بعطيكم درس بالإدارة دامي فاضي
مره كان عندنا شغل مع جهة خارجية وهناك موظف معطل شغلنا ومحسربنا ايما تحسير فقررنا نسوي خطاب شكوى من اجل نلعن جدفه وامعاناً في الاذلال قررنا نرسل الشكوى للوزير اللي يتبع له الموظف فسوينا الخطاب ورفعناه لأكبر راس عندنا علشان يوقعه ويرسله للوزير ثم له

وكان هذا الراس الكبير اداري محنك مدقدق شاف مسودة الخطاب وسألنا انتم تبون تشتكونه علشان شغلكم يمشي والا علشان تنتقمون منه ؟ قلنا لا علشان شغلنا يمشي قال اجل غيروا الخطاب من خطاب شكوى الى خطاب شكر !
يارجال وش شكر اقولك محسربنا ومعطلنا قال بكيفكم اذا تثقون في رأيي خلوه خطاب شكر

ولأننا نثق بهالراس الى جانب انه مديرنا وفي يده البونص والتقييم طعناه واحنا مغصوبين وحوّلناه شكوى الى خطاب شكر وارسلناه للوزير اللي يرجع له هالموظف علشان يسلمه بنفسه للموظف
ف وصل الخطاب وبعد اسبوع رحنا للموظف اللي معطلنا وفعلا والله استقبلنا عند الباب واحتفى فينا وانجز شغلنا !

وصار هالموظف افضل شخص نتعامل معه
فلما افادنا راسنا الكبير بهذا التحول وان نظرته كانت صائبة قال لنا كلمة مازلت عالقة في أذهاننا : احياناً تأخذ بالوردة ما لا تأخذه بالمسدس

وهذا العلم وعفاكم اتمنى لكم ليلة سعيدة وبداية اسبوع أسعد