صباح الخير ..
مهم جدا في علاقة الحب ، الحبيب بينادي حبيبه ب ايه ؟
وده طبعا يورينا الفرق بين واحد بيقول لحبيبه "يا بسكوته" ، " يا مربي " ، "يا ساندوتش شكولاته بالمكسرات " الخ .. لمستوي تاني خالص من حد بيقول لحبيبه "يا اغلي من امالي" او "يا احلي من ايامي " !
مهم جدا في علاقة الحب ، الحبيب بينادي حبيبه ب ايه ؟
وده طبعا يورينا الفرق بين واحد بيقول لحبيبه "يا بسكوته" ، " يا مربي " ، "يا ساندوتش شكولاته بالمكسرات " الخ .. لمستوي تاني خالص من حد بيقول لحبيبه "يا اغلي من امالي" او "يا احلي من ايامي " !
مفيش صح او غلط في التعبير عن الحب ، إنما فيه عمق مفقود في كلمات اغاني الحب في الزمن ده !! تحس ان فيه استسهال وفقر في اي مشاعر حب ، كلها مصطلحات ضعيفة جدا وسطحية ، قايمه علي فكرة انت كائن لذيذ وحلو عاوز اتمتع بيك !
ف مهم جدا احنا بنقول للي بنحبهم اي ؟ بندلعهم باي ؟ ، وكل ما كان فيه مضمون غني ورا اللفظ اللي بناديهم بيه كل ما وصل رسالة حب أعمق و أنبل ، رساله مبذول فيها مجهود واهتمام !
زي ما الست أم كلثوم بتقول في "يا مسهرني" لحبيبها "ده انا عندى كلام بدى اقوله لك ، وفى قلبي هيام وفى قلبى بدي أوصفهولك !" و تفضل ساعة كامله تتغزل فيه !
يعني
مثلا جبران خليل جبران يقول لمي زيادة في كتابه الشعلة الزرقاء
" لا تخافي يا رفيقة قلبي "
هي مش رفيقته وبس ، لا دي رفيقة قلبه ! واختيار لفظ الرفيق عشان يدل بشكل اقوي عن القرب والالتصاق لاغلي حاجة في الانسان وهي قلبه !
مثلا جبران خليل جبران يقول لمي زيادة في كتابه الشعلة الزرقاء
" لا تخافي يا رفيقة قلبي "
هي مش رفيقته وبس ، لا دي رفيقة قلبه ! واختيار لفظ الرفيق عشان يدل بشكل اقوي عن القرب والالتصاق لاغلي حاجة في الانسان وهي قلبه !
او مثلا المغني الأمريكي جوني كاش لمراته
"يا رغبتي الدفينة وسبب وجودي على الأرض"
هي اكتر حاجة موجوده جواه ، رغبته الاعمق ، اللي من خلالها بياخد اي قرار في الحياة ، هي سبب استمراره في الحياة !
"يا رغبتي الدفينة وسبب وجودي على الأرض"
هي اكتر حاجة موجوده جواه ، رغبته الاعمق ، اللي من خلالها بياخد اي قرار في الحياة ، هي سبب استمراره في الحياة !
ام كلثوم نفسها في اغنية " أمل حياتي " بتقول
"يا حب غالي ما ينتهيش ، يا أحلى غنوة سمعها قلبي ولا تتنسيش ، يا أغلى مني عليا ، يا حبيب امبارح وحبيب دلوقتي ، يا حبيبي لبكره ولأخر وقتي "
حاجة كده في منتهي العظمة !!
"يا حب غالي ما ينتهيش ، يا أحلى غنوة سمعها قلبي ولا تتنسيش ، يا أغلى مني عليا ، يا حبيب امبارح وحبيب دلوقتي ، يا حبيبي لبكره ولأخر وقتي "
حاجة كده في منتهي العظمة !!
في النهاية مدي اختيار ألفاظنا للاشخاص اللي بنحبها بيعكس مدي عظمة مكانتهم في عقولنا وروحنا ، اه الكلام ميغنيش عن الافعال ، بس برضو الكلام الغني المتعوب فيه ليه سحره وتأثيره !♥
جاري تحميل الاقتراحات...