القصة الحقيقة لشخصيات فيلم "الكيت كات" أسطورية وسينمائية أكتر من الفيلم نفسه.. "ثريد"
بعد عرض فيلم "الكيت كات"، ذهب المعلم "هرم" إلى شارع دوبريه بشبرا مصر، مقر الشركة المنتجة، وطلب منهم أن يدفعوا له تعويض مقابل استغلال اسمه، فأعطوه 20 جنيهًا ومشي(1)
بعد عرض فيلم "الكيت كات"، ذهب المعلم "هرم" إلى شارع دوبريه بشبرا مصر، مقر الشركة المنتجة، وطلب منهم أن يدفعوا له تعويض مقابل استغلال اسمه، فأعطوه 20 جنيهًا ومشي(1)
كان "المعلم الهرم" تاجر المخدرات الوحيد في المنطقة، وعرفه "أصلان" في إحدى السهرات بـ"الكيت كات"، بعدما سمع وقت آذان الفجر شخص ينادي: "الصلاة يا مؤمنين، الصلاة خير من النوم، فسأله أحد أصدقائه: تعرف مين ده؟ فرد أصلان: لا، ورد صديقه: ده الهرم بياع الحشيش (2)
وبقى كدا من وقت وفاة زوجته بعد خروجه من السجن، ماتت على كتفه، فاتصدم، وأقام في بيته، وأطلق لحيته وارتدى العمامة"، وواظب على المرور بشوارع إمبابة كل يوم الفجر، يسير بعصاه يدق بها الأرض عشان يصحي الناي وينادي: الصلاة خير من النوم، وأول ما تبدأ الصلاة يرجع لبيته دون أن يصلي (3)
يوسف ابن الشيخ حسني، حسب ما قال حفيد المعلم هرم، إنه سافر فعلا، لإنه كان طول الوقت بيدور على السفر بره مصر، أما "المعلم صبحي" تاجر الطيور، اشترى القهوة وبني مكانها عمارة، لكن جاله مرض في حنجرته، وسافر لندن، تركب له ثقب صناعي يتنفس منه، لكن أثناء متابعته للعمال في محل الفراخ(4)
طار زغب ريش الفراخ وسد الثقب الصناعي فتخنق المعلم وهو قاعد على باب الدكان ومات، طيب مين الشيخ حسني؟، الشيخ حسني، تخرج من معهد الموسيقى العربية، وكان الأول على دفعته عام1936، تعين مدرس موسيقى بعدما تخرج، لكن إدمانه للحشيش ووفاة زوجته الأولى، اللي كانت بتهتم بلبسه ومظهره(5)
تسببوا إنهم طلبوا منه ميروحش المدرسة وهم هيبعتوله المرتب على البيت كل أول شهر،كان ديما يلبس بيجامة وميخلعهاش، وحذاء من غير رباط، وتشهر عنه الذكاء وخفة الدم، ورغم أن صوته كان سيء، لكن الدقة بتخلي الناس تسمع وتطرب له، بليغ حمدي راح للشيخ حسني عشان يسمع منه أغنية(6)
"عندما يأتي هذا المساء"، والشيخ يغني وبليغ يكتب واره النوتة، بعد وفاة زوجة الشيخ حسني الأولى، خالته عرضت عليه تجوزه بنتها، وللأسف مقالتلوش إن نظرها ضعيف للغاية، لكن بعد الجواز اكتشف من تصرفاتها إنها مكانتش بتشوف أصلا هي كمان. وفي مرة أصر إنها تعمله شاي(7)
وبعدما جاب الوابور وإداها الكبريت، للأسف ولعت في السرير والأوضة ولعت بيهم،وتطلقوا. وكان الشيخ حسني، عنده قدرات ذكاء كبيرة، يعني لو حد احتاج يشتري حشيش، كان يروحله وياخده يوديه بنفسه، لإنه كان حافظ شوارع إمبابة وحواريها صم، بمرور الوقت غادر إمبابة(8)
وسكن الشيخ حسني في بولاق أبو العلا، عشان محدش يعرفه فيها، وقريبة من تجار المخدرات لو احتاج حاجة يشتريها. وعاش هناك لحد ما مرض، طلب منهم يودوه المستشفى ويمروا من شارع الكيت كات، وأول ما وصلوا أول الشارع، طلع بنصف جسمه من العربية يشوف الشارع لآخر مرة، وكأنه بيودعه، ومات في لحظتها..
ديكورات فيلم الكيت كات، لمهندس الديكور العظيم أنسي أبو سيف
اسكتش للديكور قبل تصميمه:
محمود عبد العزيز علشان يقدم شخصية الشيخ "حسني" بالطريقة اللي ظهر بها في الفيلم، زار أكتر من استشاري عيون، علشان يفهم، حركات الكفيف، بيحس إزاي؟، بيلبس ملابسه إزاي؟، وزار جمعية النور والأمل وعاش معاهم فترة، أما البالطو اللي ظهر بيه في الفيلم اشتراه من بياعين "البالة" في بورسعيد
أهالي الكيت كات كانوا بيحضروا كواليس تصوير الفيلم، علشان يشوفوا الشيخ "محسن" أو "حسني" حسب اسمه في الفيلم..وإزاي محمود عبد العزيز بيقدمه.
داود عبد السيد، قال، إن محمود تماهي مع الشخصية تماما، كل منهما عبر عن الآخر، لدرجة إنه كان يمسك إيده أحيانًا لشعوره للحظات إنه كفيف فعلًا
داود عبد السيد، قال، إن محمود تماهي مع الشخصية تماما، كل منهما عبر عن الآخر، لدرجة إنه كان يمسك إيده أحيانًا لشعوره للحظات إنه كفيف فعلًا
جاري تحميل الاقتراحات...