رتبها

بسام الشماع
الراقص بالتاريخ المصري على نغمة التجنيس في محفل اللاجئين القادم من بحر الظلمات لمصر وتاريخ المصريين
هذا السرد مش معني بمهاجمة حد ولا التقليل من حد،هو فقط عايز يقول:
الاختلاف له أصول
حقي وحقك حجتي وحجتك
الرد على المسيئين مكفول في حدود الأدب والاحترام
#شيرين_هلال
-١👇

هو مجرد محاولة للمناقشة وطلب التوضيح!
نزلت ببوست صورة شهادة الميلاد المصرية اللي مكتوب عليها "مس إم كمت" يعني مولود في كمت أو مصر وكمت بتعني الارض السوداء مش معنى كدة إن مصر سودة لكن المصريين القدماء كانوا بيعرفوا الأرض بالألوان :

يعني أرض الصحراء سماها "دشت" كانوا بيقولوا عليها الأرض الحمراء والأرض الخصبة لوادي النيل "كمت" بيقولوا عليها الأرض السوداء وهكذا، ناهيك بقى عن دلالات الألوان المختلفة في الميثولوجيا المصرية القديمة وعلاقتها كمان بالفكر الديني.
البوست زي ما حضراتكم شايفينه
-٣تابع

مفهيوش إلا إقرار من الدولة بالهوية المصرية لمواطنيها على أول وثيقة رسمية بيحصل عليها المواطن المصري وهي شهادة الميلاد
و فوجئت بهجوم واستهتار من شخصية بسمع عنها في الاعلام اسمه "بسام الشماع" بيعمل مداخلات عن التاريخ المصري القديم في الفضائيات ومؤلف كتب وواخد عشرتاشر شهادات
-٤تابع

من جهات محلية واجنبية
ودا فيديو له بنفس الكلام
بتهبش ليه يا فندم؟
أنا مسمعش عن جنابك إلا طشاش يعني؟
وإيه مشكلتك مع بوست أنا نزلته لو صحيح؟
لقيت السيد المبجل بيهاجم أي حد يتكلم في التاريخ المصري وواخده ملكية حصرية!
-٥تابع
📸 Look at this post on Facebook facebook.com

facebook.com/10000129595165…

Facebook

ومن هنا ربنا كتب عليه قلمي لانه تخطى الحدود الحمراء بتاعة اي مصري وهي احترام الإنتماء المصري بكل ما تحمل هذه الكلمة من معنى (الجنسية-الهوية-العلم-الخريطة-التاريخ-الحدود-الرموز،...)وبحثت عنه بحث دؤوب عشان أعرف أنا بكلم مين
لأن التعويل على تعريف الإعلام ياما تسبب لينا في خيبات!
👇

لقيت السيد بسام مرشد سياحي ويطلق على نفسه سفير دبلوماسي ومؤرخ وباحث في علم المصريات وقال ايه ، هما اللي قالوا هو مقالش حاجة طبعا :
اسم شهرته "فارس التاريخ"
فارس التاريخ ببكالريوس كلية السياحة ؟
والدبلوماسي دي بتتوزع فين يا جماعة؟
-٧تابع

لا طبعا الراجل مؤلف لعدد من المؤلفات كتيييير اوي باللغتين الانجليزية والعربية أغلبها مطبوعة في دار المعارف التابعة للمجلس الأعلى لتنظيم الإعلام!
اوبااااااا
هنا الرجل بيطبع في أماكن عليها رقابة شديدة وتحت اشراف الدولة-أمال الهجوم المستمر دا جاي منين معلش؟
-٨تابع

هنعرف بعد شوية لما نتعرف على عدد الشهادات والدروع والحاجات والمحتاجات اللي بتلمع جامد!
كمية المؤتمرات اللي حضرها حاجة فخيمة جدا جدا الصراحة وكلها ما بين بريطانيا والولايات المتحدة الأمريكيةوالابحاث بالعنجليزي، حاولت ادور على اي بحث من دول منشور ..
مفييييش ملقتش صريخ ابن يومين!
-٩

ناهيك بقى عن برامجه التي لا حصر لها سواء محطات اذاعية أو تلفزيونية فضائية ولا أرضية، دا حتى كان لسة مشرف في جلسة مناقشة الهوية في الحوار الوطني من كام شهر.
وقال خطبة عصماء على منصة صالون الأوبرا الثقافي من كام يوم، حاجة كدة انتشار زي ما النار بتنتشر في الهشيم.
-١٠تابع

عدد المحاضرات اللي قدمها في الجامعات والنوادي والمحافل والندوات والجمعيات الحقيقة أكتر من الرز، اخطرها اللي في الجامعات الحكومية والخاصة على حد سواء.
الأسطورة بتاعنا له رابطة اسمها "رابطة محبين بسام الشماع" مش معروف مين ربطها لان هو شخصيا بيشتكي من قلة التفاعل على صفحاته
-١١تابع

ما بقي المحطة المهمة في مسيرته عضوية الجمعيات التاريخية!
و أنا بنكش وأدور ورا مسيرته العطرة لقيت خناقة و شبطة
السيد المحترم المبجل تم طرده من الجمعية التاريخية المصرية ودا اتذكر في بيان عن رئيس الجمعية أ. د. جمال شقرة، ردا على ادعاءات بسام بانه جدد اشتراك الجمعية –
-١٢تابع

د جمال:
المذكور خدع الموظفة وعضويته تم إلغاءها
وان البيان بيأكد على"أي شيءيكتبه أو بيصدر عن"بسام الشماع"لا يعبر عن الرأي العلمي للجمعية ودا ردا على إدعاءاته الكاذبة في إن :"المصريين عرب والعرق المصري قوم خليط"سيادته شايف ان المصريين الأصليين نوبيين والمصريين احفاد الاجانب!
-١٣👇

اما المصريين أصحاب الشعر الاشقر والاحمر على المعابد هم اجانب من الشام وبيعدد أفضالهم على الحضارة المصرية في محاضراته"
أنا سمعت الكلام دا فين قبل كدة؟
مين اللي دخل مصر من قريب وابتدى يكلم عن مشاركته للمصريين في التاريخ؟
متهيألي باينة يعني
-١٤تابع

(اللاجئيين والافارقة وحبة شعوب تانيةكانت محتاجة تاريخ فقالت مصر بتاعتناوكدة)
دا كلام اتقال فمحاضرات وتم التراجع عنه في منصات على استحياء مع العودة لنفس كلامه
ادعاءته بتخدم أجندةالافروسنتريك مباشرةوبلا مواربة لأن هما كمان بيقولوا إن مصر بتعترف بهويتها السوداءمن كمت"الأرض السوداء"

من أراءه التقدمية اللي يمكن العقل الجمعي لم يتوصل لها بعد، إنه كان ضد التيار العاتي من المصريين اللي وقفوا ضد محاولات الافروسنتريك للقدوم لمصر للترويج لفكرهم من خلال المؤتمر اللي كان مفروض يتعمل في أسوان تحت إسم "العودة إلى الجذور كمت" و تحت ضغط التيار الجارف من المصريين
-١٦👇

الغيورين على تاريخهم تم إلغاء هذا المؤتمر. السيد بسام كانت وجهة نظره انهم يجيوا و يتم مناظرتهم من اتنين من العلماء واحد عالم مصريات و الاخر مرشد سياحي (لأن المرشد السياحي اشتغل على الأرض و عنده وسيلة اقناع) دا بحسب نظريات الشماع ، و مين بقى المرشد السياحي الاقرب للترشح
-١٧تابع

لإقناع هذه الجحافل من المركزيين الأفارقة اللي كانوا جايين بالالافات و هيخروا ساجدين لما يسمعوا منه كلام عكس اللي جايين عشانه وكانوا بيتربوا عليه و هما في اللفة ؟
بالتأكيد السيد العبقري بسام الشماع دا كان هيديهم توت عنخ آمون وهما ماشيين لأنه بيقول علي الملك المصري
-١٨تابع

صاحب المقبرة الوحيدة المكتملة ملك افريقي اسود وبكدة يحلها بالأساليب السلمية!
It goes without saying
محدش يتوسط عنده يدخل يقنع الصهاينة بان الارض دي مش أرض المعاد بما إنه رجله واخدة على مرواح اسرائيل مرة في 2012 والتانية في 2017 عن طريق معبر الأردن!

وظهرت له مطالبات مكانتش مستخبية ولا حتى مستحية على الفضائيات بعد الزيارة الميمونة للكيان الصهيوني طالب فيها بنقل المعابد اليهودية الموجودة على أرض مصر لإسرائيل كدة هدية أراك توزع بجد من مال قارون مش اي حد تاني!!
تخلص بقى نظريات السيد شماع لا

يموت موت كدة في نزع اي ملمح مصري أو حتى أخلاقي عن ملكاتها
يقولك نفرتيتي و التي تعني الجميلة أتت ودا معناه أنها لم تكن مصرية وأتت من الخارج لأننا لا نعرف أهلها!
معرفش نفرتيتي مطلعتش بطاقة ولا إيه فقام منعم عليها بالهوية الشامية هي كمان ... يلا ما هي هاصت!
-٢١

حتشبسوت بقى اللي كان لها نصيب الأسد من الجلد بالسوط من السيد الكنعاني وقال عليها "الملكة السافلة"، معلش فكرة تولي إمراة العرش بالنسبة لقومه مش مقبولة شوية، بس هو نسي إنه بيتكلم عن ملكة مصرية.
-٢٢تابع
#مقاطعة_محلات_السوريين

بس بشوية بحث صغنن كدة لقيت مشكلته مش مع الملكات المصرية القديمة، لا هو واضح عندة مشكلة مع المصريات عموما!
-٢٣تابع

هو الحقيقة معندوش مشكلة مع المصريات بس بس انا محبتش اقول كدة من الاول هو عنده مشكلة مع النابهين من اهل مصر ما شاء الله عليه بما انه جايب الديب من ديله
شايف ان محمد صلاح ابن عاق!
-٢٤تابع

والتنقيب عن الآثار بيسميه "نبش قبور"
وحصل على تصريحات القبور جدل كبير في البرلمان عشان يردوا على تصريحات السيد المعظم بسام الشماع، وهات الإفتاء واسأل دينية البرلمان، وعضو لجنة السياحة بالبرلمان يوصفه بالتعصب، وليلة كبيرة سعادتك!
مش بس التنقيب اللي رفضه الشماع،
-٢٥تابع

دا شايف إن مصر لازم تنسحب من منظمة اليونسكو بحجة الإعتراض على المادة اللي بتسمح بتداول الآثارةالمصرية"نمسك على المصطلحات و نشوف المادة الرابعة من اتفاقية انشاء مكتب اليونسكو في مصرونلاقي الكلام دا مش موجود
لا في الميثاق ولا انشاء مكتبها في مصر طيب ايه الحكمةمن الانسحاب حضرتك؟
-٢٦

من المنظمة اللي مسجلة لمصر لوحدها39 موقع سياحي أثري على موقعها الرسمي وبيتعمل لمزاراتنا السياحية دعاية(مجانية)قوية جدا بسبب وجود المواقع دي في قائمة اليونسكو؟
قارة أفريقيا بحالها مش متسجل عليها إلا99 موقع أثري يعني مصر لوحدها عندها39% تقريبا من اللي عند 54 دولة في قارة كاملة
-٢٧

وبحسب الخبراء دا مركز متأخر جدا لمكانة مصر التارخية والأثرية ومحتاج مزيدا من الشغل عليه،يقوم السيد فارس البطيخ يقترح إننا ننسحب من المنظمة !
دا عمدة ليفربول عامل خناقة مع اليونسكو عشان أزالت المدينة من على موقعها وبيقولها اشمعني مصر اللي المحلات والمطاعم محاوطة اهرامات الجيزة
-٢٨

فيها وردت عليه اليونسكو بكل الثقة (نظرا لأهمية الأهرامات في الثقافة والتراث العالمي)، ارجع اشتغل على المدينة وهنعيد النظر في إدراجها مرة تانية!🤣
هل كان يعلم السيد بسام إن مصر من أول 20 دولة صدقوا على تشكيل المنظمة واحتفظت بعضوية المجلس التنفيذي لليونسكو من سنة 1946!
-٢٩تابع

وهل عنده علم بحجم مشروعات التعاون اللي بين مصر واليونسكو وإستفادتنا منها أد إيه؟
اليونسكو اتعاونت مع مصر في انقاذ معبدين مهمين وهما معبد فيلة ومعبد أبو سمبل من الغرق في مدة20سنة من النقل والتركيب لحماية منطقة آثار النوبة من الغرق وساهمت في إحياء مكتبة اسكندرية،ومشاريع تانية
-٣٠

اليونسكو اللي بتتصارع دول العالم والمنطقة لتسجيل عناصرهم الثقافية فيها
عايز أهم وأغنى دولة ثقافيا وتراثيا تنسحب منها وتفضي الملعب لغيرها من الدول
دا واحنا جوة سجلت اسرائيل الطعمية والإمارات سجلت التلي والسعودية ناوية تسجل السمسمية معانا محبة قصدي مشاركة
x.com
31

Loading tweet...

نقوم نطلع من المنظمة الصبح عشان دول المنطقة تسجل الفول المدمس والجلابية الصعيدي واحنا مقموصين العصر!
فوق كل هذه الإدعاءات مصر استردت السنة اللي فاتت بس 30ألف قطعة أثرية في 8سنين منهم 5300قطعة آثار ف2022 لوحدها!
يعني لا إتفاقية اليونسكو منعتنا ولا البروبجندا دي لها ظل من واقع
-٣١

هو انت معرفتش مدير متحف اللوفر حصله إيه من مصر يا فارس التاريخ والجغرافيا كمان يالا ولا تزعل، هو حد هيعد وراك !
x.com
تاني أراك توزع من دولاب العيلة بتاعة الإنت!
-٣٢تابع

Loading tweet...

فوتكوا في الكلام البروفيسور الباحث فارس التاريخ أصوله من الشام وتم تجنيس عائلته في عهد الأسرة العلوية 1937 وهو ورث عن ابوه الجنسية المصرية، ووالدته يقال إنها مغربية الأصل، ويمكن عشان كدة بيوزع العرق المصري على دول المنطقة والعالم من مال "عيلته" ، منعرفش
-٣٣تابع

لكن خلونا نتعرف على باقي تفضيلات السيد النابغة
شايف إن مصر عربية الاصل والعرق وبيستشهد بدكتور الجغرافيا الشهير جمال حمدان زورا وبهتانا لأن جمال حمدان ملغاش العرق المصري المتجانس بالعكس كان شايف ان الدم العربي موجود وتغلغل و لم يزحزح العرق المصري بالعكس ذاب فيه وحصله"تمصير"
-٣٤👇

أدى إلى نوع من التجانس اللغوي والديني. وشايف كمان إن زيه زي دماء كتير ذابت في العرق المصري ولم تعد غالبة، بل تلاشت تماما وبقى العرق القبطي المصري هو المهيمن.(القبطي المقصود=المصري)
-٣٥تابع

بسام بيرفع شعار لا للملل، لكن في نفس الوقت "الإبداع"تقيل على قلبه
فتلاقيه دايما يطلع بموضوعات متجددة عشان تفضل الاضواء مسلطة عليه و على نظرياته فتلاقيه فجأة أصبح ناقد فني وقال نجيب محفوظ شوه تاريخ المجتمع المصري في "الثلاثية "،وأنه حاكي قصة الله والأنبياء في "أولاد حارتنا"
-٣٦👇

يقوم يحصل استنفار من النقاد والأدباء للدفاع عن نجيب محفوظ صاحب نوبل أمام هجمات السيد بسام!
والحقيقة مش نجيب محفظ لوحدة
احمد شوقي
الخديوي اسماعيل
محمد علي
شوف كل ما هو رمز مصري باذن الله هتلاقيه في مرمى اهداف القديس السيد بسام الشماع!
#توطين_اللاجئين_نكبة
-٣٧تابع

كمان من ضمن أفكار جهبذنا إن رابعة مذبحة ورفع علامتها في زيارته (مرتين راح اسرائيل)للكيان دا غير طبعا الاساءة للدولة المصرية في بوستاته على مواقع التواصل و الله اعلم بيقول للأجانب ايه عن البلد اللي أوته هو وعيلته وتاريخها اللي لحم اكتافه من خيره!
-٣٨تابع
#مصر_للمصريين

السيد بسام وزي ما نوهنا حاصل على شهادات عديدة لكنه لم يقيد كباحث في اي جامعة أو أكاديمية تخص دراسة التاريخ ما بعد البكالريوس لكن أعلن عن حصوله على دكتوراه فخرية من جامعة سمارت انتل و في بعض ما ورد على المواقع قيل إن مصدرها غير معلوم وقد تكون مزورة!
مش انا اللي بقول🤦🏻‍♀️
-٣٩تابع

ناهيك عن إن أغلب الكتب المنشورة لسيادته إما انها كتيبات صغنونة أووووي (28 صفحة) أو كتب ملهاش مصادر علمية مذكورة-يعني تطوع من جنابه!
طبعا عنده كتب باللغة الانجليزية محدش عارف محتوياتها فيها ايه ؟!
-٤٠تابع

و مفاتش فارس التاريخ ومؤرخ التأليفات انه يشمل الاطفال برعايته الكريمة وعمل اهم برامج عشان يتأكد انه حط التاتش بتاعه على الاجيال الجديدة
و ربنا يسترها علينا 🙈🤦🏻‍♀️
-٤١تابع

بسام كمان متبع لنظرية شهيرة في الفلكلور المصري إسمها
"بص العصفورة يا حبيبي"
بيتعمد ابراز ملمح جاذب من ملامح الحضارة المصرية القديمة ويدعمه ويكبره و يصنع منه حدث عشان يمكنه من صنع هالة حواليه من الوطنية ، تخلي المشاهد يشوفه غيور على الحضارة المصرية
-٤٢تابع

لكن في نفس ذات الوقت اللي بيعطى فيه المشاهد مخدر رائع، بيكون سحب منه مكون من مكونات هذه الحضارة بمنتهى السهولة واليسر أو بحسب الفولكلور الشعبي
"بخفة يد"
ندي مثال صغنون كدة:
-٤٣تابع
#توطين_اللاجئين_نكبة

يقولك المصريين أول من إخترع المروحة للتهوية تمام حلو كدة
وبعدين يرجع يقولك لا المصريين الموجودين دلوقتي مش هما بقى المصريين اياهم اللي عملوا الحضارة عزيزي القارئ ويقعد يعدد لك في اسباب من اختراعه!
هنا هو اداك المروحة و اخد منك الإنتماء والأصل !
ناخد مثل كمان؟
-٤٤تابع

يطلع بحملة شعواء ضد الصهاينةوبني صهيون ويمجد في التاريخ النضالي للأمة العربية ويقولك أنا مثلي الأعلى صلاح الأيوبي وأمير المؤمنيين عمر بن عبدالعزيز،حلو الراجل عروبي إسلامي غيور على الدين ومعتز بهويته العربية، لكن يرجع يقولك:
بس احنا نبعت لإسرائيل المعابد اليهودية الأثرية بقى!
-٤٥

شفت ازاي!
فتطلع الأسئلة:
ازاي شخص ببكالريوس يكون عنده كل المنصات منتظرةحديثه وشايفة انه كمان باحث؟
وفين المراجعة العلمية لمحتوياته وخصوصا الكتب(الكتيبات)لو هو بيروج للفكر دا؟
وازاي كمان بيدي محاضرات فالجامعات ويدرس للطلبةوهو مش حاصل على درجات علمية تمكنه من تقديم علم للطلاب؟
-٤٦

وكمان ازاي محدش فكر يدور وراه ويعرف اذا كان فعلا مؤهل ولا لاء بالرغم من أن أغلب اللي ذكرته مكتوب ومدون على مواقع التواصل؟
فين كمان اساتذة الاثار والتاريخ وعلم المصريات في الجامعات من المشهد اللي مستولي عليه بسام الشماع-على حد علمنا مصر عندها 9كليات للآثار في جامعتها الحكومية
-٤٧

دا غير الموجودين في الجامعات الخاصة؟
الناس دي لو مش هي اللي بتتكلم في التاريخ المصري القديم، يبقي طبيعي يسد هذا الفراغ حد زي الشماع!
مين بسام الشماع عشان يثار حوله كل هذا الجدل ويعطل البرلمان ويشغله عن مصالح العباد ، ولا يتخذ ضده أي اجراء قانوني؟
-٤٩تابع

ومين الجهة اللي ممكن توجه اتهامات لهذا النوع من القضايا؟
فين الرقابة والتفتيش ورا المرشدين السياحين وإيه يضمن لي كدولة انه هيوصل تاريخي مش محرف ولا ينسبه لشعوب أخرى أو ينقل صورة سلبية؟
هو ايه حالة العبث الاعلامي اللي تدي المساحة لشخص ما بعينه بدون اعطاءها لاخرين؟
-٥٠تابع

سؤال رزل و بايخ كمان :
مين ورا دعم الشماع بالقوة دي للوصول لكافة قنوات الدولة وكافة الصحف تقريبا واستيلاءه على شريحة المؤرخيين والآثريين بالكامل التي تعرض على المصريين بالكامل؟
المسألة مش خلاف فكري ولا مسائل علمية ، الموضوع أكبر وابعد من كدة .
-٥١تابع

الحالة اللي بيعبر عنها بسام الشماع بتصرخ في وش الحاضر بآثار التجنيس اللي هتظهر هتظهر مهما اتاخرت . بسام ببساطة بيعزي حالة الاحساس بانعدام النقاء العرقي بإنه يمنع عن المصريين تبني الإنتماء للحضارة المصرية عن طريق توزيعها وتفتتيتها. فتلاقيه ينفخ النار في قضايا النوبة كمثال
-٥٢تابع

بسبب الاحساس دا هو وجد متنفس في ظهور الافروسنتريك وروج لهم بمنطقه المغلوط "بص العصفورة"
خطورة بسام في انه نافذ على منصات كتير ومفيش له حساب حصل على أي إدعاء في وقت إحنا بنعيش فيه حروب الاجيال والثورات الملونة اللي بيكون أول أسلحتها الوعي وهدفها افقاد الشعوب تاريخهم وهويتهم
-٥٣👇

واضعاف إنتمائهم لمجتمعاتهم تمهيدا لإسقاط الدول والحدود السياسية لها
حالة بسام بتقولنا بكرة بتاع المجنسين الجدد هتكون شكلها ايه مهما كان ظروف التجنيس خصوصا لو كان جاي من ورا هجرة جائرة زي اللي بتشهده مصر اليوم وعموما هو مش جديد علينا وحصل السيناريو دا قبل كدة في قصة الهكسوس
-٥٤👇

واحتلالهم ثم طردهم من مصر بعد مل قدموا إليها لاجئيين، من غير إطالة في حكي التاريخ، ومفيش داعي لإعادته، إذا مش منتبهين!
ملحوظة:
انا حقي الشخصي اخدته منه وفي نفس المنصة اللي رد عليا منها، لكن حق مصر وتاريخها مكنش ممكن اسيبه، انا عرضت القضية بامانة على اد ما قدرت وزي ما وعدت
-٥٥تابع

الكلام المذكور مش عنصرية ولا خصومة ضد جنسية بعينها أو مهاجرين مسالمين، هو ضد العبث والطمع.
في كل بلد في الدنيا في خطوط قانونية واضحة وفي حدود محدش يتخطاها تخص الوطنية والأمن القومي،والتاريخ المصري خط أحمر ومن خطوط الأمن القومي واللي بنشهده من تعدي ابناء بعض الجاليات
-٥٦تابع

أصبح لا يصح تركه بدون قوانين وضوابط صارمة. احنا دخلنا اعداد أكبر من قدرة أي بلد على الاستيعاب وكتير منهم بيطالبوا بالجنسية وحقوق سياسية ووصلت لمرحلة المطالبة بقطعة أرض!
وبسام الشماع مجرد نموذج ساب اثر و على ناس و محتك بالمجتمعات المختلفة برة وجوة

Facebook

التصنيفات

المزيد من هذا الكاتب

مواضيع ذات صلة

الأكثر اعجابا

Facebook

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة