فى أول سنة ساتة كنت حاسة نفسى مش كويسة بتعب بسرعة وعندى إرهاق مستمر وبدأ يجيلى رعشة فى ايدى وكل حاجة تقع من إيدى والرعشة بعد كده اتنقلت فى جسمى كله فرحت أكشف عالرعشة وكالعادة اتقال ان دا تأثير امتحانات خامسة وفضلت اخد vit b12 ومفيش اى تحسن فشكيت فى الغدة ورحت من نفسى حللتها
واتفاجئت إنها ٤ أضعاف الطبيعى رحت لدكتور غدد وحولنا فورا usواعيد التحاليل تانى ولما ظهرت النتيجة قالى لازم تروحى فورا تعملى scan رحت عملته وحقنت الإشعاع وكان أسوأ تجربة أمر بيها لدرجة من كتر الألم مكنتش قادرة حتى اروح وشايفة بابا بيعيط على الوجع إلى انا فيه وفضلت اعيط طول الطريق
لحد ما وصلت البيت واتعزلت فى أوضة لوحدى عشان الإشعاع إلى فى جسمى والنتيجة المفروض بتظهر بعد يومين بس كان اليوم دا الجمعة وفضلت قاعدة فى توتر وخوف لحد ما النتيجة ظهرت واتشخصت بمرض graves
فى الاول مكنش عندى كل الأعراض بس بعد كده الأعراض كلها ظهرت على جسمى لدرجة انى مكنتش بعرف اتنفس ونفسى كان بيروح وأهلى كل شوية يجرو بيا عشان يلحقونى فضلت ١٧ يوم متواصلين ممكن معرفش انام غير ساعة دا غير التعب ووجع جسمى فى اوقات حتى مكنتش ببقى قادرة انزل من عالسرير
دا غير العصبية والاكتئاب إلى كنت بمر بيهم لدرجة أوقات كنت بتمنى إنى أموت عشان ارتاح من العذاب إلى انا فيه كنت بحلل كل شهر وكنت بتحسن الحمد لله وصلت بالجرعة إنى أخد ١٤ حباية فى اليوم بس كنت بتحسن وكنت خلاص بسحب فى العلاج بقالى كام شهر وكنا خلاص هيبقى فى شفا تام على اخر شهر ٢
كنت رحت للدكتور قبل الامتحانات وكانت الدنيا تمام وضربات قلبى انتظمت وكل حاجة كويسة وكنت باخد قرصين فى اليوم بس امبارح حللت والنسبة زادت عن الطبيعى هى زيادة بسيطة الحمد لله بس مكنتش قادرة اتقبل الموضوع حسيت إن كل الألم إلى مريت بيه دا هيرجع تانى وأنا معتش عندى طاقة أكمل
ربنا وحده عالم الايام والساعات كانت بتمر ازاى الحمد لله الواحد مش ناقص أبدا وراضى بقضاء ربنا وقدره الحمد لله أنا مرضى اكتشفته فى الاول ودى حاجة كويسة عشان كده فى شفا تام بإذن الله بس الواحد بيصعب عليه نفسه معتش قادر يعانى ولا يواجه
كنت امبارح حاسة إن حياتى وقفت بس قعدت مع نفسى وافتكرت كل الأوقات إلى مريت بيها وقد اى أنا كنت قوية وتعدى وبعيش حياتى عادى وقررت أكمل حياتى عادى واتبسط واعمل كل حاجة بحبها ومحطش الموضوع فى دماغى
الحمد لله الدكتور النهاردة طمنى وقالى إن دا شئ متوقع عشان الضغط إلى كنت بمر بيه فى فترة الامتحان وإن فى شفا تام إن شاء الله
ادعولى ربنا يتم شفايا على خير❤❤
ادعولى ربنا يتم شفايا على خير❤❤
جاري تحميل الاقتراحات...