ثريد مهم
عايزه احكي لكم حاجة وهي كمان درس لأصحاب البرندات المصريه ( ملابس ) وللعميل
من كام يوم عجبتني بدله كاجول قولت ادخل ابص عليها دخلت قيستها قماش كريب في قماش مطرز
سألت البنت بكام قالت لي ٧٥٠٠ قولتلها هي مستورده قالت لي لاء احنا براند مصري

قولتلها ليه ٧٥٠٠ قالت علشان الأيجار والتكاليف
تمام هما فعلا في مكان ايجاره غالي ( اركان )
قررت بقي اعرف تكلفه البدله فنزلت الازهر سألت علي القماش طلع تكلفته بسبب قماش التطريز ٦٠٠ جنيه نقول الخياط هياخد زيهم يعني البدله في الاخر تكلفتها ١٢٠٠ هنحط مكسب ٦٠٠ تبقي ١٨٠٠

كده دي التكلفه بالمكسب عايزين بقي نهلك المصاريف علي البدله
طيب ايه هي المصاريف في الحاله دي هي ايجار وعماله وكهربا ( مصاريف شهريه ) ديكور ( مصاريف تحسب وتهلك علي فتره محدد ) تسويق ودعايه ومستلزمات زي الشنط ( تهلك سنويا )

بس النقطه انك لازم تحسب ده علي عدد القطع اللي انت ناوي تبيعها علشان تعرف تطلع نسبه صح
هنا في مصر التسعير عشوائي تمام اللي هو أنا في اركان فهبيع غالي علشان الزباين بتوعي معاهم فلوس ( مش شرط )
البراند ده انترناشونال بيبيع ب ١٠٠٠ أنا هبيع ب ٩٥٠

طب ما اجيب البراند التاني حضرتك هشتريك ليه
اصحاب البرندات المصريه انتوا محتاجين تقعدوا مع نفسكم كده وتفهم ان الناس مش معاها فلوس علشان تتفشخر حاليا الناس عايزه حاجة حلوه بسعر تقدر تدفعه