ركز معاي
١- اقلق براحتك ، دي اوقات قلق ودي طبيعتها لكن سيب مساحة، سيب مساحة بسيطة للإيمان بالربنا وهي حتسعفك ، ربنا في الأوقات دي بيبحث عن أي فتفوتة من الإيمان جواك عشان يقوي بيها قلبك ويدبر بيها أمرك ، خلي يجدها جواك وما تنساه ، الأمور عندك مخيفة مستحيلة لكن عنده ساهلة شديد
١- اقلق براحتك ، دي اوقات قلق ودي طبيعتها لكن سيب مساحة، سيب مساحة بسيطة للإيمان بالربنا وهي حتسعفك ، ربنا في الأوقات دي بيبحث عن أي فتفوتة من الإيمان جواك عشان يقوي بيها قلبك ويدبر بيها أمرك ، خلي يجدها جواك وما تنساه ، الأمور عندك مخيفة مستحيلة لكن عنده ساهلة شديد
٢- سيدنا موسى أرعب جنود ربنا خلقهم في التاريخ كانوا كلهم وراهو ، كلهم ما ناقصين نفر ، كلهم قاصدينه ، والبحر قدامه ، كل الحوالينه زي كل الناس الخائفين زيك حاليًا قالوا { إنا مدركون ﴾ .
لكنه قال {كلا إن معي ربي سيهدين} ، ربنا سمعها منو شق ليهو بحر ، غير ليهو قاعدة في الكون
لكنه قال {كلا إن معي ربي سيهدين} ، ربنا سمعها منو شق ليهو بحر ، غير ليهو قاعدة في الكون
٣ - سواء خايف على نفسك أو على أهلك ، أنت حاليًا في نطاق المظلوم ، ودعوة المظلوم ماف بينها وبين ربنا حجاب أو أشتراطات ، أنت الدعوة والتسبيحة حاليًا بتترفع directly للسماء بدون مراجعات أو وقفات ، وهو رحيم شديد ، مستنيها منك ، عايز بس يسمعها عشان يلحقك قبل ما تلحق حتى أنت نفسك وأهلك
٤ - حيطلعكم كيف ، حينقذكم كيف ، حيحفظ أهلك كيف ، حيعدي الليلة كيف ، دة شغل ربنا ودي قيوميته ودي ربوبيته ودي حيله ودة تدبيره
وديل عباده ، ما تحاول تشاركه في دة ، دة لا يعجزه شيء.
دة في لمحة البصر ، قادر إنه يلهم جنجويدي يغير الشارع عشانك ، دة الطلقة وهي طالعة بتطلع بأمره أولاً .
وديل عباده ، ما تحاول تشاركه في دة ، دة لا يعجزه شيء.
دة في لمحة البصر ، قادر إنه يلهم جنجويدي يغير الشارع عشانك ، دة الطلقة وهي طالعة بتطلع بأمره أولاً .
٥ - الناس بتكون في أجهزة الانعاش ماتت ، وبيشيلوا عزائهم ، بيحييهم تاني ، عشان ينولهم رزقهم المكتوب في الدنيا ، حتى لو كانت مجرد لبانة حيمضغوها السنة الجاي هو مقدر ليهم رزقها ،
مسألة موتك وحياتك وبقاءك وبقاء أهلك ، دي أمور عندك بتؤرق تفكيرك لكن عنده هي مقضية وانتهت .
مسألة موتك وحياتك وبقاءك وبقاء أهلك ، دي أمور عندك بتؤرق تفكيرك لكن عنده هي مقضية وانتهت .
٦ -سواء حاليًا قاعد تدبر لرحول ، لمخرج ، لنزوح ، كله قاعد تؤجر عليه حاليًا { لا يَقْطَعُونَ وَادِيًا إِلا كُتِبَ لَهُمْ } ، وهي دي طبيعة الحياة ، خوف ونقص في الأموال والأنفس والممتلكات والثمرات ، و إنما الصبر صبر ساعة ،كلهم كانوا زيك بنفس حساباتك ويأسك وإتدبر ليهم المخرج والمنفذ.
جاري تحميل الاقتراحات...