اكو ولاية قديمة احتُلت من قبل دولة كبرى ثم اقامت نظاماً سياسياً تحت ظلّ الاحتلال، واكيد من تريد تأسس نظام جديد لازم دستور جديد يتماشى مع المرحلة الراهنة وتطلعات الامة ويحقق اهدافها في المستقبل..
كعدو الآباء المؤسسين وهمة من كبار السياسيين في البلد كتبو دستوراً وضعوا فيه

عبارات غامضة واخرى غريبة…
اليصفن بهذا الدستور يشوف ان وحدة من اهدافه تقسيم الولاية في المستقبل…
لحظة في المستقبل؟
لا هو حط اللبنة الاولى للتقسيم من ذكر فد عبارة كلش غريبة وهي (المناطق المتنازع عليها)!.
ولا وشريف بوقتها كللهم يابة هوب هوب هاي مفردة تنكتب بين …

دول متعاركة على وصلة كاع، شنو قصدكم يمعودين يعني تريدونا نتقسم بعدين الى ولايات عدة وفق الدستور لو شنو؟؟.
مو بس هاي اذا تكلب دستور هاي الولاية تلكي بي بلاوي يابو بلاوي كلها تؤدي الى تقسيم الولاية..
ويجي بطران بعد ٢٧ سنة من تاريخ تأسيس الحكم الرشيد والدستور الجديد ويسأل:

همة اهل الولاية ليش مو وطنيين؟ ليش انتماءاتهم مناطقية وطائفية؟.
خوية نام والله كريم منا لحد ما تطك الطكاكة.