امبارح كان يوم طويل أوي ف حياتي فلازم احكيه ، الساعة ٩ باليل دخل عليا أحمد ٥ شهور fever , 2 attacks of Convulsions, Severe dehydration ومفيش قابلية للرضاعة ٣ تمريض ودكتور واقفين عليه مش لاقيين وريد واحد سليم عشان ال Shock therapy ، شيلت احمد وجريت ع مستشفى الهرم ..
بعد محاولات عنيفة قدرنا ندخل ب internal jagular Cannula واخد ال Shock therapy والحمدلله درجة الوعي رجعت معانا بالتدريج مع Starring eye and jaw hyperexcitability, فكان كفاية ان الاستشاري تكتبله Suspected CNS infection وتحويل لمستشفى الحميات وهنا بدأت الرحلة ..
جريت ع مستشفى الحميات قالولي لازم بذل سائل نخاعي عشان نقدر نقبله ، رجعت تاني ل مستشفي الهرم قالولي مفيش بذل هنا ولما روحت لنائب مدير المستشفى عشان نعمله قالي دور ع النت ع اماكن فيها بذل واتجاهل الحالة بمشهد ينعدم فيه الرحمة والمسئولية وانا لسة ماسك نفسي من الغضب عشان صحة الطفل ..
اخدت تقرير تحويل عشان ال L.P for CSF Chemistry واطمنت ان الطفل Stable without O2 واخدته وجريت ع مستشفى ابو الريش الياباني وكان السيناريو قالولي روح الطوارئ بعدها لا انت مكانك عمليات الطوارئ لا اطلع الدور الخامس قسم المخ والأعصاب الاول لا انزل الرابع دكتور التخدير ..
لا انت لازم تروح المنيرة وتكشف الاول وتاخد اذن سحب هنا ، طب فين دكتور المخ والأعصاب ؟ سكرتارية مديرة المستشفي كلهم بيتصلوا بيه عشان الحق الوقت وانا حاجز مكان ف الحميات عشانه بس دكتور المخ والأعصاب مختفي بعتله الأشعة والتحاليل ومكنش كفاية انه يكلف نفسه وييجي يكشف ع الطفل ..
الولد دخل ف جفاف تاني بسبب طول الطريق وتجاهل المستشفي ، جريت تاني بيه ع المنيرة عشان ادخل كشف طوارئ عشان الاقي الدكتورة م : تسألني ماله برد عليها انه بيدخل ف تشنجات ومعانا تحويل نعمل بزل لمستشفى الحميات فترد عليا مفيش بذل وهي فين التشنجات ، وانا ما بين الاب قاعد ع الارض بيعيط
وما بين ان مش مصدق انها مقامتش تكشف عليه مبصتش عليه حتي ولا حطت عليه سماعة والولد unconscious وال Score بتاعه داخل ع arrest وبتقولي خده وامشي حتي التذكرة ال كتبها زميلها ف عيادة الباطنة رفضت تشوفها وهنا كنت انفجرت ف الطوارئ لدرجة انه الأمن كله كان موجود و٤ دكاترة شاهدين ع فعلها
بيحاول يخلوني اهدي وانا مش عارف امسك نفسي والطفل بيموت مني وانا مش عارف انقذه ، بعدها لقيت الأمور كلها اتحلت والطفل اتكتبله CT brain w coagulation profile لعملية السحب ولقيت اهتمام الدكاترة والممرضين بالطفل واتلحق ب fluid therapy واخد بلازما وكله ده عشان عرفت اعلي صوتي !!
وانا داخل المستشفى ف الأول الناس نايمة ف الشارع بعيالها وحالات صعبة لدرجة ان كنت بشوفها ف الكتب بس نفس الناس كان بيحاولوا يخلوني أهدي وف ال قالي يسلم ايد ال رباك ربنا يحفظ ضميرك دايما ، كانت اصعب جملة عليا فعلا خليتني أبكي لو انا دكتور وحصل معايا كل ده الناس الغلابة هتعيش ازاي ؟
٢٤ ساعة وانا ف الشارع ف عز التلج انا والام والاب لدرجة خليتني اكره المجال كله وافكر ليه ضيعت وقتي ف دولة بتتعامل مع ارواحنا بكل عشوائية بس لقيت ان ممكن اكون سبب ف حياة ناس تانية وإن كل ال عليك انك متقصرش مهما حصل وتراعي دايما ضميرك لوجه الله بس السؤال هنا احنا ليه ضميرنا بيموت ؟
جاري تحميل الاقتراحات...