رتبها

من الداخل الإثيوبي
تخلف اثيوبيا عن سداد ديونها
اثيوبيا انضمت لنادي المتخلفين عن سداد الديون بعد فشلها في سداد فوايد مستحقة قبل انتهاء فترة السماح لإيداع المبلغ!
والغريب في الامر ان لا الوقت داهمهم ولا المبلغ كبير ولا خبوا انهم مش هيدفعوا!
اه زمبقولك كدة
١-تابع
#مصر
#شيرين_هلال

مستشار بوزارة المالية قال بالفم المليان قبل الاستحقاق:
"أن تلك المستحقات لن يتم دفعها"حتى بالامارة شوح بأيده كدة👋
ووزير المالية هو كمان مكدبش خبر وراح مدينا حتة تفسير ميخطرش على بال حد
"لن تدفع أثيوبيا ما قيمته 33مليون دولار، لأنها تريد معاملة جميع الدائنين بطريقة واحدة"
-٢تابع

الكلام دا اتقال بعد ما اثيوبيا عملت اجتماعات مع الديانة الشهر اللي فات عشان يحصل تعليق دفع للدين!
المأسوفة على شبابها اثيوبيا مديونة وبتتشرط على الدائنين (يا اما يأجلوا الدين يا اما تمتنع عن السداد) بحجة تطابق مواصفات حالتها مع الدول الفقيرة اللي استفادت
٣تابع

من مبادرات الدائنين الدوليين لاعادة جدولة وتأجيل دفع الديون للدول ذات الاقتصادات الفقيرة زي زامبيا وغانا-خد اللي جاية دي- بسبب كورونا !
حمد الله على السلامة يا حاج احمد احنا وصلنا لنا بعد كورونا ب33336855 محطة يا راجل !

-٤تابع

طيب هو مبلغ 33مليون دولار اللي اثيوبيا مش عايزة تدفعه ومتعنتة فيه"هو كمان"ليه متعنطزة اوى كدة في القمص ومش عايزة تدفعه؟
اوعى تقول مش قادرة تدفعه عشان اديس ابابا بتورم وتسخن
لانها كانت بتحاول تعيد التفاوض من خلال مبادرة مجموعة العشرين لهيكلة الديون اللي نجحت مع غانا وزامبيا
-٥تابع

وسمحت لهم المبادرة بتخفيف اعباء الدين من المقرضين، وكان عند اثيوبيا وقالتsorryلا مش هندخلك المباردة يا نوتي!
واليوروبوند
"سند يصدره مقترض في دولةأجنبية،يقوم بعملات أوروبية (مثلا الدولار الأمريكي والدولارالكندي والين واليورو)يُكتتب ويُباع من هيئة أو تكتل دولي لمؤسسات ماليّة"
-٦👇

في أول الشهر حذرت الديانة أثيوبيا من سياستها المتحدية لمواعيد السداد وكان تصريحها "انه أمر مؤسف وغير ضروري".
التحدي والتعنت موقفش عند هنا لما تعرف تسريبات من المفاوضات تكشف ليه اثيوبيا ركبت موجة القمص ودورت اسطوانة السيادة الاثيوبية المشروخة:
-٧تابع

في تفاوضها مع مجموعة ال20 واستغلالا للمبادرة الخاصة بكورونا ف2021 رفضت اقتراحات إعادة الهيكلةوالاصلاح للإختلالات الإقتصادية الجسيمة جملة وتفصيلا،وطلبت اثيوبيا من حاملي السندات تمديد فترة استحقاق الدين من يوليو 2028 إلى يناير 2032،وخفض قسيمة الدين ل5.5% من 6.625% الحالية!
-٨تابع

ومتستغربس لما تعرف ان رفض الدائنيين جه بعد اتفاقهم على تعليق المدفوعات ف2021و2022،وطبعا عشان هي أثيوبيا الدلوعة صندوق النقد الدولي وبعض دول نادي باريس سمحوا لها باتفاق لتعليق خدمة الدين في الفترة من 2022-2023،بشرط إعادة هيكلة لديونها وطبعا أثيوبيا وعدت و موفتش كالعادة يعني!
-٩👇

فضلت الديانة تدلع في أديس ابابا وسط دهشة وذهول مجتمع الاقتصاد، (طبعا عقلك راح لبعيد-خليه يروح بس ميبعدش اوي) لان اثيوبيا اللي اتعودت على المعاملة التفضيلية والمساندة الدولية كانت في حالة استعلائية كبيرة ، و ردا على رفض مجموعة العشرين للمطالب الاثيوبية
-١٠تابع

رفعت شعار السيادة الاثيوبية كالعادة في كل مفاوضات بتدخل فيها لازم ترفع نفس الشعار!
اسمحلي أعرفك إن الدائنيين كانت عينيهم مراقبة الوضع الداخلي الإثيوبي بدقة شديدة ومن ضمن الاسباب اللي شجعت على موقفهم الرافض، يتضِح بحسب تقارير مراكز الأبحاث:

-١١تابع

*تفاقم الدين الخارجي لإثيوبيا(بلغ 28.2 مليار دولار بـ2023،وبزيادة بـ1.1% مقارنة بـ2022)، واستحواذ الصين على أغلبيته (تبلغ حصَّتها منه 49.6%)
فطبعا لازم مجموعة العشرين تزعل
*الضغوط الخارجية على الاقتصاد الإثيوبي؛نظرا لتناقص احتياطياتها الأجنبية(بلغت0.8 مليار دولار بمايو2023
-١٢👇

يعني احتياطتها تكفي لأسبوع واردات بس)
*اتساع الفجوة بين سعر الصرف الرسمي والموازي (بلغت تقريبا 90%)
*مع تنامي ضغوط خفض السيولة الخارجية لإثيوبيا (بسبب الحرب)
*بعد الحروب المتصاعدة في الداخل الإثيوبي بداية من حرب الحكومة الفيدرالية على اقليم التجراي في 2020
-١٣تابع

ودخولها في حرب محدودة مع اقليم الأمهرا، واستمرار اعمال العنف المتصاعدة ضد إقليم أوروميا، أصبح من الصعب التعامل مع حكومة الحروب الداخلية بالنسبة لها وضع مستمر
*إثيوبيا انضمت إلى الدول اللي تخلفت عن سداد سندات اليوروبوند، خلال السنوات الأخيرة،ومن بينها زامبيا وغانا وسريلانكا.
-١٤👇

طيب دا على مستوى الديون،الوضع الداخلي عامل إزاي؟
عشان منطولش هاخد لقطتين على السريع يشرحواشكل بيئة الأعمال
النموذج الأول:
معروف إن قطاع الاتصالات هو تاني أكبر قطاع استثماري في أثيوبيا، وهو الجائزة الكبرى لمسيرة رئيس الوزراء أبي أحمد لتحريرالاقتصاد بعد وصوله إلى السلطة ف2018
-١٥

طلبت إثيوبيا تقديم عطاءات في2020 للحصول على أول تراخيص اتصالات خاصة في البلاد، وروجت لسياسة منفتحة في المعاملة مع السلع المعفاة من الرسوم الجمركية والإعفاءات المؤقتة من ضريبة الدخل كحوافز لمستثمري الاتصالات الجدد.
فقط شركة MTNفي جنوب إفريقيا واتحاد بقيادة Safaricom قدموا
-١٦تابع

عطاءات في عام 2021. وتم قبول عرض الأخيرة بقيمة 850 مليون دولار. وسفاريكوم هي الشركة المملوكة للحكومة الكينية وفوداكوم الجنوب أفريقية وفودافون البريطانية ، واللي بيواجهوا تحديات كبيرة في المنافسة مع الشركة الحكومية أثيوتليكوم.
-١٧تابع

كان أحد الصعوبات الرئيسية اللي بتواجهها Safaricomهو الحصول على المعدات من الجمارك، وفقا لدبلوماسي من السفارةالبريطانية,وقال أحد المطلعين على الصناعة،إنه لا يمكن لوزارة المالية التنازل عن رسوم الاستيراد إلا على أساس كل حالة على حدة،مما أدى إلى تأخيرات متكررة، بعكس وعود الحكومة
-١٨

وبعد سنة واحدة من فوز شركة سفاريكوم بالترخيص الأول ـ لم تُدرج لوائح الاستثمار اللي وعدت بيها الحكومة شركات الاتصالات للحصول على الحوافز المالية. وذكرت تقارير المتابعة من الباحثين في القطاع إن مستثمري الاتصالات بيشككوا في التزام الحكومة بالمنافسة الحقيقية.
-١٩تابع

"لا يمكن أبدا أن يكون واضحا تماما ما الذي تفعله الحكومة الإثيوبية، إنها تحرر دقيقة واحدة ثم في الدقيقة التالية تستعيد كل شيء."
ومش متوقعين انهم أن الأرباح في إثيوبيا ممكن توصل لنقطة التعادل قبل السنة المالية2026
أدت الخسائر المبكرة في إثيوبيا إلى انخفاض إجمالي أرباح الشركة
-٢٠👇

خدوا بالكم اننا بنتكلم على قطاع الاتصالات اللي ارباحه عادة ما بتكون سريعة لان تكاليف التشغيل للخدمة والتكاليف الثابتة بالنسبة لها بتكون متناقصة، فالنتيجة اللي وصل لها سفاريكوم مخيبة جدا لآمال اي مستثمر أجنبي.

-٢١تابع

وأطلقت إثيوبيا لأول مرة عملية مناقصة لشراء حصة 40٪ في Ethio Telecom الحكومية في يونيو 2021 قبل ما تعلن في مارس 2022 أنها هتأجل البيع بسبب الظروف الاقتصادية. ورجعت تاني في كلامها في نوفمبر 2022 وأعلنت انها مستعدة للطرح وزادت الحصة المعروضة في فبراير لـ45%.
-٢٢تابع

اتقدمت للمناقصة شركة أورانج العالمية للإتصالات للإستحواذ عليها ودارت اجتماعات طويلة بدون تنفيذ ولكن فضلت التصريحات من الجانب الأثيوبي بتهلل لإتمام الصفقة والتميز الخالص للحكومة الأثيوبية
-٢٣تابع

وفي الشهر اللي فات، أعلنت شركة أورانج عن سحبها العرض المقدم منها للحصول على حصة في الشركة الحكومية وقالت الشركةالفرنسية في إنها انسحبت من عملية شراء ما يصل إلى45 بالمئة في إثيو تليكوم لأن "الظروف لا تسمح بالنشر السريع لاستراتيجيتنا وإكمال مشروع من شأنه أن يخلق قيمة للشركة"
-٢٤👇

وقالت الجهات التنظيمية إنها علقت عملية إصدار رخصة اتصالات ثالثة بعد أن قال مستثمرون محتملون إن الشروط المعروضة بحاجة إلى تحسين وعدم كفاية السوق!

يقول خبراء القطاع وأولئك المطلعون على عملية الترخيص إن اهتمام المستثمرين الأجانب بقطاع الاتصالات في إثيوبيا بدأ يتضاءل
-٢٥تابع

بسبب التغييرات التشريعية، والمشاكل الأمنية المتكررة، والمخاوف بشأن التزام الحكومة بفتح الاقتصاد الخاضع لرقابة مشددة أمام المنافسة الحقيقية، عملت على ردع المستثمرين المحتملين.
و مكانتش طبعا اورانج او قطاع الاتصالات لوحده اللي فقد شهيته في عدد من القطاعات هربت
-٢٦تابع

النموذج الثاني:
شركة Moha Soft Drinks Industry S.C
Moha هي شركة تعبئة منتجات PepsiCo في إثيوبيا (بما في ذلك العلامات التجارية الشهيرة للمشروبات الغازية Pepsi وMirinda و7UP) بالإضافة إلى المياه المعدنية الغازية Kool. تأسست الشركة، وهي عضو في MIDROC إثيوبيا، في مايو 1996.
-٢٧تابع

وتقوم بتشغيل ثلاثة مصانع في أديس أبابا، وخمسة في أقاليم تانية.
اتخذت الشركة خطوات جادة لإغلاق جميع خطوط الانتاج مع احتمال الاستغناء عن 8000 موظف مرة واحدة. وقالت مصادر مطلعة على الأمر لصحيفة The Reporter إن النقص الحاد في العملات الأجنبية أدى إلى شل عمليات موها.
-٢٨تابع

ومقدرتش شركة التعبئة تستورد المدخلات الحيوية زي خامات المشروبات والزجاجات والصناديق وقطع الغيارلآلات الإنتاج الخاصة بها،وبحسب المصدر:الإنتاج توقف بشكل كامل في جميع المصانع ال8 السنة اللي فاتت
وكشف المصدر أن الشركة كانت بتقوم بتزويد السوق بمنتجات من مخزونها اللي خلص من4 شهور
-٢٩👇

ومفيش فرصة لإستعواضه من الخارج. وتم الكشف عن إن أي منتج من Moha بيتم بيعه حاليا في السوق إما مزيف أو منتهي الصلاحية، ودا بيثير مخاوف بشأن الصحة والجودة وطبعا الشركات العالمية مش هتغامر بسمعتها ولا هتدفع مرتبات لموظفين دا غير مصنعين اضربوا في إقليم تيجراي وقت الحرب.
-٣٠تابع

ولما تم تسريح الموظفين استنجدوا باتحاد النقابات العمالية الاثيوبي واللي بدوره
قام بصياغة نداء إلى الشيخ محمد حسين العمودي، المساهم الرئيسي في شركة موها للمشروبات الغازية، نيابة عن موظفي الشركة. وعرفنا إن موها مكانتش الوحيدة اللي استنجدت برجل الأعمال للحصول على المساعدة،
-٣١تابع

دا رئيس الوزراء أبي أحمد ناقش مشاكل العملة الأجنبية الملحة في البلد مع الشيخ خلال رحلة قام بها للمملكة العربية السعودية

وبحسب المصادر أبلغ الملياردير آبي أحمد بأنه مش هيقدر يحول استثمارات بالعملة الأجنبية لإثيوبيا بسبب مخاوف أمنية،وفقا لمصدر في فريق الإدارة العليا في موها
-٣٢👇

أنا سمعت مخاوف أمنية وكان من الطبيعي أدور ورا إسم الشيخ وأعرف الحكاية بقى ولقيت الشيخ أصلا من مواليد أثيوبيا وتم تجنيسه في الستينات.قدرت ثروته ف2013 ب13.5مليار دولار وصنفته فوربس العالمية أغنى رجل في أثيوبيا وتاني أغني رجل في المملكة العربية السعودية
وهو أكبر ممول لسد النهضة
-٣٣

دفع في مرحلة البنية التحتية لوحدها 90 مليون دولار وباقي المساهمة مذكرتهاش المصادر لكن هي بتأكد إنها أضعاف هذا المبلغ.
برضو إيه حكاية المخاوف الأمنية؟
اتضج يا سيدي القارئ بأن الملياردير السعودي اللي من أصل اثيوبي يمني، كان من ضمن رجال الأعمال المحتجزين في فندق الريتز كارلتون
-٣٤👇

بالرياض مع عشرات من النخب السعودية على خلفية تهم فساد في 2017
التهمة في السعودية كانت الحصول على 4مليارات دولار من صندوق الملك عبدالله للاستثمار الزراعي السعودي بتمويل مشروعات زراعية للأرز في أثيوبيا، وبناء رصيف مينائي في إرتريا لتصدير الرز دا للسعودية،والمشاريع دي متنفذتش
-٣٥👇

بالرغم من الحصول على التمويل.
مخلصتش ملفاته الأمنية لحد هنا🤔🙄
كانت له قصة مش تمام تخص تورطه في افلاس "مصفاة سامير" بالمحمدية في المغرب واللي اتسببت في أزمة طاقة كبيرة بعد حصول المليارديى السعودي عليها بعد خصصتها لصالحه
-٣٦تابع

وفي الاعلام المغربي كانت في تقارير بتتكلم عن إن العمودي تلقى اوامر صارمة من الدوائر العليا المقربة من البلاط الملكي في السعودية بأنه لازم يسوي مديونيته للحكومة المغربية ويسدد ديونه المتراكمة لها و اللي وصلت ف2015 لـ4.4مليار دولار وطبعا ملتزمش،بالتالي تم ايقافه والتحقيق معاه
-٣٧👇

ثم الافراج عنه بعد عام كامل والوصول لتسوية مالية ضخمة لصالح المملكة.
إحنا جايبين في سيرة العامودي عشان نقول إن أكبر مستثمر في أثيوبيا عليه قيود أمنية ومالية وبيواجه أزمات مش هتمكنه من إنقاذ أثيوبيا ولا حتى شركاته فيها، عشان تتخيل الوضع عامل إزاي🙀😱
-٣٨تابع

ليه بقى بنقول الكلام عن الاقتصاد الاثيوبي بالشكل المفصل دا؟
دايما كان بيتردد في السنوات اللي فاتت كلام يوجي بصورة مغايرة لوضع اثيوبيا الحقيقي بهدف التضخيم أو التلميع. أكثر المناطق المكذوبة عنها كانت منطقة الاقتصاد وتصوير أثيوبيا على إنها حصان الاستثمار الرابح في افريقيا
-٣٩تابع

ومؤشرات مغلوطة تطلع تقيس أرقام ملهاش وجود على الواقع، وطبعا دا كله عشان يصعب على الرأي العام المصري فكرة المواجهة مع أثيوبيا ويحطها في مجال مقارنة. بالرغم من الأزمات الاقتصادية الكبيرة اللي بتعاني منها مصر إلا إنها بأي حال من الأحوال
-٤٠تابع

وزي ما السرد شرح وقدم أدلة ، مينفعش تتحط في جملة مفيدة لما نتكلم عن مصر واقتصادها المتنوع، عشان كدة مش هقارن بين أثيوبيا ومصر و اقع في نفس غلطة اللي بتمس مكانة بلدي. انا عشان عارفة قيمتها قدمت لك المعلومة اللي بيها اصحح الصورة
خلص كلامي عن اثيوبيا لكن عندي كلمتين عن مصر
-٤١تابع

وللي مش متفق او مش قادر يشوف الصورة هحط شوية نقط وكل واحد حر في حكمه
مضايق👇
*هتقولي سعر العملة انهار،هقولك شوف عملة تركيا والسقوط المدوي اللي شايفينه،وهقولك كمان ان الصين بتحافظ على انخفاض اليوان لزيادة التنافسية للصادرات الصينية لانه بيخفض قيمة الشراء فبيزود الطلب عليها.
-٤٢👇

*هتقولي المشروعات القومية ومشوفناش تقدم، هقولك إن اقتصادك حقق معدلات نمو وصلت 5.6% وتراجع معدل البطالة ل7.4%، دا غير إن حجم الاقتصاد نفسه تضاعف وتفوقت على جميع دول القارة بما فيهم اقتصادات نفطية زي نيجيريا مثلا.
-٤٣تابع

*هتقولي الكهرباء بتقطع هقولك طول عمرها كانت بتقطع لكن الدول رفعت كفائتها من2014 لحد النهاردة لـ110% ، بتقطع لأننا في ظروف صعبة وبنوفر عشان نقدر نسدد إلتزامتنا مش عشان معندناش بنية تحتية والفرق كبير.
-٤٤تابع

*هتقولي الجيش مسيطر على اقتصاد الدولة وبينافس القطاع الخاص، هقولك كنت فين والبلد بتنهار ومحدش راضي يمد إيده ويغامر بالاستثمار في بلد كانت على شفا الإنهيار؟ وهقولك كمان افتكر الجيش ودخوله القوي على خطوط أزمات كانت أكبر من استيعاب أي مؤسسة
-٤٥تابع

واقولك برضو الجيش حاليا عامل طرح لعدد من شركاته للبيع أو الطرح في البورصة، وأخيرا أقولك كل دول العالم المتقدم اللي بتنظر علينا مؤسساتها الدولية شركات الجيش مساهمة في الاقتصاد بنسب كبيرة بس مش بيقولوا ولا بيكشفوا الميزانيات "الفعلية"!
x.com
-٤٦تابع

Loading tweet...

*هتقولي الأسعار، هقولك آه الاسعار فعلا هم كبير ومحتاج رقابة وتدخل أكبر، لكن الأمر مش متروك وفي محاولات جادة للسيطرة وابتدينا نشوف قضايا فساد بتتفتح، صحيح اتاخرت أوووووي، لكن بتحصل، ويا ريت متنساش أن جزء من الأزمة عالمي ومحدش قادر يتخطاها حتى في الدول المتقدمة.
-٤٧تابع

*هتقولي سد النهضة والمفاوضات كل السنين دي كتير، هقولك ظروف بلدنا حتمت علينا المشهد ومكنت أثيوبيا من استغلال الفراغ السياسي في فترة ما، انت نسيت ان اثيوبيا حولت مجرى النهر في مايو2013 بعد ركوب موفد الاخوان في الرئاسة بساعة!
في احدى سافر بيعلن الاستهزاء بظرفنا السياسي الهش!
-٤٨تابع

وكان لازم نمشي في المسار التفاوضي بحسب القانون الدولي ومكنش ينفع نشن حرب على كافة الاتجاهات والدنيا كلها كانت ضدنا وقتها, لكن دا مش نهاية المطاف ومصر قادرة تحافظ على حقوقنا وعندها كل امكانيات الرد والردع والسيناريوهات الموجودة تخض بدرجة "لا يليق بنا أن نقلق"
-٤٩تابع

*هتقولي وضع اللاجئين وضيق المعايش والامكانيات، هقولك آه الملف دا من أكتر الملفات الضبابية ومحدش عنده تفسير لوصول وضعهم لهذا الحد، لكن الدولة بدأت تطلق أيديها "الناشفة" على المخالفين وبتقنن أوضاع إقامتهم ولسة محتاجين المزيد.
-٥٠تابع

احنا مش في الجنة والدولة عندها ملفات متعددة حصلت تداعيات لظروف وحصل فساد من بعض موظفين الدولة(كتير أو قليل)مش متسابين وهيتحاسبوا حساب عسير ومفيش حاجة مستخبية
حصلت سياسات كتير موفقة وغيرها العكس،لكن المهم إننا قدرنا نتخطى أزمات كبيرة ونحقق طفرات يمكن مش هنحس بفوايدها بالسرعة
-٥١

اللي نتمناها، لكن نتايجها ثابتة ومضمونة. السرد دا جاي يعرفك إن استقرار مصر السياسي له مردود ايجابي و إن القوة الرشيدة للجيش المصري حمت البلاد من مهالك كانت هدف مخططات خارجية متشافة ومرصودة مش من الاجهزة الأمنية بس لا دا من كل اللي له عينين وضمير يشوف بيهم الحقيقة.
-٥٢تابع

حالة الدول المستجدة في تأسيس دول مركزية وصلتهم للإنهيار لأنهم لا يحملوا رصيد مصر من الرشادة والإمكانيات وشعوبهم حديثة العهد بالتحديات والمواجهة.
قدر تمن الأمن بعد مقارنة حقيقية وعادلة:
-هات بلد مرصود لها هذا الكم من القنوات والمنصات واللجان للتحريض عليها
-٥٣تابع

-هات بلد كل حدودها ملتهبة وجيشها مطلوب منه يساهم تأمين حدود بطول عرض اليابسة والبحرين المتوسط والبحر الأحمر.
-هات بلد حققت استقرار اقتصادي ونمو مرصود في ظل أزمة كورونا والحرب الروسية.
-هات بلد اتسلط عليها تنظيم دموي لو طال يفجرها كان عملها انتقاما من خسارته للسلطة
-٥٤تابع

ومع ذلك عافرت وكملت وجيشها دحر إرهابهم اللي كانت بتموله دول واجهزة.
-هات بلد محتاجة تناضل و ممكن كمان تحارب عشان تحافظ على حقها في المية اللي ربنا وهبه لها من آلاف السنين – والنضال دا انكتب دلوقتي!
-٥٥تابع

-هات بلد حتى تاريخها الموثق من عمر الزمان بتناضل برضو عشان تحميه من محاولات السرقة الممولة من أطراف خارجية.
و لما تلاقي البلد اللي بتواجه دا كله ولسة موقعتش وجيشها من أقوي جيوش العالم ابقى قارن مصر بيها وساعتها برضو المقارنة هتكون في صالح مصر!
بقلم
#شيرين_هلال

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد