رتبها

مصر قضيتي
من يوم #طوفان_الأقصى ما حصل وفيه تحركات دولية وداخلية كتير غير مسبوقة. في اجيال انتفضت وفي انتماءات غريبة انكشفت،وفي تثورات قديمة اتنفخ فيها الروح وفي اقنعة سقطت عن كذب وتدليس اعلام دولي.
لكن الثابت والأكيد في دولة عظيمة اسمها اتردد بقوة في خضم الاحداث وهى مصر!
١-تابع

وفي وسط كل دا،في ناس اتهجرت من اراضيها وشعب من الشهداء سقط وفي خرايط بتتغير ومواقف دولية بتفاجئ الكوكب وفي شعوب يتخرج الشوارع عشان شعب فلسطين المظلوم وكل دا لأول مرة يحصل بالقسوة والسرعة اللي احنا شايفينها
وفجأة:
بريطانيا تمنع دخول المسؤولين عن عنف المستوطنين ضد الفلسطينيين
-٢👇

أعلن وزير الخارجية ديفيد كاميرون، النهاردة، أنه قرر منع المسؤولين عن أعمال العنف التي يرتكبها المستوطنون ضد الفلسطينيين من دخول #بريطانيا.
بس كاميرون معملش كدة فجأة!🤔
في قبله تريند شغال،
تعالوا نشوف تسلسل الاحداث مشي ازاي عشان نفهم الدنيا ماشية ازاي!
-٣تابع

كاميرون عبرX":
يُقوض المستوطنون المتطرفون، من خلال استهداف وقتل المدنيين الفلسطينيين، الأمن والاستقرار لكل من الإسرائيليين والفلسطينيين.يجب على إسرائيل أن تتخذ إجراءات أقوى لوقف عنف المستوطنين ومحاسبة الجناة. سنمنع المسؤولين عن عنف المستوطنين من دخول المملكة المتحدة
-٤تابع

للتأكد من أن بلدنا لا يمكن أن يكون موطنا للأشخاص الذين يرتكبون الأعمال الترهيبية"
ومن كام يوم،قال مسؤول السياسة الخارجية في الاتحاد الأوروبي جوزيب بوريل إنه هيقترح فرض عقوبات على المستوطنين اليهود المسؤولين عن أعمال العنف ضد الفلسطينيين فالضفة الغربية اللي بتحتلها إسرائيل
-٥👇

وكمان فنفس التوقيت أيدت رئيسةالمفوضية الأوروبية أورسولا فون ديرلاين فرض عقوبات على المستوطنين المتطرفين في الضفة الغربية
ونددت فون دير لاين امبارح بصوت كان واصل المكسيك أمام البرلمان الأوروبي بـ"تصاعد"أعمال العنف اللي بيمارسوها المستوطنين باعتبارهااعمال بتهدداستقرار المنطقة!
👇٦

لا يا شيخة🤌🏼
وقالت بالنص:
يتسبب تصاعد أعمال العنف الذي يمارسه المتطرفون من المستوطنين معاناة هائلة للفلسطينيين وذلك يعرض احتمالات سلام دائم للخطر ويمكن أن تفاقم عدم الاستقرار الإقليمي. ولهذا السبب أنا أؤيد فرض عقوبات على الأشخاص المتورطين في الهجمات في الضفة الغربية".
-٧تابع

قبل كل من وزير الخارجية البريطاني و الجماعة بتوع الاتحاد الاوروبي، كان في تحذير مستتر صغنون كدة من وزير الدفاع الأميركي لويد أوستن في اوائل نوفمبر من أن العنف ضد الفلسطينيين في الضفة الغربية قد ينقلب ضد إسرائيل إن لم تتم السيطرة عليه!
و دا كان مستخبي فين دا كمان؟!
-٨تابع

وحذر مسؤولون أمنيون إسرائيليون من تصعيد أمني في الضفة الغربية،بسبب عدم مسؤولية الوزراء في الحكومة.
وقبل أيام أعلنت الخارجية الأميركية،توقيع عقوبات على مستوطنين إسرائيليين.
وقال وزير الخارجية أنتوني بلينكن:
"فرضنا قيودا على التأشيرات تستهدف متورطين بالعنف في الضفة الغربية"
-٩👇

وقال أن أمريكا بتاعة الديموكراسي والحقوق والحريات هتواصل السعي لتحقيق المساءلة عن جميع أعمال العنف ضد المدنيين في الضفة الغربية وهو رافع ايديه الاتنين مهددا إسرائيل باتخاذ مزيد من الإجراءات لحماية الفلسطينيين من الهجمات المتطرفة!
شوف الاسى باين على وشه ازاي يا مؤمن🥲
-١٠تابع

والغريب ايها الاخوة المواطنون ان إدارة بايدن بتعلن عن مخاوفها بشأن عنف المستوطنين مع الحكومة الإسرائيلية نفسها بحسب التسريبات سرا وعلنا من 3سنين،وفقًا للمسؤولين الأميركيين.
ولكن منذ هجوم حماس في7 أكتوبر، حصل ارتفاع كبير في عدد الهجمات التي يشنها المستوطنون ضد الفلسطينيين.
-١٠👇

خد اللي جاي دا يا محترم
بحسب تقارير صحفية كمان
وفي مقال افتتاحي نشرته صحيفة "واشنطن بوست" من أسبوعين، ذكر الرئيس بايدن أن الولايات المتحدة بتستعد لإصدار حظر على تأشيرات الدخول للمستوطنين المتطرفين المتورطين في هجمات ضد الفلسطينيين.
-١١تابع

وقبل يوم واحد من نشر المقال الافتتاحي، أرسل بايدن مذكرة للعديد من وزراء الحكومة يطلب منهم إعداد عقوبات محتملة "ضد أفراد أو كيانات تشارك بشكل مباشر أو غير مباشر في أعمال تهدد الأمن أو الاستقرار في الضفة الغربية!
-١٢تابع

اخدت بالك من كل اللي فات؟
طبعا اكيد بتسأل نفسك فين سيرة غزة في كل اللي اتقال فوق و ازاي الناس دي طنشت ذكرها وقررت تاخد قرارات تصعيدية "حقيقية" ضد المستوطنيين المتوحشين!؟
يا فندم قبل ما اجاوب حضرتك تعالى نحلل مع بعض كام نقطة مهمين:
-١٣تابع

🔹لاحظ ان الحديث كله منصب على اعمال المستوطنيين العنيفة في الضفة الغربية تحديدا و ليس المستوطنيين في القدس والاعتداءات على المقدسات الدينية ولا غزة ولا حتى كامل الاراضي المحتلة ، طبعا دا مش معناه خالص وقف الحرب في غزة وانفصال الخطاب السياسي الدولي عن الحدث الدامي!
-١٤تابع

🔸لاحظ ان في خيط من التسلسل الزمني والتحرك السياسي سواء في التصريحات او القرارات متسق مع الموقف اللي بتتاخذه واشنطن في الاساس-يعني البيت الابيض لازم تبدأ صفارة الانطلاق من عنده او تدق طبول الحرب في جنينته الاول!
-١٥تابع

▪️لاحظ ان المواقف كلها ماشية في سكة بعيدة عن بؤرة الحرب في غزة ودا لصنع بؤرة اهتمام بديلة للشعوب الغاضبة في العواصم والمدن الغربية ولتحسين صورة الحكومات المتواطئة في قتل الفلسطينيين مع ارهابيل تواطؤ كامل. هما محتاجين يبطأوا حركة المد الثوري في بلادهم
-١٦تابع

ويقدموا للرأي العام الدولي ما يحفظ ماء وجههم شويتين ، يعني يقولوا احنا بنواجه ارهابيل باننا بنتشطر على سحب فيزا من كام واحد "برو عتب"، اهم من الشغل تظبيط الشغل ولا ايه؟!
اتعلموها بقى من ايام
Divide & Rule
-١٧تابع

◽️لاحظ كمان الخسارة الاعلامية الرهيبة اللي منيت بيها ارهابيل بخسارة التعاطف الدولي وانهيار حصون السهوكة،الغرب محتاج يساهم في تخفيف الضغط على حكومة ارهابيل بحيث تاخد فرصتها في استكمال العنف الوحشي غير المبرر بدون مقاطعة، ويبقى امام شعوبه مدي ارهابيل حق الدفاع الشرعي عن النفس
-١٨👇

ضد حماس الارهابية ، لكن في الضفة الغربية مفيش حماس واحنا واقفين بالمرصاد ضد اعمال العنف غير المبررة- احنا ماشين بالقانون الدولي كما قال الكتاب ولا ايه؟!
اعترضوا بقى على القانون الدولي و المنظمات الدولية المتفصلة بالمقاس؟!
انتوا اللي مبتعرفوش تلعبوا !!!
-١٩تابع

🔴غزة يا سادة مطلوب تفضل تحت رهن القوة العسكرية الغشيمة؛تضرب وتتهشم على راس ناسها ويتم اجبارهم على الخروج منها والضغط عليهم للوصول للحدود المصرية بحجة محاربة حماس-ولو نجحوا في الضغط على مصر بالاغراء او بالارهاب ، بالابتزاز العاطفي او بالاستفزاز العسكري يبقى حرب غزة حققت هدفها
-٢٠

وارهابيل اخدت الأرض خالية من السكان الفلسطينيين مكافأة على عملياتها العسكرية وتحقق جزء من حلم ارض المعاد وارهابيل الكبري و الحواديت بتاعة اجدادها من النيل الفرات مستغلة قدراتها المهولة في الضغط على الحكومات الغربية واولهم ادارات الولايات المتحدة الامريكية و غيرها.
شوف كدة
-٢١👇

🔵ارهابيل حاليا حققت هدف سامي كبير بيخدم خطواتها وهو اخلاء غزة من السكان وابتدت تحط خطط لما بعد الحرب لا تشمل وجود شعب غير ال.ي.هو.د في ما بقى من غزة - شغالة شحن وسلخ في الفلسطينيين عشان يكونوا حائط ضغط على مصر و رافعة هى واعوانها سواء بالتآمر او التدليس
-٢٢تابع

او عن طريق شعارات المغيبين ب"فتح المعبر" مع ان معبر رفح متقفلش من الجانب المصري ولا يوم، لكن دا جزء من الضغط اللي بتمارسه على مصر من خلال الحرب النفسية طويلة المدى من خلال تجييش جزء من المثقفين المدجنين لصالح خدمة اهدافها وراهم قطاع كبير من شباب ملحقش يعيش ولا يعرف تاريخ
-٢٣تابع

القضية وازاي بتضيع على اجزاء بسبب عمليات التهجير اللي كانت بتم من 1948ولحد النهاردة!
▪️كل دا يوصلنا اننا نتحسس حركات الافاعي الناعمة، زي ما انتوا شايفين، بيحركوا المشهد بطريقة تشبه تحريك قطع الpuzzlesالصغيرة وبيعرفوا يديروا قضاياهم بكذا اسلوب في عز الحرب وعلى مراحل وبترتيب
-٢٤👇

ما بينهم وبين بعض، مفيش شيء عشوائي ومحدش منهم بيعمل شيء استجابة لرغبة شعبه زي ما هنا بيحاولوا يصدرولنا هذه المفاهيم وابرز دليل على كدة الحاصل في بريطانيا والولايات المتحدة من انخفاض شعبية ريشي سوناك وبايدن و برغم خروج مظاهرات حاشدة في البلدين ضد ممارستهم الا انهم مستمرين في
-٢٥👇

سياساتهم بحسب الاستفتاءات واستطلاعات الرأي المعمولةمن ابحاثهم!
⚫️الهدف هو التهجيرالفلسطينيين لمصر واستخدامهم في استيطان سيناء تمهيدا لنقل عمليات المقاومة ضد ارهابيل من داخل مصر لاعطاءها حق الدفاع الشرعي عن النفس مرة تانية بس المرة دي هيكون ضد دولة ذات سيادة وهى مصر.
-٢٦تابع

مصر اللي بيضغط عليها داخليا وخارجيا عشان تدخل الفلسطينيين وتساهم في تصفية القضية ودا مش جديد على مصر اللي عدو عليها محاولات تهجير متعاقبة للفلسطينيين من وقت قيام الكيان مرورا بمراحل جمال عبدالناصر ومبارك ومرسي وحتى الرئيس السيسي وقالتها عالية برضو لاء x.com
-٢٧

Loading tweet...

مصر اللي اتحشد لها جيوش من الغريب والقريب وحواليها قواعد من كل حتة ممكن توجه لها ضربات نافذة وبرضو قالت لاء
مصر اللي مهما تدخل من معونات وصاحبة 80% من المساعدات بيتمارس عليها نوع من الانكار والتسفيه لكل حاجة بتقدمها وبيتوجه لها الاهانة للضغط على اهلها
-٢٧تابع

عشان هما كمان يضغطوا على رئيسها يدخل الفلسطينيين مصر ودا طبعا بتخطيط و ترتيب عملاء ارهابيل من الاخوان الارهابيين ودلاديلهم من النوشطاء وادمغة الشباب اللي شايفة القضية قضية القدس والمسجد الاقصى، مش عايزة تشوف انها ضياع أرض و شعب وسماح بمزيد من الضياع بنقل القضية لاراضينا!
-٢٨تابع

مصر مش ضعيفة ولا شعبها يقبل على نفسه يكون قليل الحيلة، اللي مش فاهم نفهمه، واللي مش مستوعب حجم الخطر مش هنحايله، احنا هنحيده. مش هنسمح لحد يلوى دراعنا ويغمينا عن رؤية الحق. اوعى تقبل على بلدك الاهانة البلد اللي سالت القضية ولسة شايلة لوحدها وصوتنا عالي
القضية خطيرة وكبيرة
-٢٩تابع

الدوافع مش مستخبيةوالمكاشفة ضرورية،لازم عينينا تكون على بلدنا الاول ونشوف التهديد الحاصل لينا من حدودنا الشمالية الشرقية، مش عشان متعاطفين مع القضية ننسى التهديد اللي ممكن يطولنا،مصر صحيح في إيد أمنيةوعندنا قيادة تقدر تصد أي عدوان،بلاش احنا نكون الضربات اللي بتتوجه لها من الداخل

قضيتنا مصر وأمنها القومي مقدمة على كل القضايا
متعاطفين اه،مش متساهلين مع اللي عايز يضيع حقوقنا وهو بيضيع حقوقه
مساندين اه،لكن مش قابلين اهانة ولا تشكيك في نزاهتنا وشهامتنا
داعمين اه،لكن مش متخلين عن سيادتنا على اراضينا ولا نسمح بابتزاز من اي نوع يخل بأمننا القومي
بقلم
#شيرين_هلال

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد