رتبها

صباح الخير
هو ناس كتير اتكلمت عن الموضوع دا منهم انا زمان بس ادركت ان معظم الناس مش مدركة حجم الكارثة تقريبا ف يعني
هعمل ثريد تحت عنوان "ليه العاصمة الادارية هي اوسخ مشروع واكبر كارثة في التاريخ المصري"
هحاول اتكلم بالارقام بعيدا عن اي اراء شخصية
بسم الله

هتكلم عنها في 3 نقط
1- موقعها
2- تكاليفها
3- تصميمها
مترتبين حسب الكارثية، يعني نقطة 2 كارثية اكتر من نقطة 1 وهكذا
بسم الله

موقع العاصمة ياخد جايزة اغبى فكرة خطرت على بال رئيس جمهورية مصري اخر 72 سنة بامتياز
حرفيا فيه 30 الف كيلومتر مساحات فارغة من الصحرا شمال القاهرة الجديدة والتجمع بدون حساب صحراء مطار القاهرة
جنوب التجمع بقا فيه 92 الف كيلومتر مساحات فاضية بس للحق فيها نسبة هضاب وجبال

ما حوالين مسجد المشير طنطاوي لوحده بتاع 16 الف كيلومتر صحرا (جنوب مدينة نصر)*
* الستاتس دي من جوجل ايرث تقدر تحسب مساحات الصحاري دي بنفسك بس الموضوع هياخد وقت شوية

الخلاصة؟ نص القاهرة صحراء فارغة ودا راح يبني مدينة بينها وبين القاهرة مسيرة يوم كامل مشي بدل ما يتوسع في المناطق دي، اهدار بشع للبنزين والمعدات والفلوس، متخيل تكلفة نقل اطنان الحديد دي بس من هنا لهناك؟ مجرد تكلفة النقل بعيدا عن كل حاجة تانية اهدار مال بشكل بشع

تاني نقطة بالنسبة للموقع هي نقل مركزية العاصمة، العادي بتاع اي حد في الصعيد انه لو رايح العاصمة هيركب قطر او باص هيمشي في خط شبه مستقيم ممكن يمتد لحد ميدان التحرير او محطة رمسيس في العاصمة، دي مبقتش الحالة حاليا
هل دا في حد ذاته مشكلة؟ لا عادي مفيش مشكلة بس المشكلة في غباء النقل

وسائل المواصلات للعاصمة الجديدة كلها غير عملية وبتمر بالصحرا الواسعة، اي حد شغال هناك يقدر يأكد ان المشوار عذاب ملوش معنى ولا قيمة ولا اي ابن متناكة، مجرد عذاب كان يمكن تجنبه كمان، مش عذاب فرضته علينا التضاريس خالص، معاناة مصطنعة وكأن حياتنا خالية منها مثلا فقرروا يخلونا نعاني

كفاية كلام عن الموقع
نتكلم عن التكاليف؟ نتكلم عن التكاليف
اول حاجة تكاليف انشاء العاصمة اساسا برا الميزانية بتاعت الدولة، الميزانية اللي هي لم يتم اعلانها من سنين وفيه علامات استفهام كبيرة عنها وعن ان فيه فلوس كتير تبع الميزانية بتختفي وبتتسرق ومحدش عارف الملايين دي بتروح فين

اهو عاصمة بهذا الحجم وبالتكاليف دي برا حسبة الميزانية
حوالي 60 مليار دولار، 60 مليار دولار دا مبلغ كافي لانشاء دولة صغيرة من اللاشيء بدون مبالغة
ودي مش قيمة قروض مصر، دي قيمة القروض اللي اتاخدت للعاصمة لوحدها، بعيدا عن العلمين الجديدة والمدن التانية والقصور التانية واي حاجة تاني

مثال عن التكاليف
السارية الاعلى بارتفاع 207 متر، مفيش ولا معلومة مؤكدة عن تكلفتها بس تكلفة سارية شبهها اتعملت في 2011 كانت 4 مليون و600 الف دولار بارتفاع 176 متر في مركز شباب في الزمالك
عارفين المشكلة؟ السارية اتفككت والحديد اتباع خردة ساعتها

السارية اتعملت في 2011 وتم اهمالها ونزع العلم عشان كان بدأ يتقطع ومنظره بقا وحش واتحولت لبرج اتصالات وبعدين اتفككت واتباعت خردة لانها كانت مشوهة المنظر العام، اتباع الحديد بتاعها بحوالي مليون جنيه وقتها
ماعلينا يعني هي المشكلة مش في هل السارية هتعيش كتير ولا هتتفكك وتتباع خردة

نقدر نعتبر السارية الجديدة ب5 مليون دولار مثلا
يعني فيه 250 الف دولار فوايد عليها، مين هيسددهم؟ الله اعلم، مين هيسدد ال5 مليون الاساسيين اصلا؟ الله اعلم
سواء السارية عاشت معانا عمر طويل ولا طلعت فاشلة زي اختها اللي في الزمالك في الحالتين هي غباء ملوش معنى

المهم نتكلم عن التصميم بسرعة ومن ضمن كلامنا عن التصميم هنكمل كلام عن التكاليف
تصميم العاصمة الادارية ياخد جايزة اوسخ واغبى فكرة جات على بال كائن بشري منذ خليقة البشر اساسا وهقول ليه دلوقتي 😆

التصميم ينقسم الى جزئين
تصميم المبنى نفسه، مثلا المبنى الفلاني مصنوع من المادة الفلانية او بالمواصفات المعينة، الخ
تصميم/تخطيط عمراني للمدينة ككل، مثلا الشوارع وتوزيعة المباني واماكن الخدمات
والاتنين زي الخرا في المدينة دي

اول حاجة تصميم المباني نفسها، ناخد كمثال البرج الايقوني
الشيء دا اغبى ما صنع الانسان المصري بامتياز
اول حاجة مفيش سبب منطقي يخليك تبني ناطحة سحاب هنا لان معندكش مشكلة في المساحة، اماكن زي هونغ كونغ ومانهاتن بتبني ابراج بطول السحاب عشان المساحة عندهم محدودة، انما انت بتبني في صحرا

بتبني في صحرا مفتوحة
ليه مينفعش ابني ابراج بالارتفاع دا هنا؟ فيه مليون بحث وفيديو بيتكلموا عن اسباب سوء الفكرة لو انت فعلا مش مزنوق في المساحة، بس اجمالا التكاليف بتاعت الخدمات والانشاء والصيانة واي حاجة بتتضاعف كل ما زاد طول المبنى
theguardian.com

theguardian.com/artanddesign/2…

Wasteful, damaging and outmoded: is it time to stop building skyscrapers?

Tall buildings are still deemed desirable, even glamorous, but experts are drawing attention to the...

بس الاهم من دا كله انك فعليا في صحراء، فكرة انك تبني برج زجاجي هنا دي قد تكون اغبى افكار الانسان المتحضر، انت في الصحرا والدنيا برد بغباء بالليل وحرارة بغباء في الصبح وزجاجك غير عازل للحرارة يعني هتشغل تكيفات 24 ساعة
(سامع الغبي اللي هيقول دبي عملت برج خليفة في الصحرا دا من هنا)

برج خليفة نفسه مشروع غبي محققش للامارات غير ارقام قياسية وشوية فلوس اتصرفت بعدين على صيانة البرج باستمرار
البرج ملوش نظام صرف صحي اصلا ف هتلاقي كل يوم طابور عربيات بيفضي التصريفات بتاعته
فيه 9 ادوار مفهمش اي حاجة وفاضيين تماما اه

لو حابب تقرا اكتر عن برج خليفة ممكن تشوف بنفسك بس خلينا نرجع للعاصمة
الفكرة ان الامارات عندها فلوس تصرف على الابراج عشان تحقق ارقام قياسية ملهاش معنى لكن انت شرموط بتاخد قروض بفوايد لازم تتسدد فالنتيجة انك بتبيع هدومك في الاخر عشان تسدد تمن الخرا دا

تكلفة البرج الايقوني غبية بشكل لا يوصف، 3 مليار و300 الف دولار يعني اكتر من 5% من تكلفة العاصمة الادارية كلها ك مجمل راحت في مبنى واحد ملوش هدف غير انه يكون اعلى برج في افريقيا
وبعيدا عن تكلفته، لسة هندفع مبالغ غبية في الكهربا بتاعت البرج كل دقيقة من كل ساعة في كل يوم في حياتنا

بقتبس التالي من كلام د. ياسر الششتاوي لما كان بيحاضر في كلية الهندسة المعمارية في جامعة في نيويورك
"I have visited many of these follies in Egypt myself. The New Administrative Capital, it is already clear, is nothing but another desert dream"

"Like the other desert dreams before it, the New Administrative Capital has drained the Egyptian economy but enriched the bank accounts of military leaders and their cronies who own and develop the land, while Egypt's once-middle class descends into poverty"

وبستشهد الجزء اللي نقله من كلام د. ديفد سيمس في كتاب "احلام الصحراء المصرية: تطوير ام كارثة؟":
The Egyptian state, whether under Sisi, Hosni Mubarak or their predecessors, has seen the desert as "the playfield where a new Egypt can be created," Sims writes

ودا حقيقي، مبارك بنى القاهرة الجديدة والتجمع بنفس طريقة التفكير لكن في حدود فلوس البلد وقتها، اهي القاهرة الجديدة بقالها 30 سنة واكتر ولسة مخلصتش ولسة فيها اماكن بتتبني ولسة منظرها من القمر الصناعي مقرف ومليانة مساحات فارغة من الصحرا ولسة بتعاني من مشاكل كتير

التجمع لسة بيغرق بمياه السيول مثلا ومفيش ولا شبكة تصريف صحي اتعملت هناك، بعيدا عن ازمة التصميم بتاعه حتى فهو لحد الان يعتبر مشروع غير مكتمل لانه كان احد احلام حسني مبارك لما بص على صحراء القاهرة وقالك انا عايز اعمل مدينة جديدة هنا

والسيسي صحي من النوم بص على التجمع وقالك انا اقدر اعمل حاجة اجمد من كدا، عقلية بنت متناكة مفيش منها رجاء ولا فايدة
نرجع للتصميم العمراني؟ نرجع للتصميم العمراني

ليه التصميم بتاع العاصمة كارثي؟ اول حاجة الاحياء السكنية نسخة طبق الاصل من الAmerican suburbs اللي امريكا قعدت تبني منها بكميات غبية في التمانينات والسبعينات وبعدين اكتشفوا انها اوسخ فكرة جات على بال انسان، فيه مليون بحث وفيديو بردو بيتكلم عن مدى بشاعة النوع دا من المدن

ليه هي كارثية؟ كثافة السكان فيها ضئيلة على مساحة كبيرة
لو عايز تبني مدينة طبيعية فانت مفروض تعمل كثافة سكانية متوسطة على مساحة كبيرة، يعني مثلا الشارع كله يكون بيوت 6 ادوار في البيت 12 شقة يكفوا 12 اسرة، لكن نظام الفلل والبيوت الصغيرة والكومباوندز دا له عيوب غبية

اول حاجة الكثافة السكانية زي ما قلت ودا بيقتل المواصلات تماما وبيخلي كل واحد معتمد على العربية بتاعته
بدل ما فيه باص هيعدي في الشارع اللي فيه 72 اسرة (150 شخص على اقل تقدير) هتلاقيه بيعدي في شارع مفهوش غير 10 عائلات، فبالتالي مش هيبقا فيه باص في العموم لانه مش هيلاقي ناس ينقلها

وتاني حاجة هي ان الخدمات بتبقا بعيدة
بحكم طريقة عمل الكومباوند مفيش محلات جوا، فيه سنتر او مول برا الكومباوند الناس كلها بتروحله، يعني لو عايز تجيب كيس شيبسي محتاج تتمشى ربع ساعة مثلا او تروح بالعربية وتيجي بسرعة
فكرة انك معتمد على عربية دي مشكلة كبيرة بردو

يعني من نحية الكومباوند الفلاني اللي بتسكنه 800 اسرة بدل ما كانوا هيسكنوا في ربع المساحة دي ويتنقلوا كلهم للشغل والمدرسة كل يوم بكام باص وكام عربة مترو هتلاقيهم كلهم راكبين 800 عربية كافية تسد الطريق السريع من اوله لاخره، عشان كدا فيه دايما زحمة على محور اكتوبرب بالمناسبة :D

وهيفضل المحور يتوسع ويتجدد ويزودوا العرض بتاعه ويكملوه بكباري وبطرق سريعة تانية وهيفضلوا طول عمرهم يبنوا محاور جديدة لان كل ما السكان ما هيزيدوا العربيات بتتضاعف، لان معظم سكان الشيخ زايد مثلا معتمدين على العربيات
بالتالي؟ الطرق العامة عمرها ما هتوقف وهيفضل دا منظر المحور

مثلا مسجد مصر اللي صدعونا بيه دا اقرب تجمع سكني له هيكون بمسافة ربع ساعة بالعربية او ساعتين مشي، يعني المسجد هيكون شبه فاضي حتى لما العاصمة تكتمل
نقل الوزارات كلها لشارع واحد والسفارات كلها لشارع واحد شيء ملوش اي معنى، قصرين رئاسيين ورا بعض؟ دا ملوش معنى اكتر

اكبر نهر صناعي في العالم، لحد اليوم دا حرفيا مفيش مسؤول واحد طلع اتكلم بشكل آدمي وقالنا المياه بتاعت النهر الصناعي واكبر حديقة في شمال افريقيا دي هتتوفر منين واحنا اصلا قلصنا الزراعة بنسبة 10% بسبب حوار سد النهضة، عمل حديقة في نص الصحرا هيكلف مياه اكتر بكتير من عملها في القاهرة

اعتقد انا جبت اخري
نفسي اتكلم شوية عن المسجد اللي اتعمل ب200 مليون دا والكنيسة اللي اتعملت بمش عارف كام دي بس انا راجل صاحب مرض
عالعموم لو حد شافه اتمنى يقوله ان السيد المسيح والرسول مش هيرضيهم الاسراف اللي هو بيعمله باسم الدين دا، الفتاح العليم ذات نفسه ميرضيهوش الكلام دا والله

برحب بالاضافات دايما لو حد عنده حاجة حابب يرميها في الكوتس او الريبلايز سواء مصادر او اراء شخصية بس يارب ما تكون اراء معرصة عشان انا راجل صاحب مرض
كدا خلصت الثريد
دي شوية مصادر
dawnmena.org
businessinsider.com
khanacademy.org
elwatannews.com