بعد ما قريت ٦٠ كتاب السنادي وللأمانة استمتعت بيهم كلهم تقريبًا، في الثريد دا هقولكم أحلى الكتب اللي قريتها واللي ممكن تضيفوها لقايمة قراءات السنة الجديدة ✍🏽
ملحوظة: أنا القطة
ملحوظة: أنا القطة
ثلاثية نجيب محفوظ، عارف كل الكلام اللي بيتقال عن قد إيه روايات عظيمة ويمكن أعظم ما كُتب في السرد العربي؟ صدقهم بجد. متعة رهيبة لا توصف ورحلة طويلة وممتعة
دول كتب وروايات وجوابات عن النفس، ممكن يتوصفوا بإنهم سير ذاتية كمان؟ ممكن، بس هم ممتعين لأبعد درجة.
حاجة جميلة إنك تقرا لإنسان بيحكيلك عن حياته بكل مآسيها وأفراحها، حاجة بتحسسك إنك مش لوحدك عموما
حاجة جميلة إنك تقرا لإنسان بيحكيلك عن حياته بكل مآسيها وأفراحها، حاجة بتحسسك إنك مش لوحدك عموما
من أجمل الروايات العربية اللي قريتها في حياتي بدون مبالغة، كان نفسي تبقى ألف صفحة. مبهرة، وحزينة، وجميلة، وكل حاجة بجد. رواية خطيرة مافيش زيها فعلا
حاسس بقفلة من القراية أو من الحياة؟ اقرا الكتاب دا، خفيف، هتحس إنك قاعد في جنينة وحوليك شجر وورد وحيوانات أليفة، هتحب الحياة والقراية والكتب بعدها
أفضل رواية مترجمة ومن أفضل الروايات اللي قريتها في حياتي، ملحمة من السحر والغرابة والشخصيات المعقدة والأحداث السياسية كمان. مبهرة بكل معنى الكلمة. والترجمة بقى، صالح علماني هو اكتشاف السنة بالنسبالي، مش ممكن حلاوة الترجمة
دواوين شعر هتخليك تعيط. لو عاوز يعني.
دواوين شِعر مش هتفهم منها حاجة بس هتحبها. وما تقلقش يعني مش كل الشِعر لازم يتفهم. ممكن نستمتع بس باللي مكتوب من غير ما دماغنا توجعنا
دواوين شعر هتفهمها عادي وهتحبها بردو. لو مالكش في الشعر قوي ممكن تبدأ بتأبط منفى لعدنان الصائغ
كتب ممكن تتسحل فيهم، ممتعين جدًا. والاتنين يعتبروا عن التاريخ، مع اختلاف المواضيع.
أجمل مجموعتين قصص قريتهم السنادي. واحدة بالعربي والتانية بالإنجليزي. متعة رهيبة وسرد يفوق الوصف في حلاوته
دواوين شعر تشقط بيها.
(مريم لو شفتي التويتة ما كنتش بشقطك عن نفسي يا ريت ترجعيلي الكتاب)
(مريم لو شفتي التويتة ما كنتش بشقطك عن نفسي يا ريت ترجعيلي الكتاب)
كتب بالإنجليزي. عن الوحدة، العزلة، موت الأم، الفن، الكتابة. وكل ما تشتهي النفس الحزينة
أفضل كتب قريتها عن تاريخ الفن والفنانين. كتاب د. نعيم عطية دا كنز بجد، وكل كتبه عن تاريخ الفن عموما ما تتوصفش من حلاوتها. أتمنى مؤسسة هنداوي توفر كتبه، لإنه إضافة كبيرة للمكتبة العربية في موضوع تاريخ الفن، وكمان ترجمته لليونانية خطيرة لإنه من أصل يوناني.
وأخيرًا مسرحية طقوس الإشارات والتحولات لسعد الله ونوس. لو ما قريتش مسرحيات قبل كدا فانت فايتك كتير، لإنها خفيفة جدًا وممتعة، وعبارة عن حوار طويل بين الشخصيات. أكنك بتقرا جروب شات لناس ما تعرفهاش وبتحاول تفهم إيه اللي بيحصل وكتابات سعد الله ونوس هتبهرك
وبس كدا نشوفكم السنة الجاية
وبس كدا نشوفكم السنة الجاية
ودول كمان عشان نسيتهم. كتب عبد الفتاح كيليطو عموما ممتعة وجميلة، لو مهتم تعرف عن تاريخ الأدب ومواضيع كتير تخص اللغة العربية يبقى لازم تقراله (بجد كتابته ممتعة ما تتخضش من اسمه والعناوين)
جاري تحميل الاقتراحات...