ايه العلامات اللي تخليك متأكد انك بتحب الشخص اللي قدامك؟
١ - بتبقى مُستمتع بصحبته و بتحس انك عايزه يكون جزء من كل حاجة حلوة انت بتجربها.
٢ - بيعجبك وجوده عشان شخصيته عاجباك بجد مش عشان " بيقدم " لك حاجة، انت مُعجب اعجاب حقيقي بشخصيته و هويته.
١ - بتبقى مُستمتع بصحبته و بتحس انك عايزه يكون جزء من كل حاجة حلوة انت بتجربها.
٢ - بيعجبك وجوده عشان شخصيته عاجباك بجد مش عشان " بيقدم " لك حاجة، انت مُعجب اعجاب حقيقي بشخصيته و هويته.
٣ - بتحس انك مبسوط جدًا لنجاحاته و انجازاته و بتبقى عايزه يتقدم ف حياته و مش بتحس بالتهديد تجاه نجاحاته و لا بتغير منه و بتشجعه دايمًا عشان يسعى للأحسن.
٤ - بتهتم تسمعه إهتمام حقيقي، مش بتسمعه لإنه " مفروض " عليك تسمعه، لا! انت بتسمعه لإنك فعلًا عايز تسمع و مبسوط ب دة.
٤ - بتهتم تسمعه إهتمام حقيقي، مش بتسمعه لإنه " مفروض " عليك تسمعه، لا! انت بتسمعه لإنك فعلًا عايز تسمع و مبسوط ب دة.
٥ - بتبقى عايز تكون مكشوف قدامه و عايزه يعرف نقاط ضعفك و اكتر حاجات انت بتخجل منها و كذلك انت بتبقى عايز دة منه.
٦ - هتلاقي نفسك عندك احساس عالي بالتعاطف تجاهه ف هتراعي كلامك كويس و تصرفاتك و مش هتحس بالإنتصار لما تكسر قلبه و لا هتنبسط لما تخوفه منك و تحسسه بالتهديد.
٦ - هتلاقي نفسك عندك احساس عالي بالتعاطف تجاهه ف هتراعي كلامك كويس و تصرفاتك و مش هتحس بالإنتصار لما تكسر قلبه و لا هتنبسط لما تخوفه منك و تحسسه بالتهديد.
٧ - هتبقى عايز دايمًا انك تكون نسخة أحسن من نفسك عشان نفسك و عشانه، هو بيخليك عايز تكون شخص أحسن و انت عايز دة عشانه، انت عايز تبقى أحسن عشان هيرضيك انه علاقتك بيه تكون كويسة.
٨ - هيبقى هو أولويتك، مهما كنت مشغول و مهما كانت حياتك مزحومة بس هو له الأولوية.
٨ - هيبقى هو أولويتك، مهما كنت مشغول و مهما كانت حياتك مزحومة بس هو له الأولوية.
٩ - هتلاقي نفسك مهتم جدًا تفهم ايه اللي بيضايقه و ايه اللي بيجرحه و هتبقى حريص جدًا تجاه انك ماتعملهوش.
١٠ - هتحس بالذنب لما تضايقه و هتحس انك قصرت ف حقه فعلًا و هتهتم ان اعتذارك يكون صادق، مش هتعتذر اعتذارات مالهاش معنى و مش هتديله وعود فارغة. كل حاجة هتكون صادقة.
١٠ - هتحس بالذنب لما تضايقه و هتحس انك قصرت ف حقه فعلًا و هتهتم ان اعتذارك يكون صادق، مش هتعتذر اعتذارات مالهاش معنى و مش هتديله وعود فارغة. كل حاجة هتكون صادقة.
١١ - مش هتحب نهائيًا انك تعزله عنك و تعمل أسوار و مسافات، بالعكس! هتلاقي نفسك عايزه يعرف عنك كل حاجة و بتشوف ان دة بيقربك منه و كمان مش هتحس انك مخنوق لما تقرب منه و لا هتحس ان وجوده بيقيد حريتك.
١٢ - مش هتتملل و لا هتضرر منه لما يبقى محتاجك و هتبقى متواجد عشانه على قد ماتقدر.
١٢ - مش هتتملل و لا هتضرر منه لما يبقى محتاجك و هتبقى متواجد عشانه على قد ماتقدر.
١٣ - مش بتحس انك عايز تكون مع حد غيره عمومًا، مش هتحس انك بتصحى من النوم و ف بالك انه ياريت الشخص اللي معايا دة يكون حد تاني بدال شخصيته.
١٤ - هتبقى مبسوط جدًا و انت بتديله حريته و مساحته الشخصية و مش هتحب انك تطفل عليه و لا هتحاول انك تحطه ف قالب عشان ترضي احساسك بالتهديد.
١٤ - هتبقى مبسوط جدًا و انت بتديله حريته و مساحته الشخصية و مش هتحب انك تطفل عليه و لا هتحاول انك تحطه ف قالب عشان ترضي احساسك بالتهديد.
١٥ - مش هتلاقي نفسك بتسخر من اي حاجة بيحبها حتى لو انت مش بتحبها و لا هتلاقي نفسك متضرر لما هو يشاركك حاجة بيحبها و انت مش بتحبها، بالعكس! انت بتشوف اي حاجة بيشاركها معاك بتقربك منه اكتر و دة المطلوب بالنسبة لك، اي طريق بيقربك منه؟ انت بتحب تمشي فيه.
جاري تحميل الاقتراحات...