🔵 #إقتصاد :
🔷🔶 ايه الفرق بين التعويم و بين تخفيض العملة .. و هل المصطلحين واحد
و امتي يكون صح و امتي يودي في داهية
♦التعويم 👈🏻 ببساطة يعني ابطل ادعم العملة
ازاااااي 👇🏻👇🏻
الدولار كان ب 5.5 ج في البنوك
لكن ده مكنش سعره الحقيقي
السعر الحقيقي له كان 17.25 ج
يعني كل مليون دولار كانت الدولة بتدفع فيهم من مواردها 11.75 مليون جنيه
📌كانت بتجيبهم منين 👈🏻 فاكرين اما قولتلكم اننا ورثنا تضخم بسبب طبع فلوس بزيادة 👌🏻👌🏻
بالاضافة لان اللي كنا بنحصله من بند " ايرادات أخري " في الموازنة كان بيروح لدعم الدولار
📌 ده غلط و لا صح 👈🏻 ده كارثة
لذلك قرار التعويم هو قرار صائب عشان تبطل توجه مواردك لجهات انفاقية خطأ 👌🏻👌🏻
🔷🔶 اساسا لازم نبدأ الحكاية من بدري شوية :
هل الدولار كان عملة ذات قيمة في مصر
الاجابة 👈🏻 لا
امتي بقا بدأ يبقا له قيمة و ياخد طريق الصعوووووود 👈🏻 لما اتخوجنا
الانفتاح الاقتصادي الغير مدروس في سنة 1978
انا بتكلم في الاقتصاد مليش دعوة بأشخاص
انا بتكلم علي اجراء اقتصادي
لم يتم تطبيقه بشكل صحيح مما ادي الي اثار سلبية انعكست علي المجتمع المصري .. و ده مش كلام بس ده كلام عتاولة الاقتصاد و رؤوساء اقسام ناقشوا رسايل دكتوراه في الجزء ده ... ف متجيش انت بقا بعاطفتك تتعرض للعلم
🔸 الانفتاح الاقتصادي تم بشكل غير مدروس :
لييييييه 👈🏻 لأن كان لازم يكون في اجراءات موازية لحماية الصناعات الوطنية
زي ايييييييه 👇🏻👇🏻
▪الاستيراد اتفتح علي البحري
و المستوردين ميييين 👈🏻 زي ما اهم شخص عندي بالحياة قالهالي
المستوردين هما فرج الاكتع بتاع فيلم كتيبة الاعدام .. فاكرينه
تحقيق المصلحة الخاصة و تغليبها علي المصلحة العامة
الانفتاح علي العالم الاوروبي المرفه في التوقيت ده و بيعيشوا رفاهية احنا شعوب طالعين من حرب
انسقنا خلف فرج الاكتع
⚡مكنش في قوانين و لا دستور في سنة 1978 تحمي الصناعة المصرية
يعني تمنع المستورد استيراد سلعة منافسة للمحلي
تم اغراق الاسواق باغذية مستوردة تسببت في إلحاق اضرار في المنتجات المحلية
المصانع المصرية مكنش عندها اختيارات
▪اما تقلل جودة عشان تخفض سعر 👈🏻 وبالتالي مع الوقت هيقل الطلب عليها
▪او تحافظ علي جودتها بنفس السعر 👈🏻 و هنا بتخسر حصة سوقية لحساب البدايل الاستيرادية
اتعمل عليها كماشة 👈🏻 بسبب عدم وجود القانون و النص الدستوري اللي بيحميها
📌 انت مكنتش بتستورد من أمريكا مثلا گ درجة استيرادية عالية و بس .. ف بتخاطب طبقة مجتمعية معينة
نووووو انت كان عندك قماشة استيراد مفتوحة من كل مكان
و شغلانة الاستيراد سهلة
شيل الحمام .. حط الحمام
📌 كل ما بيتفتح الاستيراد اكتر 👈🏻 كل ما الطلب بيزيد علي الدولار اكتر 👈🏻 كل ما سعره بيعلي اكتر
فمشينا من رحلة 0.82 قرش الي 5.5 ج
في المقابل بيحصل عندك كارثة 👈🏻 الصناعات الوطنية بتروح في داهية و ارث جمال عبد الناصر من المصانع اللي كان خلاك عملاق بقا عبء علي الاقتصاد
لان مفيش انتاج عليه اقبال
📌 وصلنا لمحطة بيع الارث ده و صفقات الخصخصة لصاحبها عاطف عبيد و محمود محي الدين ربنا ينتقم منهم 🙏🏻🙏🏻
مع ان الحل كان سهل 👈🏻 اوقف استيراد للمنتجات اللي لها بديل محلي
📌 اتقفلت المصانع و اتباعت و معدش قدامنا غير المستورد
طب لو كان مبارك ساب الدولار يلاقي مصيره من سنة 1995 كل ما الطلب يزيد عليه 👈🏻 الكرسي كان هيبقا مهدد
لأن الشعب اللي اتعود علي تسعير السلع ب 3.80 ج للدولار
مش هيوافق و لا يتحمل ابدا انه يتم تسعيرها علي 11.20 ج
( زي الحاصل دلوقت كده )
♦ف الحل المباركي اييييه 👈🏻 دعم الدولار .... ادفع للدولار و اكتم بق الناس 👌🏻👌🏻
ف طبيعي ان اول خطوة للاصلاح الاقتصادي 👈🏻 ايقاف تمويل العملة الاجنبية
و امولها ليييييه
قادر تشتريها اشتريها .. مش قادر اخبط دماغك في الحيط
السوق مش هيموت من غير منتجاتك
و هرجع افتح السوق المحلي تاني
لذلك كان اجراء التعويم في 2016 اجراء صحيح و منضبط
و انا كنت ضد انه يكون مدار
و طالبت انه يكون تعويم حر
و قولت وقتها ضربة مرزبة و لا 10 شاكوكش
و اتقالي باللفظ وقتها حلولك الجراحية مش دايما هتناسب الشعب المصري
و قولت وقتها بردو و المسكنات بتيجي بعد فترة تفقد مفعولها
و فضلنا نكارك للتعويم لحد وصولنا للسعر العادل للجنيه 19.60 ج / دولار
بااااااااااااس ستوب علي كده بقا
لحد هنا اتقفل ملف التعويم
ما بين 19.60 الي 20 او 21 بفعل التضخم

🔷🔶 بعد كده دخلنا مرحلة تخفيض قيمة العملة :
مش تعويم بقا
عشان اول ما بسمع الكلمة دي بعرف ان اللي بيشرح و بيتكلم ده حمار اساسا .. ملوش في الاقتصاد
دلوقت الدولة وصلت بالجنيه لسعره العادل
مطلوب منها تخفض القيمة 👈🏻 يعني تقل عن السعر العادل ... تتنااااازل ... تتحمل خساير في قيمة العملة
في مقابل ايه 👈🏻 جذب الاستثمارات
♦انا هقولك انت غلط و صح
ازاااااي 👇🏻👇🏻
▪لو انا بقيم اصولي بالجنيه و جيت عملت برنامج طروحات لحصص في الاصول دي
ف أنا قللت من قيمتها السوقية
انا حققت لنفسي خساير
لأن اصول الدول ملهاش قيمة دفترية .. هي لها قيمة سوقية فقط
ف التخفيض غلط هنا
▪لكن في مستثمر بيحب يدخل في الحاجة اللي تمنها قليل عشان يضخ راس مال
ف انت هنا بتجذب المستثمر ده
انت هنا صح 👌🏻
لكن لو طبقنا مبدأ تكلفة الفرصة البديلة
هتلاقي ان خطر التخفيض اكبر بكتيييييير من فايدته
خلافا لخفض قيمة الاصول
هو هيتسبب في موجة غلاء
لانه هيقلل القوة الشرائية للعملة
السلعة اللي كنت هحتاج 10 وحدات عشان اشتريها هحتاج 15 وحدة
ف انا كده اضريت بالاقتصاد منفعتوش
لاني شيلته من تضخم حدفته في ركوووود
ما هو لما القيمة الشرائية للعملة تقل .. القوة الشرائية للشعب هتقل
هتنتج سلع تترمي
هتدخل في ركووووود استهلاكي
انا بشرحلك و بكلمك كلام العلم
كلام الاقتصاد
امريكااااا لما جت تعمل اقوي اقتصاد في العالم جابت چون مورجان و ساكس و روكفلر
جابت اقتصاديين
مجابتش بتوع الهمبكة و الحلمبوحة
عايز اقتصاد
يبقا عليك و علي المتخصص
زي السياسة
عليك و علي الدارس و المحتك و الممارس
انما العواطف في كتب الكتاب و اعياد الربيع
لذلك المجموعة الاقتصادية مدركة الخطر ده كويس و بتناااااطح مع الصندوق
🔷🔶 طب كنا ليه بنلجأ للصندوق من اصله
لانك مكنش عندك موارد
▪وزارات مديونة
▪بنوك مديونة
▪احتياطي نقدي صفر
▪سندات محتاجة تتسدد
▪100 مليون بق مفتوووووح
والودايع اللي اتاخدت من الخليج اتحطت في الاحتياطي عشان نقدر نخاطب المؤسسات الدولية النقدية
و عشان نقدر سندات سيادية نمول بيها الدولة
🔷🔶 طيب حاليا بقا و ما يحاول ان يمرره لنا الاعلامي السعودي
ان الاصدقاء هتنقذ مصر و بتااااع
هي مصر فيها ايه يا عين الماما
الاصدقاء بتوعك بيحولوا ودايعهم استثمارات عشان يضمنوا لنفسهم مكان مع شراكات مصر الدولية مع روسيا و الصين و الاتحاد الاوروبي
ف دي نغمة رخيصة من انسان رخيص لن اعيره اهتمام
انا بس بوضحلكم انتوا الفكرة
مصر مش متعثرة اقتصاديا :
▪الاقساط الخاصة بالديون بتندفع في ميعادها
▪سمعة السندات السيادية خارجيا زي البرلنت و محققة مكاسب هايلة
▪البورصة المصرية اللهم بارك كل يوم تغلق علي ارتفاعات
" احمد الشيخ عامل شغل زي الفل بسم الله ما شاء الله "
▪السلع الاستراتيجية مخزونها يكفي من 6 الي 8 شهور
" اوروبا مفيهاش الرفاهية دي في المخزون و مش عايز تصدق ارزع دماغك في الحيط"
▪الرواتب و المعاشات و الحوافز و العلاوات بتنزل في مواعيدها دون تعثر
▪بنستكمل كل المشروعات المخطط لها
و كل ما يحدث في سوق الدهب و السوق السودا رصدنا اسبابه
🔷🔶 اجي بقا لنقطة في غاية الاهمية :
لما مصر تحولت من الملكية للجمهورية .. و عبد الناصر رحمه الله حب يعمل نهضة اقتصادية
جاب ميييين 👈🏻 اقتصاديين و ناس بتوع فلوس
حلو الكلام .. حلوووو
وضع لهم تصوره عن الحلم اللي هو عايزه وقالهم شوفوا الدنيا هتمشي ازاي
عبد الناصر مخترعش العجلة
عبد الناصر جاب افكار طلعت حرب و حطها قدامهم و قالهم الافكار دي تتحول لواقع ازاااااي
📌 اول حاجة طلبوها منه 👈🏻 صياغة قوانين اقتصادية
يعني ايه يا بيه صياغة قوانين
يعني بنود ثابتة
تترجم :
▪شكل الهيكل الاقتصادي للدولة
▪صلاحيات الدولة في الاقتصاد
▪حدود مشاركات و صلاحيات الفرد
▪نسبة السماح للمشاركات الاجنبية داخل الاقتصاد المصري
▪الاهداف المرجوة من الشكل الاقتصادي المطلوب
اسمه ايه اللي انا قولته فوق ده 👈🏻 الابواب الاقتصادية في دستور 1954 👌🏻
ايه يا چيلان علاقة الدستور بالقوانين 👈🏻 يا عزيزي الدستور هو مجموعة بنود قانونية موضوعة لتشريعات قانونية من شأنها حماية الدولة و الحفاظ علي استقرارها

ان الدساتير وضعت لتحمي الدول و تحمي الشعوب لااااا تضرها
الابواب الاقتصادية في دستور 2014 يشوبها العوار
و 10 سنين كافيين جداااا
و لابد من التعديلات
حماااااية للمواطن
و تكبيل للحيتان
و اطلاق ليد الدولة في الدور الرقابي
🔷🔶 اعتقد ان الحلول اللي قدمناها هنا
اتبناها اسامة كمال في البرنامج بتاعه اول امبارح و طرح فكرة الاكتتاب العام
سيدي الرئيس :
لا انت محتاج تخفيض عملة
و لا انت محتاج اصدقاء
عشان تحل ازمة الدولار
هتاخد سيادتك 5 شركات من الطروحات الاستثمارية الموجودة
و 3 مشروعات جديدة من اللي هيتم تدشينه
و تطرحهم للاكتتاب العام
السهم ب 50 دولار
استحقاق 8 سنوات عائد متراكم
" مع تطبيق عدم قبول دولار مجهول المصدر "
في 6 شهور هتلم اللي في السوق السودا و اللي برا مصر
و هيبقا عندك فائض دولار
و هتبور الدولار الاسود
حل ب 3 جنيه و ربع و مش محتاج تفكير خالص
ربنا يوفقك ياريس
و يرزقك البطانة الصالحة و الصادقين في نواياهم .. و يثبتك في توقيت حرج من عمر الوطن 🙏🏻🙏🏻