ثريد: اتصالات الشمس و اورانوس في الخريطة التوافقية ☀ ⚡
📍ينطبق على الأشخاص اللي بينهم (الاقتران/التربيع/المعاكسة) وبنسبة أقل علي الأشخاص اللي بينهم (تثليث/تسديس/عدم اقتران)
#الخريطة_التوافقية #وندرلست #أبراج
📍ينطبق على الأشخاص اللي بينهم (الاقتران/التربيع/المعاكسة) وبنسبة أقل علي الأشخاص اللي بينهم (تثليث/تسديس/عدم اقتران)
#الخريطة_التوافقية #وندرلست #أبراج
٢. تاني حاجة معروفة وصح عن اتصالات اورانوس انها بتخلق عنصر on/off في العلاقة وعدم استقرار خاصًة لما يكون الاتصال بين اورانوس والشمس/القمر او الطالع في الحالة دي بنعرف ان العلاقة متكهربة ومعرضة لتقلبات كتير وعادًة الشخص اللي بيكون مصدر التقلب او الاقل استقرارًا هو الغالي "اورانوس"
٣. لازم تعرف عزيزي القارئ ان نجاح اتصالات اورانوس والشمس محتاجة اشخاص مستقلة ومرنة او بالبلدي شخص غير متطلب عاطفيًا فلو انت شخص رومانسي/ حساس وبتميل للعلاقات المستقرة المتوقعة تأكد أن العلاقة دي مش ليك وان الشخص ده مش هيتغير ولا هيريحك فمن الأول وقع سقف توقعاتك.
٤. بمزيج مماثل يصعب على الشخصين دول عدم ملاحظة بعض احنا بنتكلم عن الشمس يعني نجومية، تألق، استقلال ف اورانوس حرفيًا بينبهر بشخصية وكاريزما الشمس وفي المقابل الشمس بتعشق فردية واختلاف اورانوس وفكرة انه مش شبه حد. فأحنا قصاد شخصين من أول لحظة واقعين في غرام وعندهم حماس للعلاقة.
٥. عادًة هتلاحظ ان الطرف اورانوس بيشعر بدرجة كبيرة من الدفء والثقة والتقبل من الطرف الشمس وكأن الشمس بتحضن اورانوس لحد ما يحس بالدفا ويطمئن وده شعور جديد تمامًا علي اورانوس اللي دايمًا لوحده ومش حاسس ان في حد شبهه ف الطرف الشمس بيمنح اورانوس فرصة انه يحس بطعم الدنيا وحلاوتها.
٦. واورانوس عاشق للتجربة والتغيير ففي بداية العلاقة بينبهر بكم الطاقة والثقة والراحة اللي بيحسها مع الشمس وده اوقات كتير بيدفع الطرف اورانوس انه يطور العلاقة بسرعة فتلاقيه متحمس انه يجرب ويعمل ويعيش لحظات جديدة مع الطرف الشمس وبيبقي في شعور بأنهم مخلوقين لبعض. اورانوس بيجدد الشمس
٧. في المقابل الطرف الشمس عادًة بيتأثر بنسبة اكبر في الاتصال ده وبيحس لأول مرة انه يقدر يكون علي طبيعته، انه يقدر يعمل ويقول اي حاجة من غير قيود او ضغوط او انتقادات بيحس ان مش مطلوب منه يكون جامد او يثبت انه جامد خاصًة لو الشمس وضعها صعب في الخريطة هيلاقي نفسه أكتر مع اورانوس.
📍معلومة جانبية: عادًة الإتصالات دي بتكون ظاهرة في الخرائط التوافقية بين الملوك/الملكات او حتي الحكام اللي بينجذبوا لأشخاص خارج العائلة المالكة او من طبقة مختلفة عنهم او من عامة الشعب وعشان كده اغلب العلاقات دي مش بتكمل 🤣 او بتعمل ضجة وبعدين شكرًا. المهم نرجع لموضوعنا..
٨. الجانب الايجابي لإتصالات الشمس واورانوس انها بتخلق فرصة للطرفين انهم يكتشفوا نفسهم من اول وجديد لأن كل شخص جاي من محيط وتجارب مختلفة عن التاني فكل واحد بيدوق طعم ونكهة مختلف وده بيزيد من شعورهم بالانجذاب. بجانب ان الطرفين بيشجعوا بعض علي التجديد والتغيير والتحرر من مخاوفهم.
٩. وعشان كده الاتنين دول مع بعض هيجربوا ويحسوا بحاجات عمرهم ما حسوا بيها او هيحسوا بيها مع أشخاص تانية لازم هيكون في تجارب او مواقف بينهم هتميز العلاقة دي عن غيرها والمضحك ان اوقات العلاقة دي بتبدأ بشكل مفاجأ او في توقيت محدش مخطط ليه للحب او لدخول علاقة. زي صدفة بس صدفة مجنونة!
١٠. العلاقة دي بتفضل ضحك وهزار وكياته طول ما الطرف الشمس مش بيبحث عن الاستقرار او بيطالب الطرف اورانوس بحاجة لكن بمجرد ما الشمس يبدأ يقول لاورانوس "هنتجوز امتي/هنستقر امتي" بتحبني قد ايه 🤣 بيبدأ الجنان كله يظهر وبالتحديد من اورانوس.
١١. وده لأن الشمس كوكب مرتبط بالكرامة والكبرياء ال ego يعني. فبعد فترة لما الطرف الشمس يلاقي اورانوس ممشى العلاقة علي مزاجه او بقواعده بيتجرح وبيحس بعدم تقدير وعدم جدية من الطرف اورانوس وفي المقابل اورانوس بيضيق خلقه وبيحس ان الشمس عايزة تقيده او تمشيه علي كيفها يا بلاش.
١٢. وده أول تحدي بيواجه الاتنين دول ان الطرف الشمس شايف ان الحب "التزام" بينما الطرف اورانوس شايف ان الحب "حرية" ف تصرفات "اورانوس" بتجرح كبرياء الشمس وتصرفات "الشمس" بتحسس اورانوس بالقيود والتسلط او العناد ومن هنا بتبدأ العلاقة تفقد استقرارها واتزانها بسهولة وتتحول ل on/off.
١٣. وبالتبعية هتجد ان الطرف اورانوس بيبدأ يهرب، يبعد، يعمل seen ومايردش او يرد بعدها بأسبوع يبقي on/off ويظهر بمزاجه بينما الطرف الشمس في المقابل عنده كرامة ف بيتمسك بمبادئه وكبريائه ويرفض انه يتغير او انه يفضل يبادر ومن هنا بيبدأ العناد بينهم خاصًة في اتصالات التربيع والمعاكسة.
١٤. ولذلك قولت ان مرونة كل طرف واستقلاله مهم لأن لو في طرف منهم حساس/ عنيد/ رومانسي شوية او جاد بطبعه ومش بيحب وجع الدماغ وهدفه استقرار مش هيعرف يكمل او يتكيف في علاقة مماثلة وهيحس انه مجهود كبير عليه وان حياته خربت او اتشقلبت بسبب علاقته بالشخص الاخر والتاني في مايه البطيخ.
١٥. ودي نقطة تانية في اتصالات الشمس واورانوس بين الشخصين انهم سهل يشقلبوا حياة بعض سواء في إطار إيجابي أو سلبي. فممكن شخص يظهر في حياة التاني في مرحلة هو فيها بينتقل لبلد اخر او بيفكر يسافر او بيعزل وفي حالة تغيير او عدم استقرار واستعداد للارتباط او الاستقرار.
١٦. وعادًة الطرف اورانوس هو اللي بيكون مش مستعد او مش عامل حسابه لفكرة انه ممكن يقابل حد ويحبه ويستقر فلما بيقابل الشمس بعد فترة بيخاف خاصًة لما مشاعره تتطور والشمس تاخد العلاقة بجدية لإنه بيحس انه مهما عمل مش هيعرف يكون عند "حسن توقعات" الشمس خاصًة لو الطرف الشمس هي "الست"
📍معلومة إضافية علي السريع: اوقات دي بتكون دلالة على فرق اجتماعي "طبقي/مادي" بين الشخصين يعني شخص من طبقة غنية مثلاً والتاني من طبقة اقل، فده بيخلق تخوف وشعور اني مش هقدر اوصل لمستواك او انك هترفضني لإني أقل او من طبقة وبيئة مختلفة عنك.
١٧. واللي بيكسر العلاقة دي ان في أكثر الأوقات اللي الطرف الشمس محتاج فيها إشارة او علامة او حضور لاورانوس هي اكتر الأوقات اللي الطرف اورانوس بيختفي فيها او مش بيقدر يكون موجود. ففي الوقت اللي الشمس بتحتاج فيه اورانوس معاها، اورانوس مش بيبقي موجود لسبب ما فعنصر الثقة بينهم بيتدمر.
١٨. ولكن طبعًا ده وضع استثنائي متوقف علي وضع الخريطة بالكامل ومش هينطبق علي الجميع لأن دي اوقات كتير بتكون دلالة علي انشغال الطرفين. ففي الوقت اللي شخص فيهم فاضي ومتاح التاني مشغول أو مسافر او في الشغل او واحد عايز يستقر والتاني عايز يتنقل وبشوية تعاون مع مرونة أمورهم بتظبط عادي.
١٩. بالإضافة الي ذلك احيانًا دي بتكون دلالة علي long distance او علاقة من على بعد او فيها تباعد لفترات فممكن شخص فيهم من بلد او مدينة مختلفة عن التاني او شخص شغله مرتبط بالسفر والغياب لفترات وبعدين ينزل اجازات. ففي احتمالات لانهائية في الحالة دي هتتوقف علي وضع الخريطة بالكامل.
٢٠. واللي عايز يفهم أكتر طبيعة اتصالات الشمس واورانوس في الخريطة التوافقية يتفرج على فيلم yeh jawaani hai deewani بتاع رانبير وديبيكا وبالتحديد علاقتهم ببعض في الفيلم ده نموذج مثالي لفهم طبيعة الطاقة، هو عايز يطير ويخليها تغامر وتجدد وهي عايزة تعلمه يستمتع باللحظة ويستمتع بيها:
٢١. رانبير بيمثل طاقة "اورانوس" الشخص اللي عايز يجرب ويشوف كل حاجة، هدفه انه يسافر العالم، مش بيحب يخضع لقواعد المجتمع، منجذب للحرية والاستقلال ومهتم بالتجارب الإنسانية بينما ديبيكا بتمثل طاقة "الشمس" البنت الناجحة دراسيًا، اللي نشأت في أسرة ليها مكانة ومهتمة بنجاحها الاجتماعي.
٢٢. وعلاقة ديبيكا ورانبير في الفيلم ده بتمثل افضل نموذج لطاقة اتصالات الشمس واورانوس بين اي شخصين لأن هما الاتنين تقبلوا اختلافات واحتياجات بعض في النهاية بمنتهي المرونة واختاروا بعض بعد ما كل واحد بعد ومنح التاني فرصة انه يبعد ويجرب ويتغير ومش هحرق الفيلم بس فعلاً ارشحه بقوة.
🌟 كالعادة دي نبذة بسيطة عن طبيعة اتصالات الشمس واورانوس في الخريطة التوافقية وبالتبعية صعب تحكم علي علاقة كاملة فقط من اتصال واحد فدايمًا حاول تكون مرن عزيزي القارئ وتكيف اي معلومة بطريقة تناسب وضعك لأن بالتأكيد الكلام ده صعب ينطبق علي الجميع بشكل حرفي فلا داعي للقلق.
🦌 واخر حاجة أحب اضيفها:
مش لازم تلحق كل حاجة، مش لازم تستعجل، مش لازم تحسس نفسك ان ناقصك حاجة وان في حاجات كتير هتضيع منك لأن لازم هتقع منك حاجات مش بمزاجك واعرف ان اوقات عدم اخذ اي فعل هو فعل في حد ذاته ف استمتعوا بالشوية اللي هنعيشهم يا ولاد وللأبد بحبكم أبطالي 🦄 💜
مش لازم تلحق كل حاجة، مش لازم تستعجل، مش لازم تحسس نفسك ان ناقصك حاجة وان في حاجات كتير هتضيع منك لأن لازم هتقع منك حاجات مش بمزاجك واعرف ان اوقات عدم اخذ اي فعل هو فعل في حد ذاته ف استمتعوا بالشوية اللي هنعيشهم يا ولاد وللأبد بحبكم أبطالي 🦄 💜
جاري تحميل الاقتراحات...