بمثل هذه الأيام، كتبت هذا المنشور، بعد فوز العراق ببطولة كأس الخليج بالبصرة..
#ابو_نهرين
عيوني الخليجيين..
خلصت البطولة، ونطلع نوصلكم للباب ترجعون سالمين، ولاتكطعون الجية، وخاف تجون انوب وتتيهون بس اسألوا بالمنطقة وين بيت ابو نهرين؟ راح يدلوكم علينه، بابنا احمر واسود وابيض ومكتوب عليه (الله أكبر)، بيت قديم بس سكَفه عالي، وبي نخلات هواي، ومضيف جبير، ومساحته 437 ألف كيلو..
وكل الهلا من بحر العرب لشط العرب، واذا هالمرة طبيتوا بس ديوان البصرة فبعد اكو 17 ديوان غيره، واكو 42 مليون ذوله اولاد ابو نهرين وبناته، وتلكون هواي صور شهداء على حياطينه بس تلكوه عايش والحياة ماشية، ابو نهرين الشايب الجبير بعده قوي، ولو شوية تعبان هسه بس بعده بحيله، لان اولاده وراه ومو هينين، تريدهم تفاكة يصيرون، مرتبين وخوش اولاد يصيرون، وما ياكل الا خبز تنور الحجي، ماياكل اكل البرا الا أكل بيت، شكد رادوا يوكلوه همبركر وساهون مايرضه.
بالليل، يلمنه الحجي ابو نهرين ويسولفلنه على ايام زمان، ايام جان واحد من ولده اسمه نبوخذنصر ماخذ عالدنية كلهه، واللاخ اشور بانيبال، واللاخ حمورابي، وابو جعفر، وهارون، ماننام الا نسمع سوالفه عنهم، الحجي يقرا ويكتب لاتشوفوه جبير، لان هو السوه الكتابة للدنية، وحافظ كومة شعر لأن اول واحد كتبه هو، ويفتهم بالبناء لأن اول بناية بالدنية هو بانيها، حتى حديقة بيته جانت معلكة بالسما..
الحجي ابو نهرين بي اثر صواب هواي، متعارك لما بازع، ماخال جبل ولا صحراء ولا مي ولا سهل ما متعارك بي، واحنه طالعين عليه، بس كلبه حنين وطيب، بحجايتين تشتريه، ويشيل عباته ويلبّسها للطيب مثله.
حجينا ثكيل، تشوفون بيته قديم وبي صور صارلهه ٧٠٠٠ سنة معلكة، بس عنده صندقجة عمرها مافرغت ولا راح تفرغ، مدري منين يجيب هالخير، معيشنا كلنا، ودائماً يكوللنا اصبروا شوية انوب وراح ماخلي شي بنفسكم، وهاي صابرين صار عمر، ومنتظرين خيره، لأن نعرفه كلمته وحدة متصير اثنين، ويستاهل نصبرله.
حجينا معكل ومهيوب، وتارس مكانه، نستحي نبوس خده، فنبوس جتفه، واليحجي عليه حجايه نردهه بعشرة، واليجينه طيب نفتحله بيته، نوبات نسمعكم تكولون عليه عظيم واحنه نكول بكلوبنه إي والله، وهاي شوفة عينكم، كلمن يريده يصير لصفحته يتقوى بي، وهو قافل يريد اولاده وبس، واحنه نريده هو وبس..
الحجي شوية تعبان، بس يرتاح لشوفتكم، ومن شافكم وكف على حيله وصار معزب بروحه، حجي ارتاح احنه نقوم بالواجب مايرضى، إلا بيده يوكف عالسفرة، شنسويله ملينه منه ومايفيد، عباته على جتافه وبعكاله ويفتر، مرة تعاركنه بيننا بالبيت كلمن يريد ياكل بوحده، شلع اذاناتنه، رزلنه، لعب بينه طوبة، انوب ماتكدر تحجي وياه، لمنه بالكوة إلا كعدنه اكلنه سوة يلا سكت، اكو زلمة بينه يكول للحجي لا؟ مو حشانه، لا حشاه إذا كلناله لا..
هو يكعد بغرفة بنص البيت يم بنته الجبيرة بغداد، ويسيّر عالبقية، يومية بايت بغرفة، وياهي اليروحلها تجلب بي ماتقبل يروح لغيرها، وتعال حلها، وهسه كاعد بالبصرة وكل بناته رايحات يمه هناك، خطية هاي اربيل دربها عشر ساعات وهم راحتله للبصرة، بس لان فرحان ويريدن يشوفنه فرحان، لان عيونه راحت من البجي بالسنين الراحن، سودة عليه..
الحجي عدنه يتريك تمر ولبن، هاي بصرة واربيل يسونّه، ونهرين يجيبنله الماي، ويتغده مسكوف من ايد بغداد، ويتعشه تمن عنبر من القادسية، ووراها يكشر برتقالة من ديالى، ونوبات انبار من يجيها تجيبله ام العراوي، يابه صحته موزين عليه هلكد، تعاند، وج انبار كعدي راحة! ماتنرد الوكحة..!!
الحجي من يضيك خلكه يروح للنجف وكربله، يكول زوروني خل ارتاح، نودي، نوبات اذا تعبان يروح للكاظمية، وذاك اليوم فكدناه لكيناه بسامرا، حجي شمضيك خلكك؟ يكول الموصل خطية مهدمة ابنوها، وذولاك همه جاي يبنوها لخاطره..
الحجي تلكه صورته على البيوت، عالدوائر، بسيارات التكسي، عالتكتك، بافران الصمون، بملاعب الطوبة، شايلين صورته ام اربع الوان وين ماتروح تشوفها، شايلهه الغني والفقير، المرا والرجال، نموت عليه وياما متنه لخاطره، كلشي سوي بحياتك إلا الحجي ابو نهرين لا توصله، تاج راسنه وعمود بيتنه وجبيرنه، اربعين سنة صار نتعارك علموده، نص العالم عاركناه علموده، شبعنه ضيم لخاطره، بس حته يظل موجود يفتر علينه ويشوفنه خاف نمنا بلا عشا، خاف بردانين، خاف خايفين، العنده هيج جدو شيريد من الدنية غيره؟
الحجي ابو نهرين ينام من وكت، والصبح مانلكاه بفراشه، نطلع ندور عليه نلكاه على جسر الشهداء يوكل النوارس الفجر، حجي غير تحجي قبل ماتطلع؟ يكول لا هاي الشهداء جاية بصورة نوارس وجيت اوكلهم، حجي باردة الدنية! يكول طبوا اتدفوا انتو معليكم! ونسوي روحنه طبينه نتدفه بس احنه نباوعله من بعيد، نخاف عليه..
يتبع 👇🏼..
#ابو_نهرين
عيوني الخليجيين..
خلصت البطولة، ونطلع نوصلكم للباب ترجعون سالمين، ولاتكطعون الجية، وخاف تجون انوب وتتيهون بس اسألوا بالمنطقة وين بيت ابو نهرين؟ راح يدلوكم علينه، بابنا احمر واسود وابيض ومكتوب عليه (الله أكبر)، بيت قديم بس سكَفه عالي، وبي نخلات هواي، ومضيف جبير، ومساحته 437 ألف كيلو..
وكل الهلا من بحر العرب لشط العرب، واذا هالمرة طبيتوا بس ديوان البصرة فبعد اكو 17 ديوان غيره، واكو 42 مليون ذوله اولاد ابو نهرين وبناته، وتلكون هواي صور شهداء على حياطينه بس تلكوه عايش والحياة ماشية، ابو نهرين الشايب الجبير بعده قوي، ولو شوية تعبان هسه بس بعده بحيله، لان اولاده وراه ومو هينين، تريدهم تفاكة يصيرون، مرتبين وخوش اولاد يصيرون، وما ياكل الا خبز تنور الحجي، ماياكل اكل البرا الا أكل بيت، شكد رادوا يوكلوه همبركر وساهون مايرضه.
بالليل، يلمنه الحجي ابو نهرين ويسولفلنه على ايام زمان، ايام جان واحد من ولده اسمه نبوخذنصر ماخذ عالدنية كلهه، واللاخ اشور بانيبال، واللاخ حمورابي، وابو جعفر، وهارون، ماننام الا نسمع سوالفه عنهم، الحجي يقرا ويكتب لاتشوفوه جبير، لان هو السوه الكتابة للدنية، وحافظ كومة شعر لأن اول واحد كتبه هو، ويفتهم بالبناء لأن اول بناية بالدنية هو بانيها، حتى حديقة بيته جانت معلكة بالسما..
الحجي ابو نهرين بي اثر صواب هواي، متعارك لما بازع، ماخال جبل ولا صحراء ولا مي ولا سهل ما متعارك بي، واحنه طالعين عليه، بس كلبه حنين وطيب، بحجايتين تشتريه، ويشيل عباته ويلبّسها للطيب مثله.
حجينا ثكيل، تشوفون بيته قديم وبي صور صارلهه ٧٠٠٠ سنة معلكة، بس عنده صندقجة عمرها مافرغت ولا راح تفرغ، مدري منين يجيب هالخير، معيشنا كلنا، ودائماً يكوللنا اصبروا شوية انوب وراح ماخلي شي بنفسكم، وهاي صابرين صار عمر، ومنتظرين خيره، لأن نعرفه كلمته وحدة متصير اثنين، ويستاهل نصبرله.
حجينا معكل ومهيوب، وتارس مكانه، نستحي نبوس خده، فنبوس جتفه، واليحجي عليه حجايه نردهه بعشرة، واليجينه طيب نفتحله بيته، نوبات نسمعكم تكولون عليه عظيم واحنه نكول بكلوبنه إي والله، وهاي شوفة عينكم، كلمن يريده يصير لصفحته يتقوى بي، وهو قافل يريد اولاده وبس، واحنه نريده هو وبس..
الحجي شوية تعبان، بس يرتاح لشوفتكم، ومن شافكم وكف على حيله وصار معزب بروحه، حجي ارتاح احنه نقوم بالواجب مايرضى، إلا بيده يوكف عالسفرة، شنسويله ملينه منه ومايفيد، عباته على جتافه وبعكاله ويفتر، مرة تعاركنه بيننا بالبيت كلمن يريد ياكل بوحده، شلع اذاناتنه، رزلنه، لعب بينه طوبة، انوب ماتكدر تحجي وياه، لمنه بالكوة إلا كعدنه اكلنه سوة يلا سكت، اكو زلمة بينه يكول للحجي لا؟ مو حشانه، لا حشاه إذا كلناله لا..
هو يكعد بغرفة بنص البيت يم بنته الجبيرة بغداد، ويسيّر عالبقية، يومية بايت بغرفة، وياهي اليروحلها تجلب بي ماتقبل يروح لغيرها، وتعال حلها، وهسه كاعد بالبصرة وكل بناته رايحات يمه هناك، خطية هاي اربيل دربها عشر ساعات وهم راحتله للبصرة، بس لان فرحان ويريدن يشوفنه فرحان، لان عيونه راحت من البجي بالسنين الراحن، سودة عليه..
الحجي عدنه يتريك تمر ولبن، هاي بصرة واربيل يسونّه، ونهرين يجيبنله الماي، ويتغده مسكوف من ايد بغداد، ويتعشه تمن عنبر من القادسية، ووراها يكشر برتقالة من ديالى، ونوبات انبار من يجيها تجيبله ام العراوي، يابه صحته موزين عليه هلكد، تعاند، وج انبار كعدي راحة! ماتنرد الوكحة..!!
الحجي من يضيك خلكه يروح للنجف وكربله، يكول زوروني خل ارتاح، نودي، نوبات اذا تعبان يروح للكاظمية، وذاك اليوم فكدناه لكيناه بسامرا، حجي شمضيك خلكك؟ يكول الموصل خطية مهدمة ابنوها، وذولاك همه جاي يبنوها لخاطره..
الحجي تلكه صورته على البيوت، عالدوائر، بسيارات التكسي، عالتكتك، بافران الصمون، بملاعب الطوبة، شايلين صورته ام اربع الوان وين ماتروح تشوفها، شايلهه الغني والفقير، المرا والرجال، نموت عليه وياما متنه لخاطره، كلشي سوي بحياتك إلا الحجي ابو نهرين لا توصله، تاج راسنه وعمود بيتنه وجبيرنه، اربعين سنة صار نتعارك علموده، نص العالم عاركناه علموده، شبعنه ضيم لخاطره، بس حته يظل موجود يفتر علينه ويشوفنه خاف نمنا بلا عشا، خاف بردانين، خاف خايفين، العنده هيج جدو شيريد من الدنية غيره؟
الحجي ابو نهرين ينام من وكت، والصبح مانلكاه بفراشه، نطلع ندور عليه نلكاه على جسر الشهداء يوكل النوارس الفجر، حجي غير تحجي قبل ماتطلع؟ يكول لا هاي الشهداء جاية بصورة نوارس وجيت اوكلهم، حجي باردة الدنية! يكول طبوا اتدفوا انتو معليكم! ونسوي روحنه طبينه نتدفه بس احنه نباوعله من بعيد، نخاف عليه..
يتبع 👇🏼..
الحجي ابو نهرين طخ السبعتالاف سنة وبعده، جبير الكعدة وزلمة الزين، ضحكته ترد الروح ودمعته تعصر الكلب، وهاي احنه حتى لا يضوج نضم حزننا كدامه ونراويه شكد احنه فرحانين حتى يرتاح، نخاف على صحته، شعدنه غيره؟ الله لايكولها اذا راح من عدنا... لا، ألله نفسه مايكولها..
ابو نهرين، العراق الغالي، الحجي الثكيل، من عمرنه على عمرك بعد روحي ياروحك ❤️..
#رسلي_المالكي
ابو نهرين، العراق الغالي، الحجي الثكيل، من عمرنه على عمرك بعد روحي ياروحك ❤️..
#رسلي_المالكي
جاري تحميل الاقتراحات...