حأكتب تجربتي مع التقديم لكندا والوصول هنا.. بس معليش الثريد ما حينزل كله مع بعض، كل يوم بضيف شوية، مع الاعتذار، بسبب ضيق الوقت..
بديت مع التقديم لكندا من زمان، ولاسباب كتيرة اتاخرته في اني اجي هنا، لحدي ما وصلت السنة الفاتت ٢٠٢٢..دي خلاصة تجاربي بكل شفافية.. صعب؟ ايوه، ممكن؟ ايوه
بديت مع التقديم لكندا من زمان، ولاسباب كتيرة اتاخرته في اني اجي هنا، لحدي ما وصلت السنة الفاتت ٢٠٢٢..دي خلاصة تجاربي بكل شفافية.. صعب؟ ايوه، ممكن؟ ايوه
اول خطوة بقولها للبعرفهم انهم يعملوا الاختبار ده، وهو بحدد هل هم مؤهلين لبرنامج الexpress entry (واحد من خيارات الهجرة، في غيره).. البرنامج ده عنده مسارات، لكن بشكل عام شروطه بتعتمد على المهنة (تكون مطلوبة) واللغة (كل ما زادت الدرجة كل ما زادت النقاط)
onlineservices-servicesenligne.cic.gc.ca
onlineservices-servicesenligne.cic.gc.ca
نتيجة التقييم ده ما بتعني انك حتتقبل، لكن يعني انك تقدر تقدّم… قرار انك تتقبل بعتمد على عدد النقاط البتجمّعها.. CRC وعوامل تانية حأتكلم عنها… عدد النقاط التقريبي ممكن تستخدم ليه الرابط ده عشان تعرف عدد نقاطك
ircc.canada.ca
ircc.canada.ca
كيف تتأكد ان انه مواصفاتك مناسبة للتقديم
السؤال الاول ده عن لو عندك رغبة تمشي مقاطعة معينة، رغم انه البرنامج بديك فرصة تدخل اي مكان في كندا.. لكن السبب هنا انه المقاطعات عندها برامج هجرة برضه.. لكن تقول حابي امشي ألبيرتا، حيقوموا يبنّهوا المقاطعة عشان يشوفوا الapplication بتاعك
السؤال الاول ده عن لو عندك رغبة تمشي مقاطعة معينة، رغم انه البرنامج بديك فرصة تدخل اي مكان في كندا.. لكن السبب هنا انه المقاطعات عندها برامج هجرة برضه.. لكن تقول حابي امشي ألبيرتا، حيقوموا يبنّهوا المقاطعة عشان يشوفوا الapplication بتاعك
السؤال البعده بسأل عن اللغة.. ولازم تمتحن لغة.. انجليزي او فرنسي.. حأشرح اكتر عن الموضوع، لكن دي اول شي لازم يتعمل… ما ننسى انه دي أداة بتتأكد بس انك تقدر تقدّم.. ده ما التقديم .. لسه الرحلة مستمرة.. الاغلب يختار IELTS امتحان اللغة الانجليزية حتى لو لغتك الام انجليزي، لازم تمتحن
الخطوة البعدها بقول ليك عملت التست بتاع اللغة متين! يعني شنو؟معناها اول شي انه انت لازم تمتحن،ولازم كمان الامتحان يكون صالح! صالح بمعنى انه ما امتحان قديم،لانه الIELTS مثلا بتنتهي صلاحيته خلال سنتين،أنا بسبب القصة دي احتجت اجدد الامتحان مرتين 😅،بقيت خبرة،وممكن ده نعمله ثريد براه
بعدها بسأل من درجاتك بالضبط كم،المطلوب انك تجيب 6.0 على الاقل،في كل section،دي ما صعبة أبداً، لكن كل ما زادت درجتك في اللغة، كل ما زادت نقاط الهجرة او ال CRS.. 0.5 زيادة بتفرق كتير،بشكل عام الدرجة البتدي اعلى نقاط هي 8 للlistening والباقي 7،دي نتيجة ما صعبة أبداً،ببعض الاجتهاد
هل لازم تمتحن في المرحلة دي، اعتقد دي اول خطوة… لو امتحنته زمان او عملت امتحان تحديد مستوى وعندك فكرة ممكن تجيب كم، ممكن تخت الارقام هنا لمجرد التجربة، احنا هنا بس بنستخدم الاداة دي عشان نعرف النقاط العندنا.. لسه مافي اي تقديم حاصل.. لو جادي شديد، امتحن وتعال شوف النقاط..
الشاهد هنا يا اصدقاء، انه اللغة مهمة.. في حالات نادرة ما بتكون اللغة عائق،لكن بشكل عام لو انت زول خريج جامعة وفي المهن المعروفة، بتحتاج امتحان،حنتكلم عن موضوع المهنة ودي برضها مهمة.. واتمنى تسمحوا لي اني بطيئة،وانه الكلام مكتوب،بس بوعدكم اعمل فيديو يوضح الكلام بصورة احسن، ونواصل
نجي للخبرة،السؤال عن عدد سنوات الخبرة في كندا، والسؤال البعده عن المهنة بتاعتك في ياتو مجموعة ضمن تصنيفهم للمهن.. طبعا موضوع تصنيف المهن ده موضوع براه.. لكن الواحد يشوف اقرب مسمّى وظيفي لي مهنته في الرابط ده
canada.ca
canada.ca
أنا ما عايز احبط الناس.. بس بشرح الخطوات… الموضوع محتاج إصرار وتفرّغ ووقت،ما مستحيل أبداً، ممكن الزول يبدا،خلال شهرين يجهز حاجاته، تجيه دعوة للتقديم، يقدّم خلال اقل من ٦ شهور يطلبوا جوازه ويدوه الفيزا،بس برضه الموضوع محتاج جهد.. ما زي ما بسوّقوا ليه المكاتب اللي ممكن تكون نصب
جاري تحميل الاقتراحات...