رتبها

دخلنا الحرب من زمان!
🤔😩🙈
احنا في حرب من زمان ، من قبل اختراع اسلحة متطورة والسوشيال ميديا، دخلنا الحرب لما شعبنا اتعود ياخد اخباره من وكالات انباء خارجية واعلام له اجندات خاصة،يروج ما يحلو له بحجة الحيادية والديموقراطية وغيره. طول الوقت تقارير وارقام من منظمات ووكالات
-١تابع

مش بتهدف الا الضغط على الشعوب ووضعها في حالات نفسية محبطة عشان تفضل واخدة فاصل من انظمتها ومؤسساتها و كل يوم الفاضل يكبر لحد ما يوصل للتخوين والثورة على هذه الانظمة للدفاع عن الحقوق
"اللي صنعتها الابواق الاعلامية في عقول الشعوب".
ساعدت كمان بعض رموز المعارضة في البلاد دي
-٢تابع

على تبني هذه خطاب الكراهية تجاه الانظمة حتى لو على حساب مصلحة بلدنا. اطور الموضوع ووصل لمحطات الفضائيات اللي بقت متاحة في الشرق الاوسط مع اواخر الثمانينات ولتفادي الاتهام بالفرنجة والتوجه الغربي حبوا يعملوا قنوات فضائية ناطقة بالعربية كانت في الظاهر "عروبية حيادية"
-٣تابع

وفي الباطن تخدم المصالح الامريكية المتصهينة. صاحبة الريادة في هذا العمل قناة الجزيرة اللي ادت خدمة جليلة للغزو الامريكي للعراق. لو منكم فاكرين عزو العراق في 2003 ووزير خارجية واعلام العراق محمد سعيد الصحاف اللي حكى عن هذا الدور الشيطاني وقال :
👇👇
-٤تابع

"بغداد كانت مؤمنة بالكامل وكنت واقف في وسط اشهر ميدان ببغداد القي خطاب صحفي و كانت المعارك تدور خارجها أو بالاحرى بعيدا عنها ، انهيت الخطاب و ركبت السيارة عائدا الى الوزارة، وعند دخولي قابلوني الموظفون بوجوه مصفرة، لقد احتلوا مطار بغداد!!
-٥تابع

فقلت مستحيل ولن يستطيعوا دخول بغداد حتى لعدة اشهر،
فقالوا: تعالى و شاهد، وفعلا وجدته خبرا عاجلا على قناة الجزيرة القطرية فأسرعت بالاتصال بآمر المطار،
فقال لي: كل الامور تحت السيطرة ولا صحة الخبر حتى اننا عندما شاهدنا الخبر عاجلًا على قناة الجزيرة تعجبنا اخذنا نضحك.
-٦تابع

فقال الصحاف : وبعد 5 ايام من هذا الخبر واخبار أخرى شبيهة سقطت بغداد حيث بدأ ينهار أفراد الجيش الواحد تلو الاخر لانها من ال اخبارها الكاذبة ساهمت في الانهيار النفسي للجيش العراقي وبعدها بسنوات رأينا كيف انها تسوق للاستعمار الجديد.
-٧تابع

تتوب الجزيرة عن عمايلها بعد سقوط بغداد واللي شفناه
ابدا كملت وطورت مناهج الكذب والتدليس ودخلت على سوريا واليمن واختلفت الاكاذيب بمنتهى السلاسة والضمير المرتاح،تعمل من جيش سوري الرسمي مجرم وتطلق عليه "مليشيات الاسد"
وتقول بيضرب في الشعب السوري!
-٨تابع

و تعمل من الدواعش والمرتزقة جيش وتقول
"جيش سوريا الحر"
المغوار اللي بيدافع عن العزل!
تنطلق الجزيرة بالكلام وتنقل عنها المحطات الاجنبية بكل بساطة، عشان محدش يقول الاجانب بيزيفوا الاخبار (اهو منكم فيكم)!!
-٩تابع

وما اكثر بقى المرات اللي تكذب و تطلع تعتذر لما حد يكتشف الفيديوهات المزورة والتغطيات المضروبة زي مثلا الفيديو دا اللي بتعتذر فيه عن بث فيديو قديم من احداث العراق على انه من اليمن!!
شوف كدة👇👇
-١٠تابع

طبعا الجزيرة عمرها ما اشتغلت منفردة بعد اختراع السوشيال ميديا كان بيصاحبها في هذا العزف الدامي صفحات اخوانية ومعارضة عميلة كل دورها الترديد والتفخيم وسرعة الانتشار باي طريقة و طبعا كلنا عارفين اليمن وسوريا والسودان وغيرهم بلاد راحت فين دلوقتي !!
-١١تابع

كل اللي فات دا مجابتش فيه سيرة مصر خالص ليه بقى؟؟
عشان لو اتكلمنا عن رغبة من يحرك الجزيرة والاعلام العالمي و لعبهم على مصر من التسعينات لحد النهاردة محتاجين مجلدات ومش هنخلص لكن يمكن كلام سيادة اللواء عمر سليمان يشرح افضل مني المخطط من وقوع كل هذه الدول لخدمة مين اسمعوا كدة
-١٢👇

طول الوقت التشكيك في مصر واي خطوة بتعملها والتهم جاهزة "المتصهينيين-المطبعين-….." و ما اكتر المصطلحات المصنوعة لجر مصر في قضايا للتشويه .
مصر اللي حاربت بعد ما طلع روحها و ادمر جيشها و ادكت مدنها واتهجروا اهلها من مدنهم من 1956-1973 حرب كانت فيها المواجهة
-١٣تابع

راجل لراجل وسلاح بسلاح مش تصدير النساء والاطفال والمحاربين يستخبوا في الانفاق.
مصر اللي جابت الارض الفلسطينية لحدود 4يونيو ومحدش قبل منها واتهموها بالخيانة، وراحت عليهم الارض والنهاردة بيحلموا ب10% من اللي كان معروض عليهم ومش هيطولوه برضو من غير مصر!!
-١٤تابع

طالعتنا شبكة القدس الفلس…طي..نية الاخ…وا…نية بخبر من مصادرها برضو أبلغت إسرائيل مصر بخططها المستقبلية لتنفيذ عمليات عسكرية واسعة على طول الحدود
• إسرائيل طلبت من الجنود المصريين إخلاء المنطقة، معلنةً أنها لن تتحمل مسؤولية سلامتهم
——-
يا سوسووووو
-١٥تابع

هووووب نقلت عنها الجزيرة و هووووب نقلت عنها وسائل اعلام عبرية والباقي معروف
ويجيي الرد المصري من مصادر مصرية مطلعة تنفي ما أورده إعلام إسرائيلي حول بدء الدبابات الإسرائيلية عملية برية من كرم أبو سالم لمحور فيلادلفيا على حدود القطاع مع #مصر ينطلق عليها كل من هب و دب ينبح
-١٦👇

النهاردة مبقوش بيحرقوا المحطات الفضائية الاول لا عملوها كوبري لانهم اكتشفوا وسائل ارخص منهم و هى الصفحات مجهولة المصدر والمُخلقة معمليا بمعرفتهم انزل اخبار و المحطات تاني تنقل و يبقى النقل برضو عن طريقهم !
طيب مين يا فندم اللي في الصفحات دي يقولك ميعرفش وهو يعرف جوا 🙈
-١٧تابع

بس خلاص بيكون الخبر المفبرك انتشر وتوغل واعتلى اعظم المنصات والوكالات الدولية واشتغلت عليه اللجان الاليكترونية واخذوا الدراسات والقياسات وردود الافعال النفسية وليلة كبيرة سعادتك !
-١٨تابع

ويشكك وهنا تقف ارهابيل و عملاءها من تربية بريطانيا وقبيضة منظمات امريكا يتفرجوا على الشعب المصري و معنوياته وهى بتتأثر من شوية اكاذيب مفيش عليها دليل.
طبعا كل دا بيتعمل لاضعاف نفسيتنا وسط كل الضغوط اللي بنتعرض لها في توقيت محسوب ومدروس كويس
-١٩تابع

لكن الحقيقي اللي لا اسرائيل ولا عملاءها يقدروا ينكروه و بيحاولوا يغلوشوا عليه بشوية الاشاعات دي 👇👇
بس اللي بتحاول اكيد تداريه من خيبتها انها مش قادرة تفتح لامواخذة خاشمها مع مصر و اجراءتها الامنية في سيناء من زيادة في اعداد الافراد والجنود دا غير التسليح المصري
-٢٠تابع

من وقت بداية الحرب على الارهاب واللي اسرائيل بنفسها وافقت عليه رسميا في 2021 لكن قبلها بسنين كان الجيش المصري بيخوض الحرب دي وكتب وزير الدفاع ايامها الرئيس المصري الحالي عبدالفتاح السيسي تغريدة شهيرة جدا في 2014 بيقول هتغير المعاهدة وقت ما نحب زلزلت الدنيا
-٢١تابع

واتذكروا مكانتش مصر وجيشها ايامها في هذه المكانة والقوة اللي بتعترف بيها دول العالم النهاردة!!
واكيد من غير تفكير الجيش المصري مع احداث #طوفان_الاقصى بيتأهب واتكلم عنه الخبير الاستراتيجي اللواء سمير فرج وقال ان القوات المصرية يحق الحشد والاستعداد وهى على اعلى استعداد
-٢٢تابع

ولاول مرة يتم ضخ هذه القوات والارتال العسكرية على الحدود مع اسرائيل.
واضح كدة ان تحريك "جيش المهزأين" لعملاءه من السوشيال ميديا والمواقع والفضائيات ، بيداري على رعبه من القوات المصرية المتمركزة على الحدود و داخل سيناء لاول مرة من السبعينات من القرن الماضي .
-٢٣تابع

بس مصر مش العراق ولا سوريا مع الاحترام للجميع و مش المصريين اللي يحركهم صفحة اخوانية حمساوية بغيضة ولا احنا بناخد اخبارنا من اي حد معدي. المصريين كمان عندهم ثقة في قوتهم وقوة جيشهم وقيادتهم و زي ما نزلوا 44مليون يختاروا رئيسهم ويدعموا بلدهم ، لم تنطلي عليهم اللعبة!
-٢٤تابع

عاملين الفرقعات دي عشان تقولوا ان الانتخابات لا تعبر عن حيادية العملية الانتخابية وشعبية السيسي مش حقيقة😂
واحنا فاهمين كل الملاعيب عشان صبيانكم فضحوا مخططاتكم على الفضائيات اللي انتوا بتدفعوا تمنها برضو لما بتمولوا خرفان كذب محروقين من زمان!
بتداروا ان جيشنا راعبكم
شوف دي👇
-٢٥

طبل و زمر على حوار عصابة الحوووووثين في البحر الاحمر واحنا عارفين ان امريكا وعملاءها قاصدين مصر بالتحديد بشوية البومب وفراقيع احداث غزة وما صدقوا ينشطوا ويشوفوا لهم سبوبة و متعرفوش ان مصر وبحريتها كانت واخدة قيادة قوات (CMF) في 2022 قوة مكافحة اعمال التهريب والارهاب!
-٢٦تابع

انا بس فاتني اقولك اننا كشعب مصر مدركين جدا الخطورة من قبل ما تحصل و عاملين حسابنا من بدري والحوثي اللي مصحى امريكا تضربه من النجمة عامل لجيش مصر 1000 حساب و شوف كدة 👇👇
-٢٧تابع

الا الجيش وقوته عشان احنا عارفين ولادنا وقدراتهم كويس!
الا الجيش و تسليحه لاننا رابطين الحزام على بطونا من سنين عشان يوم زي دا !
الا الجيش المصري اللي حارب جميع انواع الحروب من يوم ما هبطوا على المنطقة في 1948, وهيفضل صامد لانه الجيش المصري.
-٢٨تابع

الا الجيش المصري اللي مش ممكن ابدا تطولوا منه شبر في ارض مصر لا بالتهجير ولا بالتفجير ولا بالتهليل الخايب اللي انتو عاملينه دا!!
الا الجيش المصري اللي قايم على اكتاف رجالة من حديد مش قايم على معونات امريكا وخططها الدفاعية.
صحيح احنا بنعيش ظروف داخلية صعبة
-٢٩تابع

و علينا ضغوط خارجية غير مسبوقة لكن احنا واعيين للحرب الاعلامية اللي شغالة علينا من زمااااااان اوى!
وعشان كدة بوجه كلامي لكل الناس على السوشيال ميديا
احنا في الحرب يا جماعة
حرب الاعلام والمعلومة
حرب الوعي
حرب الكلمة والرد
-٣٠تابع

حرب على العقل اللي بيحرك الكلام اللي ممكن ينزل الملايين للشوارع مش حرب السلاح اللي بتقتل بعشرات!
خدوا بالكم من كل خبر :
جاي منين-ايه مصدره؟
موثق ولا فشنك؟
مين قاله - وكالة انباء ولا صفحة عديمة الهوية؟
ولو وكالة انباء هل هى محايدة ولا لها اجندة معروفة؟
-٣١تابع

وتسال نفسك دائما مصر فين من الخبر ؟ فين الرد الرسمي؟
حتى لو الرد الرسمي اتاخر -استناه لانه رد مسؤول مش بيطلع بشان الا بعد تحقيق وتأكد .
خليك مدقق والصفحات اللي تعرفها محرضة اعملها بلوك .
-٣٢تابع

جزء من عساكرهم في الحرب علينا اطلاق اللجان الالكترونية اللي وظيفتها استهداف الحسابات اللي بتدعم الدولة المصرية ، نفس التعليق هو هو عليا في كل بوست بينزل شوفوا كدة النموذج دا👇👇
-٣٣تابع

النموذج السابق مش شخص ابدا دا عضو في لجان "الهاسبيرا" او الوحدة 8200 الاسرائيلية هدفهم دائما التشكيك والتحطيم ويا سلام لو ونشر اخبار كاذبة x.com
-٣٤👇

Loading tweet...

دا غير محللينهم السياسيين اللي بقوا موضة على الفضائيات العربية وبيقدموا طرح يخدم وجهة النظر الاسرائيلية!
من فضلك ما دمنا في وقت حرب مفيش داعي تسمع منه ولا تدى له فرصة لانه بالتأكيد هيدس لك السم وعمره ما هيقدم معلومة حقيقية شوف النموذج دا بالتفصيل👇x.com
-٣٥👇

Loading tweet...

خلي عندك ثقة في بلدك ومؤسساتها واعرف ان لو الحرب قامت زي ما بيحاولوا يجروك لها بالكذب لانقاذ حكومة نتنياهو و”جيش المهزأين"واخضاع المجتمع الاسرائيلي الغاضب من ناحية والاستيلاء على غزة وتهجير الفلسطينيين لمصر والاستيلاء على سيناء
مش هتكون حرب مستخبيةخلاص معادش ينفع حد يخبي حرب!
-٣٦

والادارة المصرية الحالية مش هينفع تتعامل بالاسلوب دا في حالة الحرب لانها ادارة ذات خلفية عسكرية مخابراتية بالاساس وعارفة كويس تكلفة اخفاء معلومات في وقت الحرب، ومش هتسيب الساحة فاضية تلعب فيها بني صهيون وعملاءها في ادمغة المصريين. معلش يا سادة👇👇
-٣٧تابع

مكانتش الدولة عملت قناة زي #القاهرة_الاخبارية و ساعة الجد خليتها تركز على الاحداث في غزة دونا عن الدنيا😉
دي رسائل يا فندم بل قذائف و موجعة في صدر الاعلام الاسرائيلي و اذرعه الممدودة في كل زخنوووق من زخانيق الاعلام .
-٣٨تابع

اثبَتو واثبِتوا انكم اد الحرب وكل واحد مننا يلبس افروله ادام اي خبر يعدي ويستعمل عقله
كلن في موقعه واللي مش اد الحرب ياخد له ساتر ترابي على دماغه ويرحمنا من ارتعاشاته وتحليلاته
كل الثقة والدعم لمؤسسات الدولة السيادية في الحرب
الله يقويهم على حماية مصر يا ابطال🇪🇬
بقلم
#شيرين_هلال

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد