في باحثين كتار حاولوا يوصلوا لي أسباب سعادة الإنسان في الحياة. بحثوا في المال والحب والعائلة كمسببات للسعادة كلها لكن في الأخير لقوا اجماع كبير انه السعادة مرتبطة اكتر شي بي شي معين وهو "الحرية"
تعالوا اوريكم المقصود..
تعالوا اوريكم المقصود..
الحرية المقصودة هي القدرة انك تعمل الشي العايزه، وقت ما انت عايزه مع الشخص الانت عايزه للمدة الانت عايزها.
و آنقوس كامبل في دراسته عن موضوع السعادة كتب انه كونه يكون عندك احساس انك بتتحكم في حياتك هو مؤشر فعلي للسعادة اكتر من اي شي تاني درسوهوا.
و آنقوس كامبل في دراسته عن موضوع السعادة كتب انه كونه يكون عندك احساس انك بتتحكم في حياتك هو مؤشر فعلي للسعادة اكتر من اي شي تاني درسوهوا.
أكثر من مرتبك، اكثر من حجم بيتك، اكثر من برستيجك، تحكمك انك تعمل العايزه هو اكتر شي خلى الناس سعيدة.
قيمة القروش في حد ذاتها اذا هي انها ممكن تدينا القدرة اننا نتحكم في وقتنا.
قيمة القروش في حد ذاتها اذا هي انها ممكن تدينا القدرة اننا نتحكم في وقتنا.
طيب الكلام دا في أرض الواقع ومن منظور الشغل بيعني لينا شنو؟
كونك بتقدر تاخد كم يوم إجازة حتى لو بدون راتب بدون ما تتأثر دي حرية.
كونك عندك القدرة تنتظر فترة بعد ما خسرت وظيفة عشان تختار الوظيفة الأنسب ليك وما انك تمشي لي اول وظيفة تجيك دي حرية.
كونك بتقدر تاخد كم يوم إجازة حتى لو بدون راتب بدون ما تتأثر دي حرية.
كونك عندك القدرة تنتظر فترة بعد ما خسرت وظيفة عشان تختار الوظيفة الأنسب ليك وما انك تمشي لي اول وظيفة تجيك دي حرية.
انه عندك قروش موفرها بتسمح ليك تعيش ٦ شهور باقل المنصرفات دي حرية كبيرة بتسمح ليك انك ما تاخد اي كلام مسيء من مدير ولا تقبل بي ظروف عمل مهينة لانك عارف انه لو سبتهم الليلة ما حيحصل ليك شي. عكس الملايين من الناس الشغالة في ظروف زي دي لانهم عارفين لو سابوا الشغل ما حيعرفوا ياكلوا.
قدرتك انك تشتغل وظيفة دخلها اقل حبة لكن ساعاتها مناسبة معاك اكتر او اقرب من بيتك.
كونك بتقدر تتعامل مع اي مرض طارئ يحصل ليك بدون ما تكون شايل هم فوق مرضك انك حتقدر تعالج نفسك ولا حبايبك.
كونك بتقدر تتعامل مع اي مرض طارئ يحصل ليك بدون ما تكون شايل هم فوق مرضك انك حتقدر تعالج نفسك ولا حبايبك.
فالخلاصة انه الحرية بتحتاج مننا نكون مسؤولين شوية ونوفر قروش تكفينا اقل شي ٣ شهور. بعدها حتمشي الشغل وانت نافش ريشك وعارف انه مافي زول بيقدر يفتح خشمه معاك ولا يتفرعن عليك.
الطمأنينة الجواك دي حتخليك تكون مبسوط شديد وخدوها مني.
الطمأنينة الجواك دي حتخليك تكون مبسوط شديد وخدوها مني.
وطول ما انت بتعمل شغلك بي اخلاص، مدرائك هم الحيجروا وراك يرقوك ويدلعوك لانك مجتهد وفي نفس الوقت حاسين انك ما desperate والانسان دايماً بيقدر الشخصية دي.
جاري تحميل الاقتراحات...