الحصل في المدينه عرب
ناس المدينه قبل كم يوم قتلو ٣ دعامه متفتلين مع العلم انو الدعامه جوهم وقالو ليهم كل ناس بجوكم بالمواتر متفلتين وما تبعنا قتلوهم ودفنوهم في المدينه واحد من بتاعين المواتر شرد ومن هناك امس في السوق جو الدعامه زاتهم القالو ديل م..

ديل متفلتين مننا جو في السوق وضربو الناس في سوق المدينه من طرف وقالو قصاد كل واحد من الثلاثه ديل ح نقتل خمسين واحد منكم وقتلو ناس من مهله وناس من برتوبيل ومن المدينه ومن كل القرى حوالين المدينه عرب في سوقهم الطبيعي حق لقمه العيش رصاص عشوائي

باقي الرجال الفي الحافله ب روايه اخو المصاب الفي مهله انو وصلوهم مدني قالو ليهم تنزلو تحفرو قبور الدعامه تاني من الاول وتدفنوهم وفعلًا ده الحصل وقتلو منهم تاني ٤ بعد خلصو الاتقتل ولقوهو جنب الترعه في مهله اخو صاحبتي ربا صديق احمد صديق العباس وولد الدفعه ٣٧ طب

تم إكرامه ودفنه في مهله مع واحد من شهداء المجزره جارنا الراجل الطيب البشوش الكل يشهد بطيب اخلاقو وكرمه وبشاشته متأثرًا برصاصتين من كلاب الدعم السريع لا نقول الا ما يرضى الله انا لله وانا اليه راجعون نحتسبهم شهداء في عليين ربنا يصبر ذويهم ويصبر السودان كله علي فاجعته

#مجذره_المدينه_عرب تار من الدعامه في ٣ مرتزقه عواليق جو عشان يرهبو الناس ويسرقو ويقلقو امن الناس في بيوتها راحت قصادها ارواح كتيره من المساكين والأبرياء الناس الفي حالهم وقوت يومها ربنا ينتقم من كلاب الدعم السريع شر انتقام الله عليك بهم أرنا عجائب قدرتك فيهم يا جبار