16 تغريدة 53 قراءة Jan 12, 2024
الطريق للطب في أمريكا طويل ومليان عقبات ، أولها هو غموض خطواته والتشتيت الكبير بين مصادر المذاكرة
في الثريد دا هحاول أرسم صورة عامة لرحلة الـ USMLE بتبسيط شديد من أول يوم مذاكرة لحد الـ MATCH
متضمنة مصادر المذاكرة لستيب 1 والتكاليف الكلية بشكل مبدئي
في عندي كذا Pathway للحصول على ECFMG certification اللي هو عبارة عن رخصة مزاولة المهنة تحت إشراف طبيب في أمريكا انا هتكلم عن Pathway 3 الأشهر بالنسبالنا كطلبة او حديثي تخرج واللي بيحتاج اعتراف من WFME بالكلية وهسيب فيديو في نهاية الثريد لتفاصيل أكتر
لو انت طالب في الكلية لسه وناوي تبدأ تذاكر اعمل حسابك ان في كفة هترجح وتاخد تركيزك أكتر من التانية ف ما تبدأش إلا وانت مختار كفة المعادلة علشان قليل اللي بيقدر يدي مجهود كافي للحفاظ على مستواه في الاتنين احنا بشر :"
دا مخطط توضيحي للي هتكلم عنه .
امتحانات Step 1 ,2 , and 3 وامتحان ميدكال انجلش OET كلهم متاحين في مصر ما عدا ستيب 3 اللي غالبا بيتم اختبارها في أول سنة نيابة بعد الماتش وحاليا البعض بياخدها قبل التقديم للماتش كنوع من زيادة تنافسية ال CV
{ Step 1}
الأصعب والأطول لأن كل ما هو قادم مبني على تأسيسك فيها ولأنها هي بداية معرفتك بالتغيير الجذري في نظام المذاكرة والامتحان ، كانت قبل كده بنظام سكور ولكن حاليا Pass/Fail بس مازالت بنفس الأهمية زي ما وضحت ف محتاجه استثمار مناسب للوقت والجهد
مدة الإمتحان : 8 ساعات
مصادر المذاكرة لستيب 1}
بشكل أساسي هم
- بنك الأسئلة UWorld
-كتاب First Aid
-B&B Videos
-NBME exams
والثريد دا الإكسبيريانس بتاعتي ازاي استعملتهم وازاي بيعدي يوم الإمتحان :
bit.ly
{ Step 2}
توأم ستيب 1 لكن محتواها كلينكال اكتر و70% تقريبا مبني على اللي اتعلمته في ستيب 1 علشان كده مهم تأسس نفسك صح فيها ، النتيجة بتكون بنظام سكور وكل ما كان سكورك عالي كل ما وفر عليك حاجات كتير قدام بالنسبة للماتش
مدة الإمتحان : 9 ساعات
{ Step 3}
آخر علاقتك بال USMLE Exams ومش مطلوبة للحصول على ECFMG certification وغالبا بيتم اختبارها أثناء النيابة في سبيل الحصول على شهادة مزاولة الطب بدون إشراف
مدة الإمتحان : يومين
اليوم الأول : 7 ساعات
اليوم الثاني : 9 ساعات
{ Electives / Research}
الجزء الأهم في ال CV والأكثر تكلفة
ال Electives عبارة Hands-on Clinical Experience في مستشفى أمريكي تحت إشراف أمريكي وهي فالCV أقوى وأهم ومطلوبة في كل التخصصات تقريبا عكس الريسيرش اللي مش مهم أوي في تخصص زي الباطنة
بعد نهاية مدة الترينينج بتاخد Letter of Recommendation من الطبيب المشرف عليك والحد الأقصى لعدد خطابات التوصية اللي ممكن ترفعها هو 4
لو مقدرتش تحصل على فرصة Electives بتلجأ للريسيرش اللي بيكون مهم في التخصصات التنافسية ان يكون عندك عدد Publications كويس ، ممكن تلاقي مكان Paid وممكن تلاقي Unpaid ودا الأغلب ف بيحتاج تجمع مبلغ يكفي مصاريفك فترة لحد ما تبدأ تبقى Paid
الستيبس هي الثابت الوحيد في الطريق للماتش غير كده محدش فينا رحلته زي التاني مش شرط كل الناس هتمشي بالورقة والقلم زي شخص معين واللي بينفع معايا ممكن مينفعش مع غيري والعكس ، الدرب بيختلف لكن الوجهة واحدة وكل الطرق صعبة ف استعن بالله وابدأ
قبل ما أنهي عايز اقول حاول دايما تحيط نفسك بأصدقاء ماشيين نفس الطريق لأن الكسل هو عدوك الأول - أو افتكر ببساطة ان لو مذاكرتش هتفضل في مصر XD
محدش فينا مطالب بغير السعي وربنا هو اللي بييسر ويوفق

جاري تحميل الاقتراحات...