رتبها

مذكرة مصر والمرافعة
قراءة في خبر المذكرة والمرافعة المصرية و نعرف هو جاي منين و تبعاته إيه.
مش كل الحروب معارك عسكرية و مش كلها بحسابات المكسب والخسارة حاضرة في العلن او نتايجها سهل تتلاحظ!
الحرب طول عمرها احتمال قائم، بس نعرف الاول انهي نوع من الحروب😉
١-تابع
#شيرين_هلال

معروف ان العلاقات بين مصر واسرائيل في اسوء مراحلها بسبب الحرب على غزة ومصر هددت باسقاط اتفاقية كامب دايفيد ورفضت دخول اسرائيل محور فلادلفيا و بالقطع رافضة اي عملية عسكرية في رفح أو حتي إجراء تنسيق أمني مشترك مع إسرائيل،و قالت بشكل صريح إن ضرب رفح يعتبر تهديد لامنها القومي
-٢تابع

يعني المسألة مرشحة فعلا للانفجار والمواجهة، لو أصرت اسرائيل على الاستهتار بالشواغل الامنية المصرية!
ايوة العملية مش هزار و اسرائيل بتخسر حاليا أحد أهم مكتسباتها في المنطقة في ال50سنة اللي فاتوا و هى اتفاقية السلام مع مصر !
مش بس كدة برغم الدعم المادي والعسكرى الكبير
-٣تابع

اللي تلقته من الولايات المتحدة الا انه العلاقات دخلت في منعطف سيء وفي خلاف كبير بين الادارة الامريكية ونتنياهو.
كل دا يرجعنا لنقطة مهمة مين النهاردة اللي على خط المواجهة "المباشرة" مع اسرائيل منذ 7أكتوبر؟
-٤تابع

مين اللي بيقول لاء طول الوقت لطلبات اسرائيل؟
مين اللي بيتكلم لصالح اهل فلسطين و عامل حساب احتياجاتهم الانسانية؟
الاجابة هى مصر
طيب لما اسرائيل مش قادرة تواجه فكرة فشلها في الحرب و سقوط مخططها بالتخلص من اهالي قطاع غزة جميعا و زقهم على مصر تواجهها ازاي؟
-٥تابع

تضغط ازاي و مصر مش مستجيبة للضغوط حتى بعد حصارها الاقتصادي من البحر الاحمر وعرقلة الملاحة اللي ادت لانخفاض ايرادات قناة السويس ل50% - هتعمل ايه امام هذا الخصم العنيد(مصر)؟

كل يوم المواجهة بين مصر واسرائيل بتتصاعد
بداية من المطالبات المصرية المتكررة بوقف العنف
-٦تابع

لحد المصدر المصري رفيع المستوى ما صرح للقاهرة الإخبارية:
مصر تتقدم بالمرافعة أمام محكمة العدل الدولية يوم 21فبراير الجاري
وبيقولك ان مصر هتشارك في الرأي الاستشاري الذي طلبته الجمعية العامة من محكمة العدل الدولية حول الممارسات الإسرائيلية في الأراضي الفلسطينية منذ عام 1967
-٧👇

وافتكر معايا لما مصر ابتدت تاخد حالات الجرحي الفلسطينين ضحايا القصف الاسرائيل و تصريح وزير الصحة المصري د.خالد عبدالغفار، لما قال ان في لجنة طبية مصرية هتقدم تقارير عن استخدام اسرائيل لاسلحة محرمة دوليا وجد اثارها على اجساد المرضى، و اربط التصريح القديم بتصريح اليوم😇
-٨تابع

وامسك كويس اوى في كلمة"الرأي الاستشاري"هتلافي الاتي:
مصر هتعمل مرافعة من كوادر
قضائية
سياسية
جغرافية
تاريخية
فنية متخصصة
وياما في الجراب يا حاوي
انت ناسي ان مصر بنفسها كانت جوا غزة بمشروعاتها في البنية التحتية؟
عارف ان دا معناه انها شاهد عيان وصاحبة يد طولى داخل القطاع ؟
-٩تابع

طبعا الخطوة دي قد يروج المغيبين انها متأخرة
ومجرد تقليد لخطوة جنوب افريقيا اللي سبقتها للمحكمة!!
هو محدش سأل نفسه جنوب افريقيا ممكن تكون لديها إيه من الادلة القانونية والتاريخية ضد اسرائيل وممارستها غير من الاعلام؟
يعني تفرق ايه جنوب افريقيا عن مركز بحث اعلامي؟
عندها جوار؟
-١٠👇

معلش نوضح أمر هام غايب عن كتير من الناس:
جنوب افريقيا يا سادة لحد 1994 كانت بتتنافس هى واسرائيل على مين ياخد اولومبيكيات دورة فصيلة الاستعمار الاستيطاني المنقرضة من العالم و الحقيقية اسرائيل ازاحتها واحتفظت باللقب لنفسها منفردة!
احنا بنتكلم عن 30 سنة بس واخد بالك😳
عيب🤨
-١١تابع

فبحثت جنوب افريقيا عن دور يحقق لها نوع من غسيل الايدي عن المجازر والبلاوى والجرائم التاريخية"القريبة"اللي مارستها في نظام الفصل العنصري اللي اسرائيل غشته منها اساساصح النوم
لقت ايه الموضة ؟
ملفات حقوق الإنسان و أخدت على عاتقها سياسة خارجية مكثفة ترعى حقوق الإنسان في العالم
-١٢👇

لكن مع التركيز الشديد على قضايا القارة الأفريقية!
بس حتى دي ماشية فيها على الكيف والمزاج العالي جدا
يعني زي ما حضراتكم شايفين ميفرقش معاها مجازر السودان ولا الإبادة الجماعية في إثيوبيا ولا يشغلها بال مذابح الكونغو،لكن قلبها الرهيف شاف موضوع فلسطين ميتسكتش عليه إطلاقا مطلقا
-١٣👇

فكانت خطوتها الكريمية إلى محكمة العدل
بس اللي متعرفوش ايها القارئ العزيز ان لكل دولة هدف سياسي ومنطلق لخطواتها خصوصا في القضيةالفلسطينية
يعني الغرب اهم مصالح مع اسرائيل يجروا جري يدوها حق الدفاع الشرعي عن النفس
جنوب افريقيا بقى لها هدف بعييييد وهو مقعد افريقيا الدائم المزمع🤡
-١٤

و لا تخدعنك عزيزي القارئ كل حملات التعاطف المطلوب مع الدول التي قاطعت اسرائيل او اقدمت على خطوات قد تبدو لم بريئة نزيهة لان تصرفاتها وراها تاريخ من التغاضي عن بشاااااعات الاحتلال و محدش ايده في النار زيك- مش هيجيوا اليوم يعملوا اطهار
الاحتلال مبتداش اكتوبر2024
😵‍💫😴Wake-up
-١٥تابع

مصر ميحركهاش الصراخ ولديها من الاوراق ما لا يدركه العدو وزبانيته
والازمة الاقتصادية والعذاب اللي شايفينه وارتفاع الاسعار وتقصير بعض المسؤولين مش هتكون القضية الفلسطينية هى اللي تتلوي بيها دراع مصر،ولا ينفع تزايدوا بيها على دورها التاريخي اللي بيهب في وشكم كلما تم استدعاءه
-١٦تابع

نيجي للسؤال:
وهى اسرائيل قلقانةمن المحاكمة او المسائلة الدولية ليه؟
اقولك ان اسرائيل برغم سلوكها البلطجي مع دول العالم وممكن تضرب عمدة امريكا بالقفا عادي جدا وحاليا بتحلب امريكا كما تُحلب البقرة الحلوب الا انك ناسي ان لها تجربة قضائية شهيرة ومريرة برضو أمام مصر في قضية طابا
-١٧👇

يعني الامر ليس نزهة كما تتصورون ياسادة
صحيح دا كان"لجنة تحكيم"والان احنا في "محكمة العدل"يعني عنصر الالزام مختلف قانونا،بس مش موضوعنا لكن موضوعنا إن الطرف اللي هيقدم دفوع ومستندات ضد اسرائيل شرس ومن الاخر عنده اللي مش عند حد،من اول كاميرات المعبر"واخد بالك يا محامي بني صهيون"
-١٨

لحد التهجير واللي كان بيحصل في المستوطنات من 1967 لحد النهاردة!! مصر معاها الصندوق الاسود يا بيبي!
لكن خلونا نوضح الموضوع بادئ من إمتي:
في 2022طلبت الجمعية العامة للأمم المتحدة من المحكمة إصدار رأي إستشاري غير ملزم يخص وضع الإحتلال.
-١٩تابع

من بين الدول اللي قررت في جلسات الاستماع :
الولايات المتحدة الأمريكية
الصين
روسيا
وجنوب أفريقيا
مصر
إسرائيل هتبعت تقارير نصية لكن مش هتحضر الجلسات و دا المعلن من جانبها لحد دلوقتي!
وجلسات الاستماع دي جزء من حملة فلسطينية (تحت إشراف مصر)بس إنتوا عارفين مبنقولش على النت عشان سر
-٢٠

لدفع المؤسسات القانون الدولي من قبل 7 أكتوبر، للتضامن مع قضية فلسطين، لكنها أصبحت أكثر إلحاحا بعد الحرب.
يا ريت نتذكر كلمة وزير الخارجية سامح شكري لما قال "الصراع لم يبدأ من7 أكتوبر"
جلسة الاستماع هتكون بخصوص المذكرة المفصلة اللي هتقدمها مصر في 21 فبرايرمع المرافعة الشفوية
-٢١👇

هتتعرض لوضع الاحتلال في الاراضي من 1967 على السبحة لحد 2024 ما يوازي كدة جالك الموت يا تارك الصلاة- جلسة الاستماع دي هتكون في محكمة العدل الدولية بلاهاي في هولندا،أعلى محكمة في الامم المتحدة ،
الفكرة إنها هتناقش"
مضطلع مهم جدا (قانونا) وارجو الالتفات اليه
"شرعية الاحتلال"
-٢٢👇

ودا أمر جدا خطير لأن معنى كدة التباحث هينتقل للتبعات القانونية الناتجة من ممارسات اسرائيل في الأراضي المحتلة كيلاتها على رأي الصعايدة، بما فيها يا سادة "القدس الشرقية" 😇اللي الغرب كان بيجري يتخذ فيها سفارات وقنصليات تابعة له على أساس إنها تتبع إسرائيل-
-٢٣تابع

الكلام دا هيرجع ال15 قاضي بتوع طلب جنوب أفريقيا تاني للإستماع بس مش لأحداث 7 أكتوبر لوحدها؟
لا دول هيسمعوا الرعد في ودانهم من أول ما قالوا يا كيبوتس لحد ما نتنياهو عمل ممر آمن في شمال رفح بدل ما كان عايز يزنقهم في رفح و مصر تاخدهم سيناء!!

يعني حضرات القضاه هياخدوا جرعة مكثفة من الصراع الاسرائيلي – الفلسطيني (جلسات غامقة مجربنها في المحاضرات يا بيه)
ستة ايام من العذاب المتواصل في سماع ابادات جماعية برعاية دولية على مدار 75 سنة
مش تقولي هجوم 7أكتوبر دا "عصفر" على راي عبدالعال👻🤡
مصر محضرة وليمة عامرة

الوفد المصري يتكون من
السفير حاتم كمال الدين السفير المصري في هولندا.
ياسمين موسى المستشارة القانونية بمكتب وزير الخارجية.
وأعضاء سفارة مصر في لاهاي وهم: سكرتير أول شريف عبدالعزيز، وسكرتير أول ماريهام يوسف، وسكرتير ثان محمد سمير سالم.
-٢٦تابع

بيشارك في الجلسات 52دولة ، العدد دا لوحده تاريخي، لكن أنهي دولة فيهم عندها التفاصيل التاريخية و مشاهدة ومعايشة زي مصر؟
وبحكم لوائح القانون مش هيسمح لأي دولة بالمرافعة غير اللي مدرج إسمهم و يمكن فقط حضور جلسة الاستماع. هتستمر جلسات الاستماع 6 أيام
-٢٧

بدأت بوزير خارجية فلسطين رياض المالكي بصفته مندوب فلسطين، ومن بعده باقي ال51 دولة ومعاهم الاتحاد الافريقي وجامعة الدول العربية ومنظمة العالم الاسلامي.
وبالترتيب :
وتشهد الجلسة قبل مرافعة مصر مرافعات كولومبيا وجزر القمر وكوبا، وبعدها الإمارات وأمريكا وروسيا وفرنسا وجامبيا
-٢٨تابع

ثم جويانا والمجر.
واليوم الثلاثاء ٢٠فبراير تستمع المحكمة إلى كل من: جنوب أفريقيا، الجزائر، السعودية، هولندا، بنجلاديش، بلجيكا، بيليز، بوليفيا، البرازيل، كندا، تشيلي.
وتستمع يوم الخميس ٢٢ فبراير إلى كل من: الصين، إيران، العراق، أيرلندا، اليابان، الأردن، الكويت، لبنان، ليبيا،
-٢٩👇

لكسمبورج، ماليزيا، موريشيوس.
وتستمع يوم الجمعة 23 فبراير إلى: ناميبيا، النرويج، عمان، باكستان، إندونيسيا، قطر، بريطانيا، سلوفينيا، السودان، سويسرا، سوريا، تونس.
وتستمع يوم الاثنين 26 فبراير إلى: تركيا، زامبيا، جامعة الدول العربية، منظمة التعاون الإسلامي، الاتحاد الأفريقي،
-٣٠تابع

إسبانيا،المالديف
بيقول تقرير من الجارديان ان في حالة صدور القرار بالإدانة–رغم عدم تأثيره ونفوذه- ضدإسرائيل هيكون له عواقب سياسية واقتصادية وقانونية كبيرة،وإذا نحينا امتثال إسرائيل او لا لأمر المحكمة لتغيير تكتيكاتها،فالضرر اللي هيلحق بسمعة إسرائيل وحليفتها عالميا هيكون فادح
-٣١

مش بس كدة إدانة اسرائيل في محكمة العدل هيخليها تنتقل من التقاضي على قضايا سياسية إلى جريمة إبادة جماعية تمكن دائرة تقاضي دولية "أكثر شراسة وإلزام" من رقبة مسؤولين سياسيين و عسكريين إسرائيلين في "المحكمة الجنائية الدولية" زي ما اتحاكم في السابق رؤوساء وقادة عسكريين
-٣٢تابع

منهم رئيس صربيا السابق
سلوبودان ميلوسوفيتش والرئيس السابق عمر البشير في السودان، و دي سابقة هتكون مشينة لمكانة اسرائيل و سمعتها لانها زي ما انتو عارفين طبعا كتكوتة السلام وحمامة المودة والوئام على الكوكب!
طبعا انت فاكرني بتكلم في اشياء غير ملموسة في الفضاء الدولي:
-٣٣تابع

لا يا عزيزي ترجمته خراب مستعجل على الشأن الاقتصادي والعسكري والامنى والاجتماعي الاسرائيلي بشكل مباشر فهمي رسمي نظمي وفتحي والريس متقال لو تحب اغنيهالك موال!
وخد نبذة صغيرة:
موديز خفضت النهاردة تقييم إسرائيل الإئتماني ونظرة مستقبلية سلبية ونوهت إلى إنها في طريقها لتخفيض تاني
-٣٤👇

في حال تدهور الوضع الامني والجيوسياسي والاقتصادي و التخفيض دا جاي بعد ال14 مليار معونة أمريكية للحرب-يعني من غير المعونة كان التخفيض بان على حقيقته!
دا غير تخفيض تقييم أكبر 5 بنوك إسرائيلية وهما
-هبوعليم
-لينومي
-ديسكونت
-ميزراحي
-هبنلينوي
-٣٥تابع

واقتصاد إسرائيل انكمش كليا بالمقارنة مع الربع الاول من السنة اللي فاتت بنسبة 19.4% و في شوية أرقام مفزعةللداخل الاسرائيلي بيشهدها لأول مرة ، و مرشحة كمان للانفجار💃🤳💅
جايز ميكونش الكلام دا له معنى ملموس عند ناس كتير، لكن في الواقع له دلالة كبيرة:
-٣٦تابع

بتعتبر تعتبر جريمة الابادة الجماعية في القانون الدولي جريمةالجرائم. وزي ما قالت الاندبندنت تم اخطار "ووصم" اسرائيل بالجريمة "وصل الإخطار الى أبيب عشية اليوم العالمي لذكرى الهولوكوست" تلطيش و تلطيخ لسمعة إسرائيل ووجودها اللي قام بالاساس على جريمة من هذا النوع
-٣٧تابع

واصبح كل مسؤول إسرائيلي مطلوب منه كل ما يظهر للعلن او يحضر اجتماع مع نظير له من دولة تانية، يدافع عن بلاده ويحاول "يحسس ويعتذر" لنفي التهمة البشعة بعد ما كانوا سادة العالم ودولة العدل الوليدة
ودا عمل ازمات دبلوماسية كبيرة لاسرائيل واحراج دولي لم تتعرض له من قبل😻
-٣٨تابع

دا غير ان الاتهام المرة دي مش جاي من فصيل إسلامي متطرف أو من سياسي غربي معادي للسامية، لكن من أعلى محكمة في المجتمع الدولي، بعد مذابح ومجازر على مرأي و مسمع من الكل، دا غير انه صدر بناء على إجراءات رصينة ومدروسة، واستند إلى أدلة ذات صلة، وعليه، لا يمكن الاستخفاف به!
-٣٩تابع

احنا بنتكلم قانون يا سيدي ملناش دعوة بالممارسة الواقعية نوهائي- أوكى عشان بس العشم مياخدناش لابعد من كدة!
جايبة لك معايا لفة صغيرة في الاعلام أولها مخاوف الاعلام الاسرائيلي من دخول مصر على خط التقاضي!!
شكلك مُرعب يا مصري و لا انتاش داري!!
-٤٠تابع

طيب خليني اقولك ان اسرائيل من الداخل بتغلي بسبب المحاكمة لان المواطن الاسرائيلي الكيوت اللي اتربي على الامان 50سنة وهو عارف ان اللي بيخوفه والمنتصر عليه الوحيد في المنطقة ماضي معاه معاهدة سلام والفلسطينيين اللي هما مش بيعتبروهم اصحاب ارض ولا حاجة-يقتلهم براحته وبلده تتحاكم
-٤١👇

فه مش فاهم ليه لانه في السابق اللي هو من يجيي 3 شهور يعني، كل دول العالم منحته حق "الدفاع الشرعي عن النفس"، وواقفين يتفرجوا على الجيش الاسرائيلي و هو بيقتل الفلسطينيين بأسلحة محرمة دوليا - فالنهاردة مصر بتهدده بالانسحاب من الاتفاقية ومن المحتمل يدخل معاها حرب
-٤٢تابع

والحرب للمواطن الاسرائيلي يا عزيزي رعب بجد لانه هيتاخد من ورشته مكتبه محله مدرسته مصنعه مطعمه من الدار للنار
ورصدت الصحافة الاتهامات المتبادلة داخل إسرائيل بعد ما اتهم ألون بينكاس الدبلوماسي الإسرائيلي السابق تصريحات عدد من الوزراء الإسرائيليين أثناء الحرب على غزة، كورقة
-٤٣تابع

يمكن استخدامها لإدانة إسرائيل في محكمة العدل الدوليةووصف التصريحات بـ"الغبية والمتهورة"
وأعلنت إسرائيل حالة الطوارئ الدبلوماسيةوالقانونية والعقليةللرد على الدعوات القانونية ودي حالة بتتعرض لها الدولة العبرية لأول مرة والخوف والرعب من صدور قرار ادانة من محكمةدولية له ما بعده
-٤٤👇

ردود أفعال العالم على التحرك القانوني الدؤوب حاليا ورا إسرائيل وخصوصا تحرك مصر أثار اهتمام الصحف العالمية وكبار كتابها زي البريطاني ديفيد هيرست اللي شاور على ميزتين في موقف محكمة العدل الدولية:
اولا الطلب يتعلق بإبادة جماعية تحدث في الوقت الحالي،
-٤٥تابع

والتملص هيكون له عواقب وخيمة على مصداقية النطام الدولي ومؤسساته في وقت بيعاني فيه العالم من مسرح دولي مضطرب.
ثانيا مفيش دولة بتجتهد لنزع الشرعية عن إسرائيل أكتر من اسرائيل نفسها.
واستشهد بمقال جيورا آيلاند، الرئيس السابق لمجلس الأمن القومي الإسرائيلي ومستشار الحكومة
-٤٦تابع

واللي اعترف فيه باخطاء المسؤولين الاسرائيلين الكارثية وتم استغلالها قانونا في المحكمة في مرافعة جنوب افريقيا و منهم : «بدأت إسرائيل في اجراءات حرب – لقد قطعنا إمدادات الطاقة والمياه والديزل عن القطاع … لكن هذا ليس كافيا. ومن أجل جعل الحصار فعالا
-٤٧تابع

علينا أن نمنع الآخرين من تقديم المساعدةلغزة.يجب أن يقال للشعب إن أمامه خيارين؛البقاء والجوع،أو المغادرة"
واخدبالك من المغادرة-هما لا بيحاربوا حماس ولا عايزين آسرى،الحكاية كلها في الأرض والتهجير، عايزين يفضوا قطاع غرة،ودي تهمة لوحدها غير تهمة الإبادةالجماعية تهمة التهجيرالقسري
-٤٨

وختاما
بالخطوة دى مصر دخلت فى مستوى تانى من المواجهة مع اسرائيل وحلفائها خطوة مدروسة كويس جدا من الدبلوماسية القانونية المصرية ، خطوة مش هنشوف فيها تهليل الناس اللى هللت لجنوب أفريقيا لما رفعت قضية شبيهة أمام المحكمة للتحقيق في الانتهاكات اللي حصلت من وقت 7أكتوبر بس
-٤٩تابع

فى حين أن المذكرة المصرية بتطلب من المحكمة إدانة اسرائيل على كل الإجراءات والافعال اللى عملتها من 75 سنة النهاردة!
مصر بعد مشاركتها في المفاوضات و(كل الأطراف بتتآمر عليها)
وبعد ما تعبت في تسخير إمكانياتها لدخول المساعدات
واتحملت تشكيك في موقفها
-٥٠تابع

بتقول للعالم ومن أكبر منبر قانونى دولى
أن اسرائيل دولة احتلال إستيطاني عنصرى وكيان مخالف لكل قواعد القانون الدولى
ازاي بعد كل المواجهات العنيفة والشريفة من جانب مصر بنشوف لسة ناس عندها استعداد للتشكيك في نوايا الادارةالمصرية ومتصورين ان حبة اشاعات ممكن تحدث تحول في موقف البلد
-٥١

مفيش تهجير و مفيش دخول لارض مصر تحت اي مسمى دا وضع مفروغ منه و السؤال او التشكيك فيه يعد نوع من الرغبة في الحكي الفارغ!!
الاتهامات بنزاهة مصر في التعامل مع القضية الفلسطينية بيخدم طرف واحد بس وهو اسرائيل و خدامها سواء كانوا فصائل تهوى الدم و تعمل على خسارة الفلسطينيين ارضهم
-٥٢👇

ولا تعبأ الا بمصالح الشعب الاعزل او من القوى الغربية اللي ميهماش الا أمن اسرائيل.
وكلنا بنشوف ازاي في ناس متعاطفة مع الحوثي وشايفاه بطل ما هما نفس الناس اللي شايفة حماس مقاومة!
نفس الناس اللي بتزعق افتح المعبر واضرب اسرائيل
-٥٣تابع

نفس الناس شايفةموقف مصر متخاذل،نفس اصحاب الوعي المزيف مصر بالنسبة لهم مشاع وخسارتها اقتصاديا واجب-طنشهم🙉🙈🙊
وشوف المرافعةالمصرية مباشر،وافتخر بإمكانيات مؤسساتنا العظيمة،العمرانةبالكوادر المشرفة،وكون شاهد على فصل جديد من النزاهةبتكتبه ايدين ولادمصر في سجلات التاريخ
#شيرين_هلال🇪🇬

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد