انا مقدر كل الناس اللي في الكوت اللي بتأكد علي معلومة جوجل، بس ساعات الناس بتنسي احساس انك تبقي فى نقطه الصفر، وانت هناك جوجل هيتوهك اكتر ما هيفيدك، انا ذاكرت كورسات beginners فى البرمجه خمس مرات ٤ منهم كانوا قمامه ومستفدتش الا من واحد وبنيت عليه، وده بس اللي برشحه (١)

وانت mid level او سنيور ال autonomy بتاعتك بتكون نضجت وبتعرف تجيب ال know how بسهوله، البديهي ليك النهارده مش البديهي ليك من عشر سنين بس انت بتنسي، اتمني اي حد واقف عند نقطه الصفر ميحسش بالسوء تجاه نفسه لو حس انه مش قادر يجوجل بكفائه، ده طبيعي فى عصر فيضان المعلومات (٢)

شوفلك منتور فاضي، حد عنده سنين خبره كبيره، لو ادالك ربع او نص ساعه من اسبوعه لمدة ٦ شهور هيكون ابركلك واهم مليون مره من جوجل، محتاج تبقي مجهز نفسك ومرتب اسئلتك وسرشت علي كل حاجه وتوهت قبل ما تتكلم معاه عشان الموضوع يكون مفيد، وبالتوفيق للجميع ان شاء الله. (٣)