رتبها

[[#مصر_عبقرية_الانسان]]
(المؤسسة المصرية العسكرية).
اتفقنا ان المارد خرج من القمقم في 1952 .....صح...قول صح.
واتفقنا ان القوى العالمية قررت انها تقضى عليه تمام في 1967 ...صح...قول صح
واتفقنا ان المارد ريح شوية وقام بعتر أوراق العالم كله في 1973 .....صح...قول صح👇

واتفقنا ان العالم اتفق ان الحرب مش هاتنفع مع الناس دى تانى لانها مكلفة جدا ومش هاتجيب نتيجة.....صح.... قول صح
واتفقنتا انهم قرروا يمارسوا سياسة الحصار والاحتواء و الهدم البطئ ونجحت مع مبارك بصورة ممتازة...صح.... قول صح
وجاءت احداث يناير وكانت الفريسة جاهزة جدا للانقضاض عليها👇٢

وتقسيمها بين الصيادين .....ولكن لازالت هناك عقبة بسيطة جدا..... واعتقد الجميع ان التخلص منها مسألة وقت...... الجيش..... اللى سموه وقتها ..... العسكر.....
تخيل الجيش المصرى بقى اسمه عسكر
هذه التسمية لم تكن عشوائية او وليدة الشارع الغاضب من الأوضاع الصعبة التي تمر بها البلاد👇٣

دى كانت ثغرة بارعة لاستعداء الشعب على حامى حمى الديار .....
يا سلاااااام لما الجيش يضرب الشعب..... جيش ايه بس .... دول شوية عسكر..
* أحيانا عدوك بيكون من الغباء لدرجة انه بيتصور انه استطاع ان ينفذ الى نقطة ضعفك وانك على وشك الانهيار والسقوط ولا يعلم انه ذهب بك الى منطقة الأمان👇٤

* سلم مبارك البلد للقوات المسلحة (العسكر)......
***** اذن تم المطلوب..... (الشعب) سيصبح في مواجهة (العسكر) وهو المطلوب.....
***** وطبعا أولاد البنا كانوا في غاية السعادة والفرح..... أخيرا اصبحوا في حكم مصر ويمتلكون الجيش كمان ويحق لهم التصرف فيه كما يحلوا لهم👇٥

***** أولاد الضباع لم يعلموا انهم تم تسليمهم الى (المؤسسة العسكرية المصرية).
***** (المؤسسة المصرية العسكرية) اللى هي اختصارا اسمها (مصر) واللى سياسيا اسمها (جمهورية مصر العربية).....
*****دى مش تخريف....دى حقيقة.....
**** الكلام ده بجد؟...... اه بجد...... وهاتشوف وتحكم بنفسك👇٦

لو الساندويتشات خلصت... قوم اعمل طقم تانى واتوصى علشان القعدة مطولة....
وياريت شوية فشار وترمس شاى..
**** سنة 52 خرجنا من القمقم وكان عندنا جيش بعافية شوية .... وسلاح مش ولابد..
*****سنة 1954 عملنا حاجة اسمها المصانع الحربية....علشان نعمل شوية ذخيرة وسلاح خفيف.👇٧

*****سنة 1958 عملنا كلية اسمها الفنية العسكرية..... بتخرج ناس متخصصة في كل حاجة تخص القوات المسلحة ....ذخيرة .. صواريخ... متفجرات ...واسلحة كمان ان امكن.
***سنة 1965 تم افتتاح اكاديمية ناصر العسكرية...وكلية الدفاع الوطنى وهى متخصصة في الدراسات العليا للقادة العسكريين والمدنيين👇٨

(المدنيين..اه..الذين يتم ترشيحهم من قبل مؤسساتهم لدراسة التخطيط الاستراتيجي والقيادة
***سنة 1968 تم انشاء المعهد الفني للقوات المسلحة والذى اصبح الكلية العسكرية التيكنولوجية.
***سنة 1975 تم انشاء الهيئة العربية للتصنيع
تعالى بقى نمسكهم حاجة حاجة ونشوف عملوا ايه في مصر بالظبط👇٩

لا ...والاهم من كدة...الكوادر العاملة والمدربة على اعلى مستوى كان لهم اسهامات كبيرة في قيام المدن الصناعية الكبيرة في العاشر من رمضان و 6 أكتوبر......
طيب ده بالنسبة للبيت .... مافيش حاجة للغيط.....طبعا في..... جرارات زراعية و معدات زراعية متطورة ومقطورات ووسائل الرى الحديثة👇١٠

هذا غير الأسمدة والمبيدات...
الله.....يعنى مش عسكر.....احكم انت بقى ...ولسة
ده منتجاتهم اليوم غاية في الروعة والجودة والسعر المحترم..
طبعا مش عارف أقول لك المصانع دى أفادت مصانع القطاع المدنى ازاى ......
طبعا..... انتاج المخارط والفرايز والمقاشط و المثاقيب وماكينات التجليخ👇١١

كل هذه معدات مهمة جدا في المصانع وهى ذات جودة عالية جدا وأسعار ممتازة.
يعنى لو مش في البيت يبقى في الغيط..ولو مش في الغيط يبقى في الورشة او المصنع...
ومش بعيد يكون المدير بتاعك خريج كلية الدفاع الوطنى..
ومش عايز أقول لك ان العربية الجيب شيروكى بتتعمل في الهيئة العربية للتصنيع👇١٢

ولو حضرتك مسافر الخارج وراكب طيارة فاحتمال كبير جدا يكون الكابتن خريج كلية الطيران المصرية... اصل الطيار المقاتل بعد فترة وسن معين بيتم الاستغناء عنه بيروح الشركة الوطنية وماهو مش معقول طيار متكلف ملايين يقعد في البيت ...
بس خد بالك المنتج الاساسى هو الذخيرة والأسلحة الخفيفة👇١٣

والصواريخ والدبابات والعربات المدرعة والزرواق الخفيفة والسريعة والطائرات والدرونات و الرادارات وأجهزة الرصد والتشوش حضرتك متخيل الكوادر المطلوبة لانتاج هذه المنتجات والمصانع المطلوبة وكمية المعدات المطلوبة والادارة الفنية ...ده موال كبير..مش شغلة المقاتلين ( القوات المسلحة)👇١٤

دى شغلة (المؤسسة العسكرية المصرية) (عسكرى ومدنى)
يعنى ماطلعوش (عسكر) زى ما قالوا؟.....
خدعوك ولاد البنا.......(الجيش مكانة الحدود) فاكر طبعا......
طبعا كل الإمكانيات الرهيبة دى والاعداد المهولة التي تعمل بهذه المؤسسات تكون عبء على حضرتك.....لازم يكون لها اسهام تطور البلد👇١٥

وعلشان المؤسسة دى تؤدى دورها بصورة سليمة كانت محتاجة هيئة تبنى المصانع والمنشأت و المطارات و المعسكرات و و و
فكانت الهيئة الهندسية...... ناس على ارقى مستوى من الكفاءة والانضباط والتفانى.....
القوات المسلحة مش بتهزر..... مواصفات فنية.....يعنى زى مابيقول الكتاب..مواعيد👇١٦

زى ما اتفقنا باليوم والساعة.....والا.....انت عارف......
وجميع مشروعات القوات المسلحة تنفذها شركات مدنية تحت اشراف الهيئة الهندسية..
جميل الكلام.....قول جميل وبلاش تكسفنى......
نييجى بقى للقطاع المدنى.....مواصفات فنية؟ يا عم ماتدقش..... خليك شيك .....عديها👇١٧

والمواعيد.....ياعم اللى مايخلصش النهاردة يخلص بكرة.....هى الدنيا هاتطير....ربنا يسهل.... قول يا رب......
طريق مصر اسكندرية اشتغلنا فيه 9 سنين ولم ينتهى.....
كوبرى أكتوبر 29 سنة.....اه....29 سنة......
مصر كانت داخلة على مخطط استراتيجى كبير محتاج رجالة جامدة👇١٨

والحال زى ما انت عارف كل حاجة جاهزة والمهم التنفيذ سرعة....دقة....جودة..امانة..؟
انت كدة عايز ملايكة تشتغل مش الناس اللى عندناوالراجل
ما اتعودش على الفشل..
جاب رجالة الهيئة الهندسية للاشراف على المشروعات...
يعنى ( المدنى مع العسكرى) اه(عسكرى مع مدنى في المصانع الحربية)👇١٩

و(مدنى مع عسكرى في المشروعات المدنية).....منظومة اثبتت نجاح مبهر في كل المشروعات ابتداءا من حفر قناة السويس في 360 يوم.....قبل الموعد..... الى مشروعات الطرق...... ده غير كمية كبارى ومحاور .....ومطارات ..... ومشروعات تنقية مياة الصرف ده غير المصانع والاراض الجديدة👇٢٠

ومزارع السمك ومصانع التجهيز.....ده غير قاعدة محمد نجيب....وقاعدة برنيس في الجنوب.... ده غير العلمين والشغل اللى في سيناء...... يعنى مشاريع شرق وغرب وشمال وجنوب وتوشكى والدلتا الجديدة ..... ده غير مشروعات الصعيد..... ومشروعات الرخام والرمال السوداء.....
كل ده غير مزارع بتنتج👇٢١

بتنتج احلى منتجات وموجودة في الأسواق بأسعار جيدة وجودة عالية بشهادة الجميع ..
سيبك من كل الكلام اللى فوق.....خلينا في المهم
ايه ده .....هو لسة في تانى..
احنا مش اتفقنا ..... اعمل طقم ساندويتشات تانى وترمس شاى وركز معايا.... دا احنا يادوب هانبدأ.
*****فاكر كورونا......لأنسيت👇٢٢

الفيروس إياه.....اللى مرجح العالم ..
فاكر القوات المسلحة كانت بتعمل ايه كل يوم بالليل.....كانت بتطهر المباني والميادين......
وعملت اصطفاف لاكبر قوة حرب كيماوية وبيولوجية وانشأت اكبر مستشفى في استاد القاهرة سعة 4000 سرير......وكانت على استعداد تعمل كدة في كل محافظات ومدن مصر.👇٢٣

طيب هما العساكر مالهم بالطب والتمريض ورعاية المرضى..شوق نسيت ازاى
مش في كلية طب عسكرى اتعملت سنة 2013 وكلية تمريض كمان.....ده غير مدارس التمريض في المستشفيات العسكرية
عايز ايه يعنى...
مش عايز حاجة......(الجيش مكانة الحدود..ايه اللى جابه استاد القاهرة....وينضف البلد بالليل)👇٢٤

حاجة غريبة يا منى..
(المؤسسة المصرية العسكرية) (الجيش الأبيض..مع المموه) عملوا اكبر منظومة وانقذوا البلد من مصير اسود من السواد.....مصر الدولة الوحيدة في العالم التي لم تغلق اثناء الجائحة(ومشيها الجائحة) لانها كانت احدى الحروب القذرة على مدار التاريخ.. ونجونا منها بفضل الله👇٢٥

وبفضل تضافر (المؤسسة المصرية العسكرية) بمكونيها المدنى والعسكرى
وبفضل تضافر (المؤسسة المصرية العسكرية) بمكونيها المدنى والعسكرى.
***حاجة كدة على الماشى..
فاكر الجهاز بتاع علاج فيروس سي.. ايوه بتاع الكفتة
بعد الإعلان عن هذا الجهاز حصلنا على علاج الفيروس ب اقل من 1% من سعره👇٢٦

مع انتاج المادة الفعالة في مصر
بالعقل كدة..... لو كان الجهاز فنكوش ...مافيا الدواء اعطونا الدواء ببلاش تقريبا ليه؟
وكمان تصنع المادة الفعالة كمان؟ طبعا لو ركبنا دماغنا كانت مصر اتهددت في جميع الادوية المستوردة والتي لا تصنع سوى عندهم...ماشى...خدوا الدوا....وبلاش الجهاز..ماشى👇٢٧

حاجة تانية على الماشى برضة
في مادة يدرسها لواء دكتور مهندس صلاح شعلان.
المهم..معيد جارنا في هندسة حلوان بيحضر الماجيستير في أمريكا في تخصص جديد على العالم( تصميم معدات القطع ووسائط التبريد) علم معقد وقال لي الدكتور صاحب الكتاب(الكتاب باللغة الإنجليزية
***نعم؟ صاحب الكتاب؟مصري👇٢٨

واللي بيحضر ماجيستير في أمريكا والعلم ده جديد في العالم وكتاب الدكتور المصري هو المرجع الوحيد الموجود......والراجل ده هو اللى ابتكره......
اتصدمتوا؟ احسن.....تستاهلوا....
طبعا ده غير مئات ويمكن الاف الأبحاث التي تتم في المؤسسة العسكرية ويستفيد منها القطاع المدنى👇٢٩

والاف الأبحاث المدنية التي تتبناها المؤسسة العسكرية وتصبح من مقومات الدولة المصرية.
ومش ها أقول لك دور المؤسسة العسكرية مع اهالينا في المناطق الحدودية والبعيدة عن العمران وكيف ان الناس لهم حصة معتبرة من التموين والرعاية من معسكرات الجيش القريبة منهم....👇٣٠

وحاجات كتير صعب تعدادها..
*** المهم عايز ايه في الاخر..
ولا حاجة..اوعى تخلى حد يلعب في دماغك ان الجيش واكل اقتصاد البلد وبيزاحم القطاع الخاص وبياخد امتيازات في المشروعات ..لكن كل الكلام ده له غرض واحد..وواحد فقط
فصل المكون العسكرى عن المكون المدنى في(المؤسسة العسكرية المصرية)👇٣١

زى ما قلت لك سابقا مصر هي (المؤسسة المصرية العسكرية) واسمها السياسى (جمهورية مصر العربية) واسمها المختصر (مصر) هى طوال التاريخ...عبارة عن جنود..بعضهم يعمل بالزراعة وبعضهم بالصناعة وبعضهم بالبناء وبعضهم بالفن والادب وبعضهم بالقوات المسلحة..
كلهم جنود مصريون في مجالات وتخصصات👇٣٢

مختلفة كل واحد تبع مهارته وقدراته.......
الحرب عليك شديدة جدا ومن اكتر من اتجاه.....اهمهم اللحمة الوطنية .....
ليس مسلم ومسيحى....قبلى وبحرى ونوبى.... فلاح وصعيدى....اهلى وزمالك.....
فشلوا في كل ذلك
راح داخل على الحصن الحصين (عسكرى ومدنى)
أولاد البنا واولاد الضباع مش ساكتين👇٣٣

صندوق النقد قال الجيش يسيب الاقتصاد.....القطاع الخاص مش عارف يشتغل من الجيش.....الجيش واكل البلد.....الجيش وظيفته حماية الحدود
***** اعتقد انت عرفت (المؤسسة المصرية العسكرية) اللى هي (مصر) وعرفت انها مش عساكر شايلين السلاح ...دول كوادر فنية وعلمية راقية جدا زى حضرتك تماما 👇٣٤

ودارسين زى حضرتك تماما واكتر بكتير .....مايعرفوش خليها لبكرة.... ولا كبر دماغك.... ولا بيشربوا شاى بالياسمين....
كل مشكلتهم ان القائد الأعلى جاى من جهاز المعلومات اللى عارف كل واحد في البلد وبرة البلد عامل ايه ..... فلما وقفوا وراء القائد والمسيرة نجحت👇٣٥

عايزين الرجالة تبعد عنه ويمسكوها للضباع.
جبتهالك على بلاطة......
*****هذا احد مدخلات الحرب على مصر.....وبقية المداخل قريبا.....لكن هذا اهمهم....
فاكر لما قلت لك:
بين هذين الرجلين تغير التاريخ....
#تحيا_مصر_بجيشها_وعاش_السيسي
د.سلوي السوبي

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة