في علم الاجتماع أحيانًا يُقسّم أي مجتمع لأربع فئات: مُسيطرة، وتابعة، ومتواطئة، ومُهمشة.
1) الفئة المسيطرة مش بالضرورة تكون الأغلبية (غالبًا بيكون العكس) ولكن سيطرتها بتبقى فكرية وسياسية وعلى أساسها بتتحدد معايير المجتمع.

2) الفئة التابعة هي الفئة اللي بتخضع للفئة المسيطرة، ودي بتبقى في حالة من التضاد مع الفئة المسيطرة.. يعني الفئة المسيطرة بتعرّف نفسها بأنها عكس كل حاجة عليها الفئة التابعة، فلو مثلاً كل الناس في الفئة التابعة مابتلبسش شرابات، الفئة المسيطرة هتُعرف بأنها الفئة اللي بتلبس شرابات.

3) الفئة المتواطئة لا تنتمي بالضرورة للفئة المسيطرة لكنهم بيستفيدوا من معايير ومميزات الفئة المسيطرة، فهتلاقي واحد منهم مثلاً بيتربح من بيع شرابات مع أن رجله عمر ما شراب لمسها.

4) الفئة المُهمشة دي بقى اللي غُلب لأنها مش بس بتخضع للفئة المسيطرة، لأ دي مابتتعاملش على أنها جزء من المجتمع أصلاً.. هوا! فدول لو مشيوا حافيين أو لبسوا شرابات أو حتى لبسوا كرتونة شيبسي في رجليهم مش هتفرق مع حد لأن علاقتهم بالفئات السالف ذكرها أهي نهم ملهمش أي علاقة بالمجتمع ده.