#ثريد :
ساحر نيجيري يعد شخص ب 700 مليون ، ولكن بشرط يتزوج جنيه روحانيه من ملوك الجن 🔞☠️:
فضل التغريدة وتابع السرد :..

يقول صاحب القصه في آحد الأيام قابلت ساحر نيجيري وبدا يطرح علي فكره اني اصير مليونير وعندي فلوس كثيره وقالي في وحده من ملوك الجن وثريه جداً تحبك ومستعدة تعطيك الي انت تبيه بس بشرط انك تتزوجها
لانها تحبك فعلاً ، فكرت في الموضوع وافقت انا وقلت ما عندي مشكلة بما اني عزابي ، وبعد فتره ارسلي الساحر وقالي لازم تقدم مهر لها وقلت للساحر ما عندي الا 5 الف ريال هذا المهر الي اقدر اقدمه لها الآن وكان يقولي الساحر انه ما تحتاج الفلوس ولكن هذي عادات عندهم نفس عادات الانس

ومرت الأيام وقالي الساحر هذا لازم يكون عندك بيت لوحدك وفعلاً اخذت بيت لوحدي واستاجرت بيت وا اثثته وسكنت في بعد فتره جاني الساحر البيت وقالي الآن وقت الشوفه الشرعيه وشرط علي هذا الساحر اني افرش البيت بالكامل بغطاء ابيض نفس الكفن يقول لان هذي روحانية من ملوك الجن وطلب مني الساحر اني اطلع برا الغرفة عشان يحضرها وبدا الساحر هذا يتمتم بكلام غريب جداً مـا ينفهم وكان ماسك ساعه في يده وجلس ١٠ دقائق تقريباً وهو يتمتم بعبارات غريبه بعد فتره طلع من الغرفه وكلمني قالي ادخل

دخلت كانت واقفة قدامي وفي حياتي ماشفت جمال مثل جمالها كانت جميله جداً وجمالها لايوصف ابداً ، بعدها جات لحد عندي وحضنتني وقالتلي الي يطلبه منك هذا الشخص عطه ولا تتردد تقصد الساحر ، بعد ما خلصنا الشوفه رحت بكلم الساحر انه خلاص خلصنا بمجرد ما عطيتها ظهري ومشيت اختفت فوراً
ومرت الأيام وجاء اليوم الي فيه لازم ادخل على زوجتي هذي الي من الجن ودق علي الساحر وكلمني وقالي روح بيتك الي انت مستاجره وراح تجيك زوجتك لحد عندك في الغرفه الي حددها لي وفعلاً رحت للبيت وللغرفة الي حددها وحصلتها قدامي متواجدة دخلت عليها وبعد ما خلصنا قالتلي روح تسبح مجرد ماجيت

بطلع وعطيتها ظهري نفس المره الاولى اختفت من المكان وما كأن لها اثر ابداً ، وتمر الأيام والساحر هذا اخذ مني فلوس كثيره وكان دايم يقولي راح تعطيك هي الفلوس من كيفها لحد ما مرت سنوات وما جاني شي وتوفى هذا الساحر النيجيري ، وباقي هذي الجنيه تجيني وانا نايم تاخذ حقها مني وتروح
اذا جاتني وانا نايم احس بهمس في أذاني واحس بحراره في جسمي وثقل كبير في جسمي ما اقدر اتحرك وبعد ما تخلص تروح من عندي ، ورحت لمشايخ كثير يقرون علي عشان تطلع مني ولكن بدون اي فايده
لأن يعتقد انها من الجن المسلم وتحب هذا الشخص ، بسبب هذا الساحر خرب حياته واخذ اموال مو بسيطه وبعدها توفى والشخص هذا مبتلي بالجنيه العاشقه له وتعتبر زوجه له
النهاية: