "مش مقاطعه" وهحاول على اد ما اقدر تكون مصرية علشان نsupport local … وانتوا كمان حطوا فى الريبلايز منتجات مش مقاطعه تعرفوها/بتحبوها..

عايزه اوضح بس الاول..
- ان المنتجات اللى برا المقاطعه كتير اوى انا مش هقولها كلها طبعًا ده هتبقى مجرد اقتراحات بس لبعض المنتجات..
- الثريد ده موجه للناس المقاطعه او انت مش مقاطع اقدر تتجاهل الثريد..
- لو محتاج بديل لمنتج معين سيبه ف الريبلايز 🤍

من اكتر الحجات اللى بفتخر انها مصرية :
جهينة - مزارع دينا - لمار
وانهم عمرهم ما كانوا بديل لانهم احسن بكتير من نظائرهم المقاطعه

منتجات healthy كمان تحفه

يمكن فيه انواع جبنة كتير مقاطعه بس بجد عايزه اقولكم ان "ابو الولد" تستاهل التجربة

حاسه ان دومتى غنية عن التعريف

باندا كمان كويسه اوى جربوها

ولبنيتا … اظن بدائل الالبان اكتر بكتير من الحجات المقاطعه

لو مجربتوش منتجات شركة سايلو، انتوا قاعدين بتعملوا ايه!!
عندهم احسن توست
احسن بسكوت
احسن مكرونه شوفان/ مكرونات عامةً
احسن معمول
وعندهم لبن ونودلز وحجات تانيه كتير

كل منتجات شركة إيديتا احسن بكتير اوى من نظائرها بجد..
ولا مش مقاطعه كنت نزلتلكم مرة الفيديو اللى بيوضح مالكين الأسهم بتاعتها فهى شركة مصرية

العبد

توابل الحاج عرفه..
بديل مرقة الدجاج اللى بجد احسن منها مليون مرة وعندهم توابل تانيه كتير
جربوها وادعولى بجد لانى اعرفها من قبل المقاطعه وحقيقى .. مفيش مقارنة 😭🤍

شيبسى فوكس

شركة Egypt foods ف حتة تانيه بجد!!
تايجر وبيج شيبس وجاجوار وبالانس الحمدلله معانا 😂💕

انا كاتبه جبنة "أبو الولد" من ضمن الحجات اللى مش مقاطعه وكذا حد بعتلى قاللى انها مقاطعه 🤡
فاعتبروها مش موجوده 🤡 ليها بدايل تانيه كويسه انا منزلاها برده ف الثريد يعنى 😃🤍

المشروبات الغازية المش مقاطعه
Green
V7
Big cola
Sinacola

أحلى أيس كريم ف الدنيا Friday 💕

معجون اسنان مش مقاطعه 🤍
الناس اتخانقوا معايا ف الثريد اللى فات وقالولى ان مفيش بدايل لمعجون الاسنان 😡 فيه بدايل اهه 😡

وده معجون اسنان للأطفال كمان 🤍

اوكسى كمان معانا

وباهى كمان

ماية معدنية مش مقاطعه 👌🏻

ودول كمان معانا

انا مش فان اوى لشاى العروسه بصراحه بس شاى الكابوس وربيع حقيقى تحفه!!
والشاى الاخضر من ربيع برده حوار

دريم وكورونا الاتنين عندهم احلى كاكاو ممكن تشربوه بما ان نسكويك مقاطعه..
والشيكولاته الدارك بتاعتهم جودتها عالية جدًا كمان وحقيقى منتجات جودتها مُحترمة جدًا كلها

شيكولاتة ديسباسيتو كلها تحفه خصوصًا الflavors الدارك منها بجدد

بدايل النسكافيه..
كلهم مصرى ماعدا Alicafe ماليزى..
مليش اوى ف مصر كافيه بصراحه بس الباقيين تحفه وعماد افندى وكوفى بريك بشوفهم كتير ف المحلات ف اعتقد متوفرين كويس اوى 🤍

ندخل بقى ع منتجات الskin care والhair care وال body care ودول كلهم فى e-parkville اللى تحتها اكتر من براند زى :
Glamy lab
Starville
Shaan
Clary
Bobai
Seropipe
Strongville
Selengena
Super kids
هتلاقوا ف البراندات ده بدايل لكل حاجه .. لو حابين ارشحلكم منتجات منها ف ثريد تانى ممكن😴

معرفش ليه محدش بيتكلم عن الميكب بتاع لونا!!
ومرطبات الإيد والشفايف عندهم تحفه!!
والمانيكيرات والارواچ والهايلايتر بتاعهم ملهومش منافس بجد!!
ممكن نرشح منهم منتجات ف ثريد تانى يكون خاص بالبنات بس 😘

طيب علشان معظم الديودرانت مقاطعه
ف احسن اتنين براند جربتهم كان كان استارڤيل وكولاجرا..
واستارڤيل فيه منه بدون ريحه وفيه منه البنى الاتنين ينفعوا للرجاله عادى 🫡

ترشيحات الميكب بما ان لوريال ومايبيلين مقاطعه..
ف ريميل لندن عندها products متقلش جودة عنهم ويمكن احسن خصوصًا الماسكرا والكونسيلر

بما ان منتجات جونسون كمان مقاطعه ففيه عندنا بديل مصرى محترم جدًا اسمه blankie وال baby oil بتاعه نفس quality بتاع جونسون بالظبط 👌🏻
وبالنسبه للشامبو ف عندنا براند super kids بتعمل منتجات محترمة جدًا برده 👏🏻

شركة dermactive عندها منتجات بديله لcera ve ولاروش وبجودة محترمة جدًا جدًا عن تجربة وبسعر أفضل بكتير
ف بجد جربوها ومش هتلاحظوا فرق

افضل ٣ انواع pads بديل ل always

مؤخرًا شركة Eva بتنافس وبقوة وعامله كام لاين محترمين وعندها سيروم ال niacinamide احسن من كل نظائره اللى ف السوق بجد

بدايل محترمة جدًا ل bath and body works والتلاته عن تجربة

احسن body lotions و shower gels من براندات مصرية 💕
وحقيقى quality ممتازة وقيمة مقابل سعر وحاسه انى ضيعت وقتى مع bath and body بصراحه يعنى

معرفش ليه براند mood مهدور حقها كده!!
جربوا ال body milk بتاعتهم يا جماعه بجد

فيه شركة مصرية/تركية بتعمل منتجات بإسم today عندهم احلى كيكات وشيكولاتات جربتها من بعد المقاطعه!!
ومتوفرة ف اى سوبر ماركت

غنيين عن التعريف بس مينفعش اتكلم عن المنتجات المصرية ومتكلمش عن بسكاتو

مشروبات غازية مصرية تانيه..
فيه buzz و oasis
ومشروبات الطاقه معرفش غير volt بس ومعرفش حلو ولا لا بصراحه علشان مليش ف مشروبات الطاقه ولا الصودا عامةً ف خدوا الريسك انتوا 😂💔